Bansi
Bansi adolah alaik musik Minangkabau, nan caro mamainannyo manggunokan tiupan udaro. Bansi ko tabuek dari talang (sajinih bambu nan panjang ruehnyo jo agak tipih) pado bagian ujuang ateh tadapek pasak nan bahannyo tabuek dari kayu. Bagian ujuang bawah bansi, rueh talang dipakai jo dilabiahan kiro-kiro duo atau ciek jari dari ujuang rueh tasabuik. Hal iko batujuan untuak mangatur sirkulasi udaro sakaligus bapangaruh manantuan nada dasar (nada awal) pado Bansi. Bansi hampia samo jo recorder dan Saluang Pauh, tapi bansi mamiliki bantuak nan labiah ketek. Bansi ko mamiliki delapan buah lobang nada, tujuah di posisi ateh jo ciek di bagian bawah. [1]
Bahan Mambuek Bansi[suntiang | suntiang sumber]
Bansi tabuek dari bambu jinih Buluah Kasok. Jinih bambu ko dipiliah karano dapek mampaaluih bunyi bansi katiko digunoan. Indak sado jinih bambu nan dapek digunoan sabagai bahan mambuek bansi, karano satiok bahan pambuek akan mampangaruhi kualitas jo warno bunyi instrumen tasabuik. [1]
Bansi mamiliki babarapo katantuan dalam pambuekannyo: [1]
- Jarak dari ujuang ka rueh bambu : 3 cm
- Jarak dari ujuang ka lubang nada ciek : 3,4 cm
- Jarak lubang nada ciek ka nada duo, tigo, ampek, limo, anam, jo tujuah : 1,5 cm
- DIameter lubang nada samo gadang : 7 mm
- Jarak lubang nada tujuah ka lubang bunyi : 6,9 cm
- Diameter lubang bunyi : 9 mm
- Jarak lubang bunyi ka tampek maniup : 3 cm
- Diameter lubang pangkal : 24, 5 mm
- Diameter lubang ujuang : 2,2 cm
- Taba ujuang : 1,5 mm
- Diameter block : 24,5 mm
- Lubang nada delapan ( di belakang) sajaja jo antaro lubang nada ka anam jo ka tujuah
Teknik Mamainan Bansi[suntiang | suntiang sumber]
Mamainan bansi harus tau baa karakteristik bansi, sahinggo dapek mamainkan dengan ancak. Bansi ko marpoan instrumen masuk nan tagolong alaik musik aerophone, nan bararti bunyi alaik musik nan basumber dari tiupan udara. Bansi sajinih instrumen "end blown flute" yaitu ditiup dari ujuang bagian ateh jo muluik atau bibir manempel jo posisinyo luruih ka depan, tapi agak miriang stek ka bawah kiro-kiro 45 derajat.
Rujuakan[suntiang | suntiang sumber]
- ↑ a b c Rosta Minawati, Febri Yulika, dan Hanefi, Ediwar (2019). Pelestarian Musik Tradisional Minangkabau. Yogyakarta: Gre Publishing. ISBN 978-602-7677-75-3.