Danau Tarusan Kamang
| Danau Tarusan Kamang | |
|---|---|
| Lokasi |  Kamang Magek, Agam, Sumatra Barat, Indonesia |
| Jenis tubuh air | Danau karst |
| Terletak di negara | Indonesia |
| Masa tinggal | Tidak menentu |
| Kepulauan | Sumatra |
| Permukiman | Kabupaten Agam |
Galat skrip: tidak ada modul tersebut "Infobox body of water tracking".
Danau Tarusan Kamang talatak di Jorong Babukik jo Jorong Halalang, Nagari Kamang Mudiak, Kecamatan Kamang Magek, Kabupaten Agam, Sumatra Barat, Indonesia.[1][2][3]
Danau ko tabilang langka karano hanyo barisi aia pado musim-musim tatantu sajo. Suatu katiko danau ko bisa barubah manjadi hamparan padang nan ditumbuhi dek rumpuik hijau. Katiko barubah manjadi padang rumpuik tu, masarakaik sakitar manggunokannyo manjadi tampek manggabalo taranak, kususnyo Kabau. Tapi katiko barubah manjadi danau, tampek ko dimanfaatkan manjadi tampek wisata, baranang atau mancari lauak.[1] Banyak juo wisatawan nan tibo ka tampek tasabuik.
Deskripsi
[suntiang | suntiang sumber]
Danau Tarusan Kamang salamo iko dimanfaatkan masarakaik untuak budi daya lauak, kubangan kabau, mamanciang, sarato mandi. Katiko danau ko kariang, lauak nan ado di dalam danau ko banyak nan taparangkap di dalam tambak-tambak nan di pasang dek masarakaik. Ado banyak lauak nan ado di dalam danau ko, diantaronyo adolah pantau, ikan nila, rayo, panser jo bada putiah.
Proses manghilangnyo aia danau ka dalam paruik bumi jo muncua di calah padang rumpuik nan hijau, indak bisa ditebak wakatunyo dipakiroan tajadi karano ado sungai di bawah tanah. Sabagai danau karst, katiko aia tanah naiak, makonyo lorong-lorong di bawah bukik batu gampiang bisa manyambuakan aia jo manutupi padang rumpuik. Sahinggo tabantuaklah danau nan lueh. Sabaliaknyo, katiko aia sungai di bawah tanah turun, aia tasedot hinggo hanyo tingga padang rumpuik. Indak ado wakatu nan pasti bilo danau suruik sarato barapo lamo kariangnyo. Ado wakatu kariangnyo 1 tahun, kamudian aianyo muncua baliak sasudah 5 bulan kamudian.[4]
Katiko aia danau kalua, biasonyo tadanga dari kaki bukik. Kadang-kadang suaronyo tadanga dari banyak tampek takah bunyi aia angek kalua. Bunyi gluk-gluk suaro aia kamudian tigo hari kamudian aia mangalia dari baliak-baliak lubang batu kapua di kaku bukik di dakek danau. Katiko itulah danau nan samulo takah padang rumpuik barubah manjadi danau nan panuah dek aia taganang.
Panalitian
[suntiang | suntiang sumber]
Tim geologi Indonesia dari ITB parnah manaliti danau Tarusan Kamang pado taun 2013. Tim itu manamukan sajumlah gua di perbukitan, dolina atau lubang tampek panampungan aia, batu mampunyai rongga jo babarapo lainnyo. Dari data itu dapek disangko kalau ado aliran sungai nan gadang di dalam gua. Kamudian aia danau mangariang dek fenomena alam, karano aia sungaidi dalam bukik bakurang sahinggo aia danau mangalia ka sungai itu.[3]
Prof Handang parnah pulo malakukan panalitian nan samo. Panalitian nyo manamukan kalau Danau Tarusan Kamang ado di zona patahan Sumatra bagian timur, sahinggo manjadi alasan aia tibo sarato mangariang. Manuruiknyo, ado fenomena alam nan harus di gali di Danau Tarusan Kamang, takah adonyo bongkahan batuan kapua (gamping) di tapi - tapi danau nan baumua kiro-kiro ratusan abad. Inyo mangatokan kalau baru partamo kali basobok batu kapua di danau, karano biasonyo batu kapua tu adonyo di pantai. Iko manunjukkan kalau ratusan abad nan lalu danau Tarusan Kamang ko dulu adolah lautan.[3]
Danau Tarusan Kamang barado di kaki Bukik Barisan, kiro-kiro 14 kilometer dari Bukittinggi. Batu kapua nan ado di Danau Tarusan Kamang dipresiksi mampunyoi umua ratusan abad taun nan lalu, sarato mamiliki kandungan mineral COCA 2. Danau ko diperkirakan alah baumua 70 ribu tahun nan lalu, sahinggo indak ado sorang pun masarakaik nan mambangun rumah di bateh aia nan manjadi danau. Pabukitan karst di Danau Tarusan Kamang mampunyoi umua jauah labiah tuo daripado karst di Jawa. Karst di Kamang dipakiroan alah baumua 300-400 juta tahun nan lalu karano papohonan di atehnyo subur.[5]
Referens
[suntiang | suntiang sumber]Daptar Pustaka
[suntiang | suntiang sumber]- Yunita, Niken Widya (2020-03-01). "Kenapa Danau Tarusan Kamang Bisa Berubah Jadi Padang Rumput?". detikTravel (dalam bahasa Indonesia). Diakses tanggal 2021-05-07.
- uzer. "Web Company Profile Pemerintah Kabupaten Agam". disparpora.agamkab.go.id. Diarsipkan dari versi asli tanggal 2021-05-07. Diakses tanggal 2021-05-07.
- Agency, ANTARA News (2013-02-25). "Ahli: Air Danau Tarusan dari Sungai Bawah Tanah". Antara News Sumbar. Diakses tanggal 2021-05-07.
- "Danau Ajaib Tarusan Kamang Agam Mengering, Warga Sekitar Panen Ikan". GoSumbar.com (dalam bahasa Indonesia). 2016-07-25. Diakses tanggal 2021-05-07.
- "Tarusan Kamang". Sumbar Travel (dalam bahasa Inggris). 2019-01-31. Diarsipkan dari versi asli tanggal 2021-05-07. Diakses tanggal 2021-05-07.
Pranala luar
[suntiang | suntiang sumber]- Hasil Sementara Ekspedisi Danau Tarusan Kamang 23 Februari 2013 Archived 2021-05-07 di Wayback Machine.
- (Indonesia) Situs web resmi kabupaten Agam