Organisasi Kasihatan Dunia

Wikipedia Minangkabau - Lubuak aka tapian ilimu
(Dialiahkan dari World Health Organization)
Loncat ke navigasi Loncat ke pencarian
Organisasi Kasihatan Dunia
World Health Organization
منظمة الصحة العالمية
世界卫生组织
Organisation mondiale de la santé
Всемирная организация здравоохранения
Organización Mundial de la Salud
Flag of WHO.svg
Bandera Organisasi Kasihatan Dunia
Jinih Badan khusus Paserikatan Banso-Banso
Badan hukum Aktif
Kantua pusek Jenewa, Swiss
Laman web who.int

Organisasi Kasihatan Dunia (bahaso Inggirih: World Health Organization, acok disingkek WHO) adolah salah satu badan PBB nan batindak sabagai koordinator kasihatan umum internasional jo bamarkas di Jenewa, Swiss. WHO didirian dek PBB pado 7 April 1948. Direktur Jendral kini adolah Tedros Adhanom (menjabat mulai 1 Juli 2017). WHO mawarisi banyak mandat jo pasadioan dari organisasi sabelunnyo, Organisasi Kasihatan, nan marupoan agensi dari LBB.

Sijarah[suntiang | suntiang sumber]

Konstitusi WHO manyatoan baso tujuan didiriannyo WHO "adolah supayo sadoalah orang mancapai tingkek kasihatan tatinggi nan paliang mamungkinan". Tugas utamo WHO yaitu mambasmi panyakik, kususnyo panyakik manular nan alah manyebar luas.

WHO adolah salah satu badan-badan asli milik PBB, konstitusinyo partamo kali muncul pado Hari Kasihatan Dunia nan partamo (7 April 1948) katiko diratifikasi ( Ratifikasi ) dek anggota ka-26 PBB. Jawarharlal Nehru, sauang pajuang kabebasan utamo dari India, alah manyuaroan pandapaiknyo untuak mamulai WHO. Aktivitas WHO, juo siso kagiatan Organisasi Kesihatan LBB (Liga Bangsa-bangsa), diatur dek sabuah Komisi Interim sarupo ditantuan dalam sabuah Konferensi Kasihatan Internasional pado musim paneh 1946. Pagantian dilakuan malalui suatu Resolusi Majilih Umum PBB. Palayanan epidemiologi Office International d'Hygiène Publique Parancih dimasuakan dalam Komisi Interim WHO pado 1 Januari 1947.

Kegiatan jo Aktivitas[suntiang | suntiang sumber]

Salain mangatur usaho-usaho internasional untuak mangandalian panyebaran penyakik manular, sarupo SARS, malaria, tuberkulosis, flu babi, jo AIDS, WHO mansponsori juo program-program nan batujuan mancegah jo maubeki panyakik-panyakik sarupo contoh-contoh tadi. WHO mandukuang pakambangan jo distribusi vaksin nan aman jo efektif, diagnosa penyakik jo kalainan, dan ubek-ubekan. Satalah sakitar duo dekade (duo puluahan tahun) malawan variola , pado 1980 WHO manyatoan musnahnyo panyakik cacar (variola) -- panyakik partamo dalam sijarah nan dimusnahan jo usaho manusia.

WHO manargetan untuak mamusnahan polio dalam kurun wakatu babarapo taun lai. Organisasi iko alah maluncuan HIV/AIDS Toolkit untuak Zimbabwe (dari 3 Oktober 2006), jo standar internasional.

Ditambah lai dalam tugasnyo mamusnahan panyakik, WHO juo malaksanakan babagai kampanye nan bahubuangan jo kasihatan -- contohnyo, untuak maningkatan konsumsi buah-buahan jo sayua-sayuan di saluruah dunia jo bausaho mangurangi panggunoan [[tambakau]a. Para ahli batamu di kantua pusat WHO di Jenewa pado bulan Pebruari 2007 jo malaporan baso usaho mereka pado pakembangan vaksin influenza nan pandemik alah mancapai kamajuan nan rancak. Labiah dari 40 pacobaan klinik (clinical trial) alah salasai atau sadang balangsuang. Kabanyakan difokusan pado urang dewasa nan sihat. Babarapo parusahaan, satalah manyalesaian analisis kaamanan pado urang dewasa, alah mamulai pacobaan klinik pado urang lanjuik usia jo anak-anak. Sajauah iko sadoalah vaksin aman jo dapat ditoleransi tubuah (ditarimo tubuah) pado sadoalah tingkek umua.

Daftar Direktur Jenderal WHO
No Namo Nagara Wakatu manjabat [1]
9 Mr. Tedros Adhanom Templat:Country data ETH 2017–sekarang
8 Mrs. Margaret Chan  Hong Kong 2007–2017
7 Mr. Anders Nordström  Swedia 2006–2007, tempore
6 Mr. Lee Jong-wook  Korea Selatan 2003–2006 (mengambil hari 22/5/2006)
5 Mrs. Gro Harlem Brundtland Templat:Country data NOR 1998–2003
4 Mr. Hiroshi Nakajima  Japang 1988–1998
3 Mr. Halfdan T. Mahler Templat:Country data DNK 1973–1988
2 Mr. Marcolino Gomes Candau Templat:Country data BRA 1953–1973
1 Mr. Brock Chisholm Templat:Country data CAN 1948–1953

Referensi[suntiang | suntiang sumber]

Pautan lua[suntiang | suntiang sumber]