Batu basurek Sitopayan II
Batu basurek Sitopayan II adolah salah satu batu basurek nan ditulis dalam bahaso Proto Batak;[1] jo manggunoan aksara Batak Kuno.[1] Batu basurek iko ditamuan di Biaro (candi) Si Topayan, yaitu di kampuang Sitopayan, Kecamatan Portibi, Kabupaten Padang Lawas Utara, di Provinsi Sumatra Utara.[1][2] Naskah batu basurek iko ado duo barih, jo ditulih pado salah satu sisi dari lapiak (aleh) arca batu pado bidang nan mandata (horisontal).[2] F.D.K. Bosch mampakiroan baso batu basurek iko dibuek pado abaik ka-13 M, badasa bantuak jo ciri-ciri aksaranyo.[2]
Isi batu basurek mancaritoan tantang pandirian biaro untuak surang rajo, nan dilakukan dek ampek urang banamo Pu Sapta, Hang Buddhi, Sang Imba, jo Hang Langgar.[2] Panyabuikan kato sandang Hang, Sang, jo Pu (Mpu) di muko namo-namo urang mapaliekan juo kabiasoan nan dilakuan dek masarakaik nan babahaso Malayu.[1]
Panaliti Robert von Heine Geldern mandugo baso tulisan pado batu basurek iko adolah bantuak aksara Batak awa. Dipakiroan baso tulisan tasabuik adolah contoh paliang awa tulisan Batak, jo mungkin sajo punyo ubuangan nan arek jo tulisan dari urang-urang di padalaman pagunuangan Sumatra. Salain itu, Goris (1930) baspekulasi baso namo-namo Sapta, Buddhi, Imba, jo Langgar mungkin sajo adolah candrasengkala, yaitu mawakili angko-angko 7, 5, 1, jo 1, sainggo muncua dugaan baso Biaro Si Topayan dibangun pado taun 1157 Saka (1235 Masihi).[2]
Kini ko, batu basurek iko disimpan di Museum Negeri Sumatra Utara, jo nomor inventaris 1517.2.[2]
Naskah
[suntiang | suntiang sumber]Naskah batu basurek iko manuruik Bosch (1930) jo Utomo (2007) adolah sbb.:[2]
- pu Sapta hang buddhi sang imba hang langgar tat(kā) la itu
- barbwat biyara paduka śrǐmahāraja
Tajamahan
[suntiang | suntiang sumber]Tajamahan naskah batu basurek iko manuruik Setianingsih dkk (2003) adolah sbb.:[2]
- Pu Sapta, Hang Buddhi, Sang Imba, jo Hang Langgar tatkala itu
- Mambuek (tampek batapa) biaro sang rajo
Caliak pulo
[suntiang | suntiang sumber]Rujuakan
[suntiang | suntiang sumber]- ↑ a b c d Nasoichah, Churmatin (2018-01-05). "Prasasti Sitopayan 1 & 2: Tinjauan Aspek Ekstrinsik dan Intrinsik". Berkala Arkeologi Sangkhakala (dalam bahasa Indonesia). 15 (1): 11–29. ISSN 2580-8907. Diarsipkan dari versi asli tanggal 2018-09-03. Diakses tanggal 2020-02-20.
- ↑ a b c d e f g h Susetyo, Sukawati (2010). Kepurbakalaan Padang Lawas, Sumatra Utara: Tinjuauan Gaya Seni Bangun, Seni Arca Dan Latar Keagamaan. Depok: Fakultas Ilmu Pengetahuan Budaya, Program Studi Arkeologi, Universitas Indonesia. pp. 209-210. http://lib.ui.ac.id/file?file=digital/135647-T%2027955-Kepurbakalaan%20Padang-Analisis.pdf.