Deflasi

Wikipedia Minangkabau - Lubuak aka tapian ilimu
Berkas:Déflation.jpg
Deflasi

Deflasi adolah suatu pariode di mano harago-harago sacaro umum mangalami panurunan sabaliaknyo nilai pitih batambah.[1] Ekonomi nan mangalami deflasi akan manunjuakan dimano gajalo harago-harago, gaji, jo upah manjadi manurun.[2] Deflasi marupoan juo kabalikan dari inflasi, katiko tajadi deflasi mako harago jaso jo barang-barang akan manurun, sadangkan katiko tajadi inflasi mako harago jaso jo barang-barang akan maningkek. Salain itu, bilo deflasi tajadi akibik kurangnyo jumlah pitih nan baredar di masyarakaik, sadangkan inflasi tajadi akibaik banyaknyo jumlah pitih nan baredar di masyarakaik. Sala ciek caro mananggulangi deflasi adolah dengan caro manurunkan tingkek suku bungo.[3]

Faktor panyabab[suntiang | suntiang sumber]

Ado babarapo faktor nan dapek manyababkan tajadinyo deflasi, diantaronyo adolah :

  1. Manurunnyo jumlah paredaran atau pasadioan pitih di masyarakaik.[4]
  2. Maningkeknyo pamintaan suatu barang.[5]
  3. Pamintaan akan suatu barang manurun sadangkan produksi tetap dilakuan, sahinggo manyebabkan panurunan harago barang tasabuik sarato jo manurunnyo pangaluaran. [6]

Akibaik deflasi[suntiang | suntiang sumber]

Maskipun deflasi tampaknyo mambantu dalam panurunan harago barang jo jaso, tapi hal tasabuik justru badampak negatif pado parekonomian diantaronyo adolah:

  • Banyaknyo pangangguran. Katiko harago barang jo jaso mangalami panurunan, mako kauntuangan parusahaan akan pulo mangalami panurunan. Sahinggo amua indak amua sabagian parusahaan mungkin akan mamotong biaya pangaluaran dengan caro mambarantian para pakarajonyo.[7]
  • Tajadinyo spiral deflasi, marupoan efek domino nan disababkan dek satiok deflasi nan tumpang tindiah. Panurunan harago dapek mangakibaikan produksi manurun. Produksi nan mangalami panurunan tasabuik dapek manyababkan gaji nan labiah randah. Gaji nan labiah randah dapek manyababkan panurunan pamintaan, nan akan baimbas ka panurunan harago. Kamudian putaran umpan baliak negatif iko taruih balanjuik jo dapek mampaburuak situasi ekonomi.[7]

Pahituangan deflasi[suntiang | suntiang sumber]

Deflasi dihituang dari Indeks Harago Konsumen (IHK). Deflasi dapek tajadi karano adanyo panurunan harago nan ditunjuakan dek turunnyo babarapo indeks kalompok pangaluaran. Babarapo IHK nan dipakai BPS dalam pahituangan apo itu deflasi antaro lain kalompok makanan, minuman, tambakau, kalompok pakaian jo aleh kaki, transportasi. Lalu kamudian kalompok informasi, komunikasi, jo jaso kauangan, kalompok parumahan, aia, listrik, jo bahan baka rumah tanggo, palengkapan, paralatan jo pamaliharoan rutin rumah tanggo.[8]

Deflasi di Indonesia[suntiang | suntiang sumber]

Deflasi nan cukuik tinggi pernah babarapo kali tajadi di Indonesia, baiak itu dalam lingkup nasional maupun daerah. Contohnyo deflasi nan dicataik dek BPS pado September tahun 2019 sacaro nasional dimano katiko sabagian gadang komoditas pangan jo bumbu dapua mangalami panurunan. Katiko itu sacaro nasional, angko deflasi Indonesia yaitunyo sabanyak 0,27 persen. Adopun manuruik hasia survei nan dilakuan dek BPS di 82 kota tasabuik, tajadi 70 kota nan mangalami deflasi sarato jo 12 kota nan mangalami inflasi. Deflasi nan tatinggi tajadi di Sibolga, Sumatera Utara, nan gadang deflasinyo sabanyak 0,94 persen, sabaliaknyo deflasinan tarandah tajadi di Surabaya nan deflasinyo sabanyak 0,02 persen. Samantaro itu, inflasi tatinggi tajadi di Meulaboh, Aceh nan banyaknyo sabanyak 0,91 persen.[8]

Rujuakan[suntiang | suntiang sumber]

  1. Aliminsyah & Padji, Kamus istilah akuntansi, hal.191, Yrama Widya, Bandung:2005
  2. "What is Deflation? Definition of Deflation, Deflation Meaning". The Economic Times. Diakses tanggal 2021-04-19. 
  3. Miftahuddin (19-03-2020). "Analisis Inflasi Melalui Vektor Autoregresi Berganda (VAB) dengan Lima Variabel Informasi". journal.unhas.ac.id. hlm. 169, 174. Diakses tanggal 19 April 2021. 
  4. Pettinger, Tejvan. "Causes of deflation". Economics Help (dalam bahasa Inggris). Diakses tanggal 2021-04-19. 
  5. Pologeorgis, Nicolas A. "Do Deflationary Shocks Help Or Hurt The Economy?". Investopedia (dalam bahasa Inggris). Diakses tanggal 2021-04-19. 
  6. Investopedia. "What causes negative inflation (deflation)?". Investopedia (dalam bahasa Inggris). Diakses tanggal 2021-04-19. 
  7. a b Ashford, Kate (2020-08-25). "What Is Deflation?". Forbes Advisor (dalam bahasa Inggris). Diakses tanggal 2021-04-19. 
  8. a b Media, Kompas Cyber (2021-03-15). "Apa Itu Deflasi: Pengertian, Penyebab, Dampak Buruk, dan Contohnya Halaman all". KOMPAS.com (dalam bahasa Indonesia). Diakses tanggal 2021-04-19.