Donat

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Donat Bantuk Cincin Raso Coklat Meses

Donat (doughnut atau donut dalam bahasa Inggiriah) adolah makanan barupo roti nan dipanggang, adonan tepung terigu, gula, telur, dan mentega. Donat nan paliang umum adolah donat nan babantuak cincin nan balubang di tangah sarato donat nan babantuak bundar nan mamiliki isian manis, sarupo salai, jally, krim, tapuang gulo.[1]

Sijarah donat di era modern kiniko, patamo kali tacatat pado sabuah buku karya Washington Irving nan bajudul "A History of New York, from the Beginning of the World to the End of the Dutch Dynasty" pado tahun 1809. Dalam buku ko dicaritoan, istilah donat diciptakan jo urang Amerika katurunan Balanda nan tingga di New Amsterdam (New York). Pado maso tu, bantuak donat indak sarupo nan ado kini do.

Manuruik antropolog Paul R. Mullins, buku resepi patamo nan manyabuik donat adolah buku babahaso Inggiriah pada 1803 nan mangalompokan donat dalam resepi Amerika. Sajak maso tu, donat dianggap barasa dari Amerika. Pado patangahan abaik ka 19, Hanson Gregory, saurang kapten kapal, mangaku manamuan donat babantuk cincin di ateh kapa maso dirinyo baumuh 16 taun. Dek karano indak manyukoi kandungan minyak nan ado, Hanson malubanginyo jo sabuah alat. Kemudian, inyo mancaritoan taknik tu kapado ibunyo. Ibu Hanson, Elizabeth Gregory, mambuek adonan donat dengan manambahan campuran pala, kayu manih, jo kulik lemon.

Campuran ko barasil mambuek donat tahan lamo hinggo dalam pajalanan panjang untuak bakal anaknyo Salanjuiknyo, Elizabeth mamasuan hazelnut jo walnut ka dalam adonan samanjak maso tu adonan tu disabuik sabagai ‘doughnut’. Sacaro bahaso, dough bararti adonan, samantaro nut bararti kacang. ‘Doughnut’ marupoan ejaan tradisional, kamudian bakambang manjadi ‘donut’. Duo istilah ko nan kamudian diserap dalam bahaso Inggiriah, nan digunoan hinggo hari ko di babagai balahan dunia. Kasudah diserap dalam ejaan Indonesia, 'doughnut' atau 'donut' barubah manjadi donat.[2]

Rujuakan[suntiang | suntiang sumber]

  1. https://www.foodcentrum.com/artikel-18-sejarah-menarik-di-balik-terciptanya-kue-donat.html
  2. https://travel.kompas.com/read/2018/05/24/154000927/sejarah-si-bolong-tengah-donat?page=all