Dampak pamanasan global pado lauik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Pemanasan global (global warming) banyak didefinisian dek para ahli nan dimaksud proses, panyabab, dampak/akibat jo caro mangatasi marupokan hal nan paliang pantiang dalam kajian saputa pemanasan global. Dampaknyo sangaik mambahayokan bagi kasehatan bumi sarato badampak bagi saluruah panghuni bumi. Pemanasan Global (Global Warming) adolah paristiwa maningkeknyo suhu rato-rato pado lapisan atmosfer jo parmukaan bumi.[1]

Efek rumah kaca, partamo kali ditamukan dek Joseph Fourier pado tahun 1824, marupokan sabuah proses di mano atmosfer maangekan sabuah planet. Sagalo sumber energi nan tadapek di bumi barasal dari matohari, sabagian gadang energi tasabuik babantuak radiasi galombang pendek, tamasuak cahayo tampak. Katiko energi tibo di parmukaan bumi, akan barubah dari cahayo manjadi angek yang maangekan bumi. Parmukaan bumi, akan manyerap sabagian angek sarato mamantulkan sisonyo. Sebagian dari angek iko bawujuik radiasi infra merah galombang panjang ka angkaso lua. Namun sabagian angek tetap takuruang di atmosfer bumi akibaik manumpuaknyo jumlah gas rumah kaco antaro lain uap air, karbon dioksida (CO2), sulfur dioksida (SO2) jo  methana (CH4) nan manjadi perangkap galombang radiasi. Gas-gas iko manyerap sarato mamantulkan baliak radiasi galombang nan dipancarkan bumi, akibaiknyo paneh tasabuik tasimpan di parmukaan bumi. Keadaan iko tajadi taruih manaruih shinggo maakibaikan suhu rato-rato tahunan bumi taruih maningkeh. Gas-gas tasabuik bafungsi sarupo gas dalam rumah kaco.[1]

Dampak parubahan iklim, khususnyo pemanasan global, sabagai barikuik:[2]

  • Partamo, pemanasan global maancam kawasan beku di Planet Bumi sarupo kriosfer jo permafrost. Kriosfer adolah zona di planet Bumi nanmbeku, misalnya lapisan es di Greenland dan Antartika, gunung es yang berada di lautan, gletser es di pagunuangan (Puncak Jayawijaya), salju, es di danau jo lauik di kutub, sarato daratan mambaku di wilayah Artik nan dikenal sabagai permafrost. Adonyo pemanasan global mambuek kriosfer samakin manyusuik. Lapisan salju bakurang, gletser jo lapisan es mancair jo permafrost pun ikuik bakurang. Bumi kahilangan labiah dari satangah perfarmost pado akhir abad 21. Permafrost mampu manyimpan karbon nan barado di atmosfer hampia dua kali labiah banyak. Kamudian jo pemanasan global, gletser pun maleleh. Kalau emisi tetap balanjuik sarupo kondisi kini, mako labiah dari 80% gletser ketek mahilang pado akhia abad 21. BAdampak bagi panduduak bumi nan bagantuang kapado gletser untuak aia, pertanian, jo energi.[1]
  • Kaduo, akibaik pemanasan global, parmukaan aia lauik naiak sacara signifikan. Saaik kini muko aia lauik alah batambah duo kali lipek labiah capek, taruih maningkek sacaro pesat. Dan diprediksi mancapai tinggi antaro 60 jo 110 cm pado tahun 2100 mandatang. Sahinggo Badai ekstrim acok tajadi satiok tahun pado partangahan abad 21.[1]
  • Katigo, ekosistem lauik akan punah karano lauik alah manyerap labiah dari 90% paneh. Lauik harus manyerap paneh antaro limo sampai tujuah kali labiah gadang pado tahun 2100 daripado 50 tahun balakangan kalau manusia indak capek manyalasaian problem iklim. Dampaknyo, lauik samakin asam akibaik taruih manaruih harus manyerap labiah karbon dioksida jo pasokan oksigen sarato nutrien bagi kahidupan ekosistem lauik bakurang. Babarapo spesies mungkin harus bapindah ka zona lauik nan baru, namun nan lain mungkin indak bisa baradaptasi sahinggo akhianyo bisa punah. Panduduak bumi harus baradaptasi jo berbagai masalah nan tibo, tarutamo nan bagantuang kapado makanan lauik. Terumbu karang, ekosistem nan manyokong kahidupan bagi ribuan spesies, pado akhianyo tarancam punah satidaknyo pado akhia 21.[1]
  • Kampek, pemanasan global pun maancam maso depan manusia. Masyarakaik di saluruah dunia akan mangalami hilangnyo sumber daya aia, mangalami banjir jo tanah longsor, mahadapi parubahan dalam pasokan makanan, jo manyaksikan degradasi ekosistem lauik, infrastruktur, rekreasi jo budaya.[1]

Rujuakan[suntiang | suntiang sumber]


  1. a b c d e f Humas, Divisi (2018-12-22). "PENGARUH DARI PEMANASAN GLOBAL TERHADAP PERTUMBUHAN TERUMBU KARANG". UKSA - 387 UNDIP | UKM Selam Universitas Diponegoro Semarang (dalam bahasa Inggris). Diakses tanggal 2020-04-14. 
  2. "Suhu Laut Memanas Lebih Cepat Akibat Pemanasan Global". teknologi (dalam bahasa Indonesia). Diakses tanggal 2020-04-14.