Ayam pop

Dari Wikipedia baso Minang, ensiklopedia bebas
Loncat ke navigasi Loncat ke pencarian
Ayam pop

Ayam pop adolah ayam nan diabui jo aia karambia jo bawang putih, sudah tu digoreng salayang jo minyak banyak di panggorengan. Dimakan jo samba lado tomat.

Bumbu ayam pop kabanyakan masih rahasio tiok-tiok restoran, tapi pado umumnyo bumbu tadiri dari bawang putih, sipadeh, jo kemiri nan dihaluihan, sudah tu ditumih basamo garam jo sere, daun limau atau diagiah aia jeruk nipis. Bilo aia karambia indak ado dapek dituka dengan kemiri. Ayam dirabuih basamo bumbu sampai masak. Ayam pop alah masak sabalum dimakan, digoreng salayang jo minyak taganang. Manggoreng ayam pop indak buliah kariang lambok-lambok warno putiah alah cukuik. Bahan untuak samba tadiri dari lado, tomat, bawang sirah, petai nan digiliang inggo haluih lambuik, sudah tu digoreng.

Asa usua namo ayam pop adolah musik pop nan tanamo pado taun 1976-an. Simpang Raya mulo-mulo menyabuik ayam goreng nan dibueknyo ayam pop supayo capek diingek.[1] Restoran lain buliah mambuek atau maniru resep ayam pop, tapi namo "Istano Ayam Pop" adolah namo paten restoran Simpang Raya, indak dapek dipakai dek restoran nan lain.[1]

Rujuakan[suntiang | suntiang sumber]

  1. a b Rahmawati, Mila (2009). Sukses Bisnis Rumah Makan Padang. Niaga Swadaya. p. 42.