Ayam lado hijau
Ayam lado hijau atau ayam lado mudo marupoan masakan nan barasa dari Sumatera Barat. Bahan dasanyo tabuek dari dagiang ayam. Ampia sarupo jo itiak lado mudo, ayam lado hijau dihidangan jo lado mudo nan alah dimasak. Jinih makanan ko acok dijua di rumah makan atau kadai nasi, atau bisa pulo jadi samba rumahan. Salain lado mudo, ayam ko dibuek dari bahan-bahan lain sarupo sarai, tomat hijau, bawang merah, bawang putiah, daun kunyik, daun limau, sipadeh, langkueh jo asam kapeh.[1] Ayam lado hijau ko acok pulo dijadian sabagai hidangan katiko babuko puaso atau sahur.[2]
Caro mambuek
[suntiang | suntiang sumber]Mulonyo, ayam dicampua jo garam samo aia asam kapeh. Sasudah itu didiaman salamo 20 minik. Salanjuiknyo ayam digoreng jo minyak angek jo api sadang. Bahan-bahan untuak bumbunyo barupo sarai, garam, gulo, jo lado mudo. Bahan-bahan tu ditumih jo minyak goreng sampai harum. Kalau alah harum, ayam nan alah bagoreng tadi dimasuakan ka bumbu nan alah batumih sambia diaduak rato. Masuakan aia jo masak sampai susuik jo marasok. Siap tu tambahan aia asam kapeh saketek jo daun kemangi. Diaduak sampai marato.[3][1][4]
Galeri
[suntiang | suntiang sumber]-
Ayam lado hijau -
Ayam goreang jo lado hijau
Rujuakan
[suntiang | suntiang sumber]- ↑ a b Media, Kompas Cyber (2021-03-29). "Resep Ayam Goreng Lado Ijo Khas Padang, Tambah Daun Kemangi". KOMPAS.com. Diakses tanggal 2021-05-08.
- ↑ Liputan6.com (2017-06-05). "Resep Ayam Cabai Hijau Bikin Melek Saat Santap Sahur". liputan6.com (dalam bahasa Indonesia). Diakses tanggal 2021-05-23.
- ↑ Setiawati, Odilia Winneke. "Resep Ramadan : Ayam Lado Mudo". detikfood. Diakses tanggal 2021-05-08.
- ↑ Widia, Lyrene (2021-04-25). "Resep Ayam Lado Mudo atau Ayam Cabai Hijau yang Mudah dan Enak ala Rumahan, untuk Hidangan Buka Puasa Keluarga - Portal Jember". portaljember.pikiran-rakyat.com (dalam bahasa Indonesia). Diakses tanggal 2021-05-23.