Corona Rintawan

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Corona Rintawan
Lahia1 Januari 1975 (umua 46)
Surabaya, Jawa Timur, Indonesia
Kabangsaan Indonesia
Alma materUniversitas Brawijaya
KarajoDotor
Agamoislam

Corona Rintawan (lahia di Surabaya, Jawa Timur, 1 Januari 1975; umua 46 taun) adolah dotor spesialis kadaruratan medis asa Indonesia. Inyo ditunjuak dek PP Muhammadiyah sabagai katua tim nan batugas mambantu pananganan panyebaran koronavirus di Indonesia.[1]

Kahidupan awal[suntiang | suntiang sumber]

Corona Rintawan marupoan anak katigo dari ampek badundasak. Namonyo diagiah dek urang tuo badasarkan urutan huruf, nan kabatulan mandapekan urutan ka tigo jo namo huruf awal C. Urang tuonyo maagiah namo corona tainspirasi dari oto toyota corona nan sadang laku dibali dek masarakaik wakatu itu. Corona artinyo mahkota, nan urang tuo nyo dr. Corona bisa manjadi mahkota di tangah-tangah kaluarga maupun masarakaik.[2]

Karier[suntiang | suntiang sumber]

Corona Rintawan tamat dari Fakultas Kedokteran Universitas Brawijaya. Inyo mandapekan gala SpEM pado taun 2018.[2][3][4] Inyo kini batugas di Rumah Sakik Muhammadiyah Lamongan, Jawa Timur.[3]

Karier dr.Corona alah dimulai sajak 2003 di Aceh di bidang kadaruratan medis.[5] Katiko bancano tsunami malanco Aceh tahun 2004, inyo ikuik andia dalam upayo medis. Dr. corona pernah ikuik dalam pananganan medis ka lua nagari, diantaronyo ka Nepal jo Pilipina.[3] Tahun 2013 Pilipina katiko itu ado bancano topan Hayyan. dr. Corona pai ka situ sabagai tim medis lainnyo dari Muhammadiyah Disaster Management Centre.[6]

Kamudian di tahun 2015 dr. Corona basamo jo tim pai ka Nepal karano Nepal dilando bancano gampo 7,5 SR di Desa Satunggal Distrik Chandragiri, Kathmandu. Tim barangkek di bawah komando Badan Nasional Penanggulangan Bencana nan tadiri dari TNI, Kementrian Kesehatanm, jo BNPB. Dr. Corona barangkek basamo jo dr. Andreas Andoko (relawan rebana), Zr Heri Purwadi (Yakkum Emergency Unit) pado tanggal 16 Mai 2015.[7]

Corona Rintawan parnah pulo dikirim ka Cox's Bazar, Bangladesh di tahun 2017 untuak mambantu pangungsi Rohingya sabagai pamimpin tim Muhammadiyah Aid jo koordinator tim bantuan Indonesia.[8]

Katiko tajadi pandemi di Indonesia tahun 2020, PP Muhammadiyah mambantuak pusat komando untuak mangarahkan rumah-rumah sakik di bawah naungan Muhammadiyah (20 rumah sakik di Jawa jo Sumatra, sarato 30.000 titiak nan digunoan untuak tujuan amal), jo dr. Corona rintawan ditunjuak sabagai pamimpin pusat komando.[3][9]

Rujuakan[suntiang | suntiang sumber]

  1. "Kisah dr. Corona Rintawan, Ditunjuk Jadi Ketua Tim Penanganan Corona". merdeka.com (dalam bahasa Inggris). Diakses tanggal 2020-06-24. 
  2. a b "Sosok dr Corona, Ketua Tim Dokter Muhammadiyah yang Perangi Virus Corona". kumparan (dalam bahasa Indonesia). Diakses tanggal 2020-06-25. 
  3. a b c d Rizki, Ramadhan. "Dokter Muhammadiyah Bernama Corona, Pimpin Tim Tangani Virus". nasional (dalam bahasa Indonesia). Diakses tanggal 2020-06-25. 
  4. "FK UB Lantik Dokter Spesialis" (dalam bahasa Indonesia). Universitas Brawijaya. 29 November 2018. Diakses tanggal 25 June 2020. 
  5. "Cerita Dokter Corona Ditunjuk PP Muhammadiyah Pimpin Tim Lawan Corona". TIMES Jatim. Diakses tanggal 2020-06-25. 
  6. satuharapan.com, PT Satu Harapan Media |. "Muhammadiyah Desak Pemerintah Indonesia Bantu Rumah Sakit Lapangan Bagi Korban Haiyan - Satu Harapan". satuharapan.com (dalam bahasa Indonesia). Diakses tanggal 2020-06-25. 
  7. Home; Terkini; News, Top; Terpopuler; Nusantara; Nasional; Update, Lampung; Bisnis; Olahraga. "Nepal Beri Penghargaan Dokter Indonesia". Antara News Lampung. Diakses tanggal 2020-06-25. 
  8. "Indonesian Muslims provide healthcare to Rohingya refugees - UCA News". ucanews.com (dalam bahasa Inggris). Diakses tanggal 2020-06-25. 
  9. "Doctor called Corona helps Indonesia battle coronavirus | The Star". www.thestar.com.my. Diakses tanggal 2020-06-25.