Perdana Menteri Malaysia

{{{jabatan}}}
Pamacik Anwar Ibrahim Sajak 24 November 2022
Laman web

Perdana Mantri Malaysia (Jawi: ڤردان منتري مليسيا) adalah kapalo pamarintahan di Malaysia. Sacaro struktural, Padana Mantri mamimpin eksekutif dan kabinet di pamarintahan federal. Yang di-Pertuan Agong ka mangesahkan jo malantiak saurang anggota parlemen yang mamiliki dukuangan jo kapicayoan mayoritas dari fraksi-fraksi yang adoh di Dewan Rakyat. Anggota Dewan Negara indak dapek diusuang jo didukuang sabagai Padana Mantri.

Sajak kemerdekaan, Padana Mantri umumnyo salalu dijabat dek anggota Organisasi Kebangsaan Melayu Bersatu (UMNO), komponen utamo dari Barisan Nasional (sabalumnyo dikenal sabagai Partai Perikatan sampai 1974). Pasca Pemilu Legislatif 2018, jabatan iko mancetak sejarah baru, di mano mantan Padana Mantri Mahathir Mohamad baliak manduduki kakuasoan sasudah 15 tahun pensiun dari dunia politik. Baliau diusuang dek Pakatan Harapan (PH) jo marupoan Padana Mantri partamo nan manjabat sacaro indak baturuik-turuik.

Munduanyo Mahathir pado 24 Februari 2020 mamunculkan krisis politik nan manyababkan PH jatuah dari kakuasoan. Muhyiddin Yassin dari Partai Pribumi Bersatu Malaysia didukuang dek Barisan Nasional (BN), Partai Islam Se-Malaysia (PAS), Gabungan Partai Sarawak (GPS), nanPartai Bersatu Sabah (PBS), sarato manyupakaik'i pambantuakan koalisi baru, yakni Perikatan Nasional (PN). Krisis politik taruih balangsuang ketiko UMNO manulak untuak bagabuang jo PN hinggo manjatuahan posisi Muhyiddin sabagai Padana Mantri. Baliau manjadi Padana Mantri tasingkek Malaysia nan manjabaik salamo 17 bulan. BN baliak mamimpin pamarintah federal di bawah kapamimpinan Ismail Sabri Yaakob sausai Muhyiddin mundur.

Ismail Sabri marupoan perdana mantri partamo dari UMNO nan babeda jo pandahulunyo. Sacaro tradisi, Padana Mantri Malaysia marangkap jabatan sabagai presiden partai maupun ketua umum koalisi, co halnyo Najib Razak nan manjadi Presiden UMNO sakaliguih Ketua Umum Barisan Nasional salamo dirinyo manjabaik perdana menteri. Pada pemilihan umum 2022, UMNO indak lai mangusuang sang presiden sabagai calon perdana menteri, malainkan dari wakil presidennyo, yakni Ismail Sabri Yaakob.

Pelantikan

Manuruik Konstitusi Federal, Yang di-Patuan Agong paralu maangkaik jo malantiak seurang anggota Dewan Rakyat yang mamiliki kapacayoan mayoritas dari para anggota parlemen untuak manjabaik sabagai padana mantri nan mamimpin kabinet. Satiok nan manjabaik adolah warga negara Malaysia, tapi indak dapek mamparoleh kewarganegaraan mereka jo caro naturalisasi. Yang di-Patuan Agong berhak pulo malantiak mantri jo wakil mantri nan manjadi anggota Dewan Rakyat maupun Dewan Negara salaku senator nan alah ditunjuak dek padana mantri.

Saurang perdana mantri basamo jo anggota kabinetnyo wajib malakuan sumpah jabaik jo sumpah kasetiaan, sarato sumpah karahasioan di hadok-an Yang di-Patuan Agong sabalum manjalanan tugaih jabatan. Anggota kabinet batangguangjawek kapado Parlemen Malaysia jo indak buliah mamiliki kantua laba, sarato talibek dalam panggalehan, bisnis, atau profesi apo pun nan ka manyababkan konflik kapantiangan. Departemen Perdana Mantri (disebut juga "Kantor Perdana Menteri") adolah badan jo kamantrian, di mano pardana mantri manjalanan fungsi jo kakuasaannyo.

Bagi satiok mantri jo wakil mantri tatap mamegang jabatan sasuai kahendak Yang di-Patuan Agong, kacuali nan basangkuik-an alah dibarantian atau mangunduran diri dari kabinet. Apobilo pemerintah indak dapek mangesahan anggaran di Dewan Rakyat atau ketiko Dewan Rakyat mangaluaan mosi indak picayo kapado pamarintah, khususnyo padana mantri, mako paralu dilakuan palatakan jabatan dek padana mantri jo mambubarkan pamerintahan, tamasuak kabinetnyo. Panggantinyo ka dijabaik dek sasaurang dengan dukuangan jo kapacayoan tagadang di parlemen, biasonyo saurang pamimpin partai nan mamarintah.

Caliak pulo

• Pasangan Perdana Menteri Malaysia
• Ketua Oposisi (Malaysia)

Pranala lua

• (Malayu) Departemen Perdana Menteri
• (Inggirih) Perdana Menteri Malaysia Archived 2010-04-16 di Wayback Machine.