Bongai
| Namo lain | Rentak Kuda Ghontak Kudo |
|---|---|
| Klasifikasi | |
| Dikambangkan | Malaysia |
| Artikel nan tapauik | |
| Bongai | |
|---|---|
| Asa aliran | Musik Malaysia |
| Asa kabudayaan | Malaysia |
Bongai, Rentak Kuda, atau Ghontak Kudo[1] adolah kasenian musik tradisi dari Nagari Sambilan.[2][3] Kasenian iko dapek dinyanyikan cando bapantun dek surang, baduo atau bakalompok antaro anam jo salapan urang. Kasenian iko dimainkan jo iriangan alaik musik.[1]
Sijarah
[suntiang | suntiang sumber]Bongai mancapai puncak tanamonyo pado taun 1950an sampai-sampai pado satiok acara musti ado ditampilkan, utamonyo baralek di Nagari Sambilan. Kasenian iko kadang ditampilkan sacaro khusus untuak tujuan mahibur jo maramian acara salamo malam ari, sabagai palapeh panek urang-urang nan baru pulang karajo di siang ari. Bongai marupokan kasenian malagukan pantun nan kadang diiriangi jo alaik musik. Jikok dimainkan jo labiah dari ciek urang, kasenian nan ditampilkan manjadi kasenian babaleh pantun.[1][3]
Bongai barasa dari duo kato, yaitu bong (nan dihoromati) jo aye (denai). Dari duo kato, bongai dapek bamukasuik kasenian untuak mahoromati urang.[4]
Instrumen
[suntiang | suntiang sumber]Alaik musik nan biaso dipakai untuak mairiangi antaro lain rabab, rabano, aguang, gandang, saluang, jo tumbuk kalang (panumbuak padi). Salain alaik tasabuik, kadang dipakai pulo caklempong, bansi, akordion, sarato alaik pangasia bunyi lainnyo.
Lagu-lagu Bongai nan tanamo antaro lain:[5]
- Anak Bocek
- Budu Landai
- Cantik Manis
- Donak Donai
- Kapeh
Barikuik kutipan babaleh pantun nan ado dalam Bongai Donak Donai:[1]
| Teks asali (Nogoghi) | Tarjamah (Minangkabau) | ||||
|---|---|---|---|---|---|
| La-illah Tuan | La-illah Tuan | ||||
| Ko Jolobak ko Jolobu | Ke Jelebak ke Jelebu | ||||
| Tuai padi tigo soghankai | Tuai padi tigo sarangkai | ||||
| ...lah donak donai | ...lah danak danai | ||||
| Botuahnyo badan | Batuahnyo badan | ||||
| Kalau dah kono komat Jolobu | Kalau lah kanai hikmaik Jelebu | ||||
| Tak mati badan moghasai | Tak mati badan marasai | ||||
| Teks asali (Nogoghi) | Tarjamah (Minangkabau) | ||||
|---|---|---|---|---|---|
| A-hai lah Tuan | A-hai lah Tuan | ||||
| Kepayo tumbuh di bukit | Kalikih tumbuah di bukik | ||||
| Ondak dimakan di dalam puan | Handak dimakan di dalam puan | ||||
| ...lah donak donai | ...lah danak danai | ||||
| Hai nasibnyo badan | Memang nasiknyo badan | ||||
| Kasihnyo ese bukan sedikit | Kasiahnyo denai bukan saketek | ||||
| Padolah dagho di tompek tuan | Padolah daro di tampek tuan | ||||
Caliak juo
[suntiang | suntiang sumber]Rujuakan
[suntiang | suntiang sumber]- ↑ a b c d Deraman., Aziz (1994). Muzik dan nyanyian tradisi Melayu. Fajar Bakti. ISBN 967-65-2755-6. OCLC 34752688. http://worldcat.org/oclc/34752688.
- ↑ "Bongai". Diarsipkan dari versi asli tanggal 29 October 2020. Diakses tanggal 11 November 2020.
- ↑ a b Collins, Megan (2002). "Bongai in Tanjung Ipoh, Negeri Sembilan". Journal of the Malaysian Branch of the Royal Asiatic Society. 1 (282): 91–114. JSTOR 41493464.
- ↑ "JKKN Pemetaan Budaya | BONGAI". pemetaanbudaya.my. Diarsipkan dari versi asli tanggal 2021-04-13. Diakses tanggal 2021-03-23.
- ↑ "Bongai". Diarsipkan dari versi asli tanggal 13 April 2021. Diakses tanggal 14 November 2020.