Sao Tome jo Principe
Sao Tome jo Principe atau sacaro rasmi Republik Demokratik Sao Tome jo Principe adolah sabuah nagara kapulauan nan barado di Teluk Guinea, di sabalah barat khatulistiwa pantai Afrika Tangah. Jo laweh sakitar 1,001 km2, nagara ko marupokan nagara taketek kaduo di Afrika.[1] Duo pulau nan mambantuak nagara ko tabantuak sajak 30 juta tahun nan lampau, pado era Oligosen, akibaik aktivitas vulkanik di bawah parairan dalam di sapanjang Garih Kamerun. Tanah vulkanik nan tadiri dari basal jo fonolit alah digunoan sajak zaman kolonial untuak bakabun.[2][3]
Politik nagara ko balansuang dalam karangko republik demokrasi perwakilan semi-presidensial nan basatu, di mano Presiden adolah kapalo nagara jo Pardana Mantari sabagai kapalo pamarentahan, sarato sistem multi-partai. Kuaso legislatif dipacik dek pamarentah samo Majelis Nasional nan tadiri dari 55 anggota nan dipiliah satiok ampek taun.[4] Nagara ko dianggap sabagai nagara bebas, jo kabebasan mangecek, bapolitik, sarato ekonomi nan tinggi. Tingkek korupsinyo rato-rato, tapi babarapo tahun ko alah mulai manurun.[5]
Sao Tome jo Principe dipakiroan punyo panduduak mancapai 201.800 jiwa pado tahun 2018 dek lembaga pamarentah,[6] dibandiangan hanyo 60.000 jiwa pado tahun 1950.[7] Sakitar 193.380 jiwa tingga di Sao Tome sarato 8.420 jiwa di Principe. Panduduaknyo sabagian gadang tadiri dari urang Forros, katurunan Angola, urang Tanjuang Verde, sarato urang Eropa.[8]
Rujuakan[suntiang | suntiang sumber]
- ↑ "Sao Tome and Principe". US Department of State.
- ↑ Becker, Kathleen (2014-06-26) (dalam bahaso en). São Tomé and Príncipe. Bradt Travel Guides. ISBN 978-1-84162-486-0. https://books.google.com/books?id=uLzgAwAAQBAJ&dq=volcanic+soils+S%C3%A3o+Tom%C3%A9+and+Pr%C3%ADncipe&pg=PA14.
- ↑ Becker, Kathleen (2008) (dalam bahaso en). São Tomé & Príncipe. Bradt Travel Guides. ISBN 978-1-84162-216-3. https://books.google.com/books?id=e59TqbPNAB0C&dq=volcanic+soils+S%C3%A3o+Tom%C3%A9+and+Pr%C3%ADncipe&pg=PA3.
- ↑ "Nationality". The World Factbook. Diarsipkan dari versi asli tanggal 26 June 2015. Diakses tanggal 17 July 2012.
- ↑ "Sao Tome and Principe". Transparency.org (dalam bahasa Inggris). Diakses tanggal 17 June 2020.
- ↑ official estimate as at 13 May 2018 by Instituto Nacional de Estatistica.
- ↑ "Sao Tome and Principe". 19 April 2022.
- ↑ "Sao Tome and Principe". Britannica.