Batu basurek Telaga Batu

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Batu basurek Telaga Batu
Telaga Batu inscription.JPG
MaterialAndesit
UkuaranTinggi 118 cm, leba 148 cm
Tulisanaksara Pallawa, bahasa Melayu Kuno
Dibuek605 Saka (683 M)
DitamuanPalembang, Sumatera Selatan, Indonesia
Lokasi saaik ikoMuseum Nasional Indonesia, Jakarta
RegistrasiD.155

Batu basurek Telaga Batu adolah ciek batu basurek paninggalan Karajaan Sriwijaya dari abaik ka-7 M, nan ditamuan dakek Sabokingking, tapeknyo di dusun Telaga Batu, 3 Ilir, Ilir Timur II, Palembang, Sumatera Selatan,[1] dek F.M. Schnitger pado taun 1935.[2] J.G. de Casparis manarbitkan tajamahan batu basurek iko dalam karyanyo Selected Inscriptions from the 7th to the 9th Century A.D. (1956).[3]

Tulisan pado batu basurek ko bajumalah 28 barih,[4] ditulih jo aksara Pallawa mamakai bahaso Malayu Kuno.[1] Batu basurek ko mamuek pasumpahan rajo Sriwijaya, jo manyabuik gala-gala pajabaik nan barado di ibu kota karajaan tu, mulai dari putra mahkota inggo pagawai randahan.[1][2]

Batu basurek iko dipahatkan pado ciek batu andesit gadang, nan dibantuak hias sarancaknyo batu basurek karajaan, baukuran tinggi 118 cm jo leba 148 cm.[3] Di bagian atehnyo tadapek hiasan tujuah kapalo ula kobra, jo di bagian bawah tangah ado samacam cerat (pancuran) sarupo yoni tampek mangaliaan aia pambasuah.[3][4]

Batu basurek iko kini basimpan di Museum Nasional jo baregistrasi No. Inv. D.155.[1]

Caliak juo[suntiang | suntiang sumber]

Rujuakan[suntiang | suntiang sumber]