Faldo Maldini

Faldo Maldini (lahia di Padang, Sumatra Barat, 9 Juli 1990; umua 29 tahun) adolah saurang politikus Indonesia. Samaso mahasiswa, inyo parnah manjabek sabagai Katua Badan Eksekutif Mahasiswa Universitas Indonesia (BEM UI).

Pandidikan

Salain aktif baorganisasi, Faldo bahasil maraih juara 3 pado kompetisi Mahasiswa Baprestasi pado tahun 2011.

Bakat kapamimpinan nan dimilikinyo diapresiasi dek Beasiswa Program Pembinaan Sumber Daya Manusia Strategis (PPSDMS) Nurul Fikri dan Goodwill International Scholarship nan masing-masing maagiah beasiswa kapamimpinan pado Faldo.

Kiprah

Katiko inyo malanjuikan pandidikan pasca-sarjana, inyo didaulat sabagai Katua Perhimpunan Pelajar Indonesia United Kingdom (PPI UK). Sabagai Katua PPI UK, Faldo mamimpin 32 cabang nan dimiliki organisasi itu nan tasebar di berbagai wilayah di Inggirih jo jumlah mahasiswa Indonesia sakitar 1.600 urang.

Pado tahun 2018, Faldo manjabek sabagai Wakil Sekretaris Jenderal (Wasekjen) Partai Amanat Nasional (PAN). Sabagai Wasekjen, tugas Faldo maliputi koordinasi jo DPW dan DPC di daerah, mambangun sistem pengkaderan nan sistematis, hinggo mambantu masukseskan Zulkifli Hasan di Pamilihan Presiden (Pilpres) 2019.

Pado Oktober 2019, inyo maundurkan diri dari PAN dan bagabuang jo PSI (Partai Solidaritas Indonesia) sabagai Katua DPW PSI Sumatera Barat.

Buku

• Karena Selama Hidup Kita Belajar (2015)

Karier organisasi

• Ketua Himpunan Mahasiswa Departemen Fisika UI (2010)
• Ketua Badan Eksekutif Mahasiswa FMIPA UI (2011)
• Ketua Badan Eksekutif Mahasiswa UI (2012)
• Ketua Perhimpunan Pelajar Indonesia United Kingdom (2013 – 2014)