Ghazali Safie

Wikipedia Minangkabau - Lubuak aka tapian ilimu
Yang Amat Berbahagia Tun

Muhammad Ghazali Shafie

SSM PMN SSAP SIMP SPDK SSSA DA DIMP SMP
محمد غزالي شافعي
Lahia22 Maret 1922
Kuala Lipis, Pahang, Negeri-Negeri Melayu Bersekutu, British Malaya (kini Malaysia)
Maningga24 Januari 2010 (umua 87)
Subang Jaya, Selangor, Malaysia
Resting placeMakam Pahlawan, Masjid Negara, Kuala Lumpur
Alma materUniversity College of Wales
London School of Economics
KantuaMinister of Foreign Affairs
PandahuluTengku Ahmad Rithauddeen Tengku Ismail
PanaruihTengku Ahmad Rithauddeen Tengku Ismail
Partai politikPertubuhan Kebangsaan Melayu Bersatu
Afiliasi
politik lain		Barisan Nasional (BN)
PasanganKhatijah Abdul Majid
Anak2

Tun Muhammad Ghazali bin Shafie (Melayu: محمد غزالي بن شافعي; lahia 22 Maret 1922 – maningga 24 Januari 2010 pado umua 87 taun)[1] adolah saurang politikus jo diplomat Malaysia. Inyo manjabek pado maso pamarentahan ampek Perdana Menteri, tarutamo sabagai Menteri Urusan Dalam Negeri jo Menteri Luar Negeri dari taun 1973 sampai 1984.

Biografi[suntiang | suntiang sumber]

Ghazali lahia pado taun 1922 di Kuala Lipis, Pahang.[2] Inyo marupoan katurunan Minangkabau nan barasa dari Rao, Pasaman, Sumatra Barat.[3] Inyo turuik sarato dalam palawanan bawah tanah rakyat Malaya malawan Japang samaso Parang Dunia II. Inyo kamudian baraja di University of Wales jo London School of Economics.[4]

Samaso Kedaruratan Malaya, Ghazali mandukuang panuah upayo militer Inggirih untuak manumpas pambarontakan prokamerdekaan nan dipimpin dek Tentara Pembebasan Nasional Malaya (TPNM), angkatan basanjato punyo Partai Komunis Malaya. Manulih di surek kaba The Times, Ghazali sacaro tabukak mandukuang pambunuahan jo pambasmian urang-urang nan diduga manjadi anggota TPNM.[5]

Satalah bakarier sabagai pagawai nagari, Ghazali tajun ka dunia politik.[4] Inyo manjabek sabagai Menteri Dalam Negeri dan Penerangan dari taun 1973 sampai 1981, kamudian diangkek sabagai Menteri Luar Negeri sampai taun 1984. Inyo mawakili daerah pamilihan Lipis dari taun 1974, sabalum tu inyo manjadi anggota Dewan Negara (majelis tinggi parlemen).[6] Sabagai Menteri Lua Nagari, inyo dikana baparan dalam diplomasi ASEAN takaik konflik di Kamboja. Inyo digambaran sabagai politikus nan flamboyan, dijuluaki "Raja Ghaz".[6][4]

Pado 11 Januari 1982, Ghazali salamek dari kacelakaan kapa tabang nan dipiloti dek inyo. Pangawal jo kopilotnyo maningga dunia. Patugeh investigasi manyatoan baso pasawat tu kacelakaan karano kalalaian Ghazali.[7])[8][9]

Satalah maninggaan dunia politik, Ghazali mamacik babagai jabatan di sektor korporasi jo organisasi internasional.[2] Ghazali maningga dunia pado tanggal 24 Januari 2010 pukua 19.45 di rumahnyo di Subang Jaya.[10] Bininyo, Toh Puan Khatijah Abdul Majid, maningga dunia pado bulan April 2008.[11] Kaduonyo maninggan duo anak laki-laki, nan banamo Bachtiar jo Sheriffudin. Inyo dikubuan di Makam Pahlawan, Masjid Negara, Kuala Lumpur.[12]

Rujuakan[suntiang | suntiang sumber]

  1. ↑ Tun Muhammad Ghazali bin Shafie Archived 2017-12-12 di Wayback Machine.. arkib.gov.my. Diakses 10 Januari 2024
  2. ↑ a b "'King Ghaz' Remembered As No-nonsense Man". Bernama. 25 January 2010. Diakses tanggal 10 Januari 2024. 
  3. ↑ http://ww1.utusan.com.my Archived 10 March 2015 di Wayback Machine. Memperkasakan Tokoh Rao Archived 2 September 2017 di Wayback Machine.
  4. ↑ a b c Leifer, Michael (2001). Dictionary of the modern politics of South-East Asia (edisi ke-3rd). Taylor & Francis. pp. 121. ISBN 0-415-23875-7. https://books.google.com/books?id=PeNmkSi54DQC&q=%22ghazali+shafie%22. Diakses pado 10 Januari 2024. 
  5. ↑ Hack, Karl (2022). The Malayan Emergency: Revolution and Counterinsurgency at the End of Empire. Cambridge: Cambridge University Press. pp. 319. 
  6. ↑ a b "Ghazali Shafie Dies". Bernama. 25 January 2010. Diakses tanggal 10 Januari 2024. 
  7. ↑ "Mohammad Ghazali bin Shafie, Malaysian official, dies in crash". New York Times. 11 January 1982. Diakses tanggal 10 Januari 2024. 
  8. ↑ "Envoy Survives". The Pittsburgh Press (United Press International). 11 January 1982. Diakses tanggal 10 Januari 2024. 
  9. ↑ "Minister blamed". The Montreal Gazette. 23 June 1983. Diakses tanggal 10 Januari 2024. 
  10. ↑ "Ghazali Shafie dies". The Star (Malaysia). 24 January 2010. Diarsipkan dari versi asli tanggal 27 January 2010. Diakses tanggal 10 Januari 2024. 
  11. ↑ "'King' Ghaz dies". The Malaysian Insider. 25 January 2010. Diarsipkan dari versi asli tanggal 27 January 2010. Diakses tanggal 10 Januari 2024. 
  12. ↑ ""King Ghaz" buried at Warriors' Mausoleum". mysinchew.com. 25 January 2010. Diakses tanggal 10 Januari 2024. 
Diambiak dari "https://min.wikipedia.org/w/index.php?title=Ghazali_Safie&oldid=3148770"