Christiaan Barnard
Christiaan Barnard | |
|---|---|
 Christiaan Barnard pado 1969 | |
| Lahia | Christiaan Neethling Barnard 8 November 1922 |
| Maningga | 2 September 2001 (umua 78) |
| Karojo | Ahli bedah |
| Dikana dek | barhasil malakukan transplantasi jantuang partamo di dunia |
Christiaan Neethling Barnard (lahia di Beaufort, Western Cape, Afrika Selatan, 8 November 1922 – maningga di Paphos, Distrik Paphos, Siprus, 2 September 2001 pado umua 78 taun) adolah saurang ahli bedah jantuang dari Afrika Selatan. Inyo mulai dikana di seluruah dunia sajak barhasil malakukan operasi transplantasi jantuang partamo di dunia nan sukses dari manusia ka manusia.
Hiduik awal
[suntiang | suntiang sumber]Barnard lahia jo gadang di Beaufort Barat, Afrika Selatan. Inyo anak dari panguruih gereja. Salah surang adiaknyo maningga dek masalah jantuang katiko inyo masih balita. Hal ikolah nan mampangaruahi kaluarga Barnard jo ambisi karir Christiaan.
Barnard baraja kadokteran di Universitas Cape Town, sarato mangarajoan jabatan jo tampek tingga di Rumah Sakik Groote Schuur di Cape Town . Inyo manjadi dokter umum di Ceres, sabuah kota di provinsi Western Cape.
Pado taun 1951, inyo baliak ka Cape Town jo bakarajo di duo rumah sakik. Samantaro bakarajo, inyo maambiak pan jo pandidikan magister pado taun 1953 dari Universitas Cape Town. Inyo kamudian mandapek gala doktor dalam kadokteran di universitas nan samo jo disertasi "Parawatan tuberkulosis meningitis".
Sabagai residen bedah di Rumah Sakik Groote Schuur dari taun 1953 inggo 1956, Barnard partamo kali manunjuakan cacat lahia atresia usus nan disababkan dek darah nan indak cukuik pado janin salamo manganduang.
Sajak taun 1956, inyo baraja bidang bedah di Universitas Minnesota . Samantaro di Minneapolis, inyo kamudian baraja badah kardiothorax (badah jantuang jo dado). Di siko inyo basobok jo Norman Shumway, nan mambantu panalitian transplantasi jantuang manusia patamo.
Pado taun 1958, inyo diangkek sabagai ahli bedah kardiothorax di Rumah Sakik Groote Schuur.
Inyo baeksperimen salamo babarapo taun manggunoan transplantasi jantuang binatang sasudah inyo barhasil malakuan transplantasi ginjal patamo nan sukses pado taun 1953 . Inyo malakuan transplantasi ginjal partamo di Afrika Selatan pado taun 1959 .
Salain dari panalitian, inyo juo maaja di Universitas Cape Town.
Transpalansi jantuang
[suntiang | suntiang sumber]Operasi transplantasi jantuang manusia patamo kali dilakukan pado 3 Desember 1967 . Inyo dibantu dek adiaknyo, Marius Barnard. Operasi ko balangsuang salamo salapan jam jo malibaikkan tim nan baranggotaan tigo puluah urang. Pasien transplantasi, Louis Washkansky baumua 55 taun, mandaritodiabetes jo panyakik jantuang . Sumbangan jantuang ko datang dari surang padusi mudo, Denise Darvall, nan maningga dalam kacalakaan lalu lintas. Washkansky salamat dari operasi, dan hiduik salamo dalapan baleh hari. Kondisinyo batambah parah dek radang paru-paru nan disababkan dek ubek-ubek imuno-supresif nan inyo minum.
Barnard malanjuikan jo transplantasi jantuang. Sabuah operasi dilakuan pado 2 Januari 1968 pado pasien Philip Blaiberg jo inyo barhasil batahan iduik salamo 19 bulan. Pado taun 1969, Nyonya Dorothy Fisher mandapek transplantasi jantuang jo inyo batahan iduik salamo 24 bulan.
Kahidupan pribadi
[suntiang | suntiang sumber]Panikahan partamo Barnald adolah jo Aletta Louw, saurang suster, nan inyo kawini pado taun 1948 katiko sadang praktek di Ceres. Pado taun 1969, mareka bacarai, dan pado taun 1970 inyo manikah baliak jo Barabara Zoellner .
Barnard bacarai jo Zoellner pado taun 1982, sudah tu manikah katigo kalinyo pado taun 1988 jo Karin Setzkorn. Setzkorn bacarai pado taun 2000 .
Christiaan Barnard manulih duo otobiografi nan bajudul One Life nan ditabikkan pado taun 1969, jo Second Life pado taun 1993 .
Buku
[suntiang | suntiang sumber]Salain manulih otobiografi, Barnard juo manulih babarapo buku antaro lain:
- The Donor
- Your Healthy Heart
- The Second Life
- Night Season
- The Best Medicine
- Arthritis Handbook: How to Live With Arthritis* Good Life Good Death: A Doctor's Case for Euthanasia and Suicide
- South Africa: Sharp Dissection
- 50 Ways to a Healthy Heart
- Body Machine