Doraemon

Wikipedia Minangkabau - Lubuak aka tapian ilimu

Doraemon

Berkas:Doraemon volume 1 cover.jpg
Sampul manga Doraemon jilid patamo versi Japang.
Genre

Komedi
Patualangan
Fiksi ilmiah

Manga

Pangarang

Fujiko F. Fujio (藤子・F・不二雄)

Panbik

Shogakukan

Panabik bahaso Indonesia

Elex Media Komputindo

Penerbit lainnya

Daiwon C.I.
Tora Aman
NXB Kim Đồng
Nation Edutainment
JLine Comics Center

Seri anime televisi

Sutradara

Tsutomu Shibayama

Studio

Shin-ei Animation

Jaringan

(TV Asahi)

Jaringan bahaso Indonesia

Berkas:RCTI tegak.png (RCTI)
(13 November 1988-kini)
SCTV Surabaya
(1990-1993)

Jaringan lainnyo

Berkas:CCTV-1综合.svg (CCTV-1) Canal 13 (1983-1988), Chilevisión (2000) Berkas:Tvblogo.gif (TVB) Hungama TV ChampTV, AnioneTV Berkas:NTV7 New.JPG (Ntv7), RTM 1, Berkas:TV9logo baru.jpg (TV9) Berkas:GMA Network Logo Vector.svg.png (GMA-7), (ABS-CBN-2) Canal Panda Channel 8 Berkas:Disney Channel 2014 logo.png (Disney Channel Asia) TV3, Canal Panda, (Boomerang) CTS MCOT

Takaik

  • The Doraemons
  • Dorabase
  • Kiteretsu Daihyakka

Doraemon (ドラえもん Doraemon?) (ドラえもん 'Doraemon'?) adolah judul sabuah manga jo anime nan sangaik populer nan dikarang Fujiko F. Fujio (藤子・F・不二雄) sajak 1 Juni 1969, bakisah tantang kahidupan saurang anak pamaleh kelas 5 sakolah dasa nan banamo Nobi Nobita (野比のび太) nan didatangi dek sabuah robot kucing banamo Doraemon nan datang dari abaik ka-22. Doraemon dikirim untuak manoloang Nobita supayo katurunan Nobita dapek manikmati kasuksesannyo daripado harus mandarito dari utang finansial nan akan tajadi pado maso muko nan disabokkan dek kabodohan Nobita.

Serial komik Doraemon patamo kali ditabikkan pado bulan Desember 1969 di anam majalah babeda. Sabanyak 1.345 carita dibuek dalam rangkaian aslinyo, nan ditabikkan dek Shogakukan dalam nauangan merek komik Tentōmushi (て ん と う 虫), nan dipalaweh hinggo ampek puluah limo jilid. Volume dikumpuakan di Papustakaan Pusek Takaoka di Toyama, Japang, tampek Fujiko Fujio lahir. Turner Broadcasting System mambali hak untuak seri anime Doraemon pado patangahan 1980-an untuak versi babahaso Inggirih di Amerika Sarikek[1], namun mambatalkannyo tanpa panjelehan sabalun manyiarkan episode apo pun. Pado bulan Juli 2013 Voyager Japang mangumumkan manga tasabuik ka dirilih sacaro digital dalam bahaso Inggris malalui layanan e-book Amazon Kindle. Iko adolah salah satu komik talarih di dunia, alah tajua labiah dari 100 juta kopi.

Sajarah[suntiang | suntiang sumber]

Pado bulan Desember 1969, manga Doraemon tabik bakasinambuangan dalam 6 judul majalah bulanan anak. Majalah-majalah tasabuik adolah majalah Yoiko (anak baik), Yōchien (taman kanak-kanak), Shogaku Ichinensei (kelas 1 SD), jo Shogaku Yonnensei (kelas 4 SD). Sajak 1973, majalah Shogaku Gogensei (kelas 5 SD) dan Shogaku Rokunensei (kelas 6 SD). Cerita nan takanduang dalam majalah-majalah itu babeda-beda, nan bararti pangarang carito iko harus manulih labih dari 6 carito satiok bulannyo. Pado taun 1979, CoroCoro Comic dirilih sabagai majalah Doraemon.

Sajak patamo kali muncul pado taun 1969, carito Doraemon alah dikumpuakan dan dibagi ka dalam 45 buku nan dipublikasikan sajak taun 1974 sampai 1996, dan alah tajua labiah dari 80 juta buku pado taun 1992. Pado taun 2005, Shōgakukan manabikkan sabuah serial tambahan sajumlah 5 jilid bajudul Doraemon+ (Doraemon Plus), isi cerita nan babeda dari 45 jilid aslinyo.

Latar balakang carito[suntiang | suntiang sumber]

Doraemon dikirim baliak ka maso kahidupan Nobita dek cicit Nobita, Sewashi. Inyo dikirim untuak mampaelokan kahidupan Nobita supayo katurunannyo marasokan kahidupan nan labiah baiak. Dalam kahidupan aslinyo tanpa dibantu Doraemon, Nobita gagal dalam palajaran sakolahnyo, gagal dalam karier, dan maninggakan kaluarganyo jo masalah finansial.

Carito bafokus tantang kahidupan sahari-hari Nobita nan marupokan tokoh utamo dalam carito iko. Doraemon mamiliki sabuah kantung 4 dimensi nan diisinyo jo barang-barang dari maso muko. Acok kali Nobita datang marengek-rengek dek masalah di sakolah atau di lingkungannyo, sasudah mamohon atau mamaso, Doraemon akan mangaluakan sabuah alat nan mambantu Nobita manyalasaikan masalah, mambalah dandam, atau hanyo sakadar pamer ka kawan-kawannya.

Nobita biasonyo batindak talampau jauah, mangacuahkan saran atau parintah Doraemon. Akhianyo, Nobita tajarumuih ka masalah nan labiah dalam. Takadang, kawan Nobita (biasanyo Suneo atau Gian) mancilok alat tasebuik dan barakhia dalam kakacauan dek salah manggunokannyo.

Sinopsis[suntiang | suntiang sumber]

Kahidupan awal Doraemon indak bagitu baiak. Inyo adolah sabuah robot gagal nan dilelang kapado sabuah kaluarga miskin nan talilik utang, nan ndak lain adolah kaluarga katurunan Nobi Nobita. Doraemon pernah manjalani maso-maso barek takah manjadi panjago bayi sasudah gagal malewati ujian di akademi robot, kaduo talingonyo hancua sasudah digigik robot mancik, catnyo luntua akibaik ulahnyo surang, dan masih banyak kisah sadiah nan inyo lalui pado taun patamo sajak kalahirannyo. Sampai suatu katiko, kaluarga tasebuik mangirimkannyo baliak ka maso lalu, kiro-kiro 250 taun nan lalu pado wakatu Nobita Nobi, laluhua kaluarga iko, masih hiduik di Tokyo.

Misi Doraemon adolah manolong Nobi Nobita nan marupokan kakek buyuik dari Sewashi nan mamiliki Doraemon. Nobita adolah saurang anak nan taruih mangalami nasib sial dan ndak punyo kamampuan apo-apo. Inyo bodoh dalam palajaran sakolah dan indak dapek baolahraga. Nobita hanyo babakaik dalam tembak-manembak, bamain karet, jo lalok siang. Faktor tasebuik manjadi alasan ba a Nobita gagal manjalani kahidupannyo, dan Doraemon dikirim dari maso muko untuak mangubah nasibnyo manjadi saurang laki-laki nan sukses. Sangaik ironi, sabuah robot gagal datang mambantu saurang anak nan gagal. Pado kanyataannyo, pasahabaikan kaduanyo iko mambuek kaduonyo manjadi labiah baiak.

Doraemon tibo pado taun 1969 saaik  Taun Baru Japang basamo Sewashi, cicit Nobita. Inyo kalua dari laci meja punyo Nobita, dan sajak saaik itu inyo tingga basamo Nobita. Misinyo adolah untuak mancegah Nobita manjadi urang gagal. Satiok kali Nobita tatimpo masalah, Doraemon akan sacapeknyo mambantu jo alat-alat ajaibnyo.

Nampaknya misi Doraemon barasia, dek katiko kaduonyo manjalajah ka maso muko, Nobita mancaliak dirinyo manikah jo Shizuka, bukan jo Jaiko. Inyo juo mancacliak katurunannyo hiduik dalam kondisi nan labiah baiak daripado katiko Sewashi mangirim Doraemon dulu, bahkan katurunan Nobi mampu mambali robot nan "indak gagal", Dorami.

Dicaritokan dalam manga jo anime, Doraemon jo Nobita saliang bakarajosamo untuak mampaelok kahidupan kaduonyo masing-masing. Banyak juo carito nan manampilkan kisah kabaranian jo kagigiahan kaduonyo untuak mampatahankan parsahabatan nan kaduonyo jalin.

Referensi[suntiang | suntiang sumber]

  1. "Travel - Doraemon Museum". Diakses tanggal 2017-09-18. 

Pranala luar[suntiang | suntiang sumber]