Angso

Dari Wikipedia baso Minang, ensiklopedia bebas
Loncat ke navigasi Loncat ke pencarian
?Angso
SwansCygnus olor.jpg
Klasifikasi ilmiah
Karajaan: Animalia
Filum: Chordata
Kalas: Aves
Ordo: Anseriformes
Famili: Anatidae
Genera

Angso adolah buruang aia baukuran gadang dari genus Cygnus famili Anatidae. Bebek jo Angso balihia pendek tadapek juo di famili Anatidae. Angso basamo angso balihia pendek masuak ka dalam subfamili Anserinae namun Angso mamiliki suku surang, yaitu suku Cygnini. Tadapek tujuah spesies dalam genus Cygnus. Angso adolah hewan monogami, 'pacaraian' kadang-kadang tajadi jiko proses basarang mangalami kagagalan.

Angso adilah anggota tagadang dari famili Anatidae, jo marupoan salah satu buruang aia tagadang nan dapek tabang. Spesies tagadang dari angso, yaitu Angso Putiah, Angso Trompet, jo Angsi Whooper dapek mancapai panjang 60 inci jo barek 50 pound. Bantangan sayok mereka dapek mancapai panjang tigo meter. Dibandiangan jo saudaranyo, angso balihia pendek, angso baukuran labiah gadang dalam ukuran jo sacaro proporsional mamiliki kaki jo lihia nan labiah gadang. Pado angso dewasa, mereka mampunyoi tando barupo kulik nan indak ditutuiki bulu di antaro mato jo paruh. Angso jantan jo batino mirip, indak manunjuakan sipek dimorfisme seksual. Namun ukuran angso jantan umumnyo labiah gadang jo labiah barek.

Spesies di balahan bumi utaro mamiliki warna bulu nan putiah barasiah, namun angso di balahan bumi salatan campuran warna hitam jo putiah. Angso Hitam Australia (Cygnus atratus) bawarna hitam sacaro kasaluruahan kacuali bulu nan digunoan untuak tabang padi bagian sayoknyo. Angso hitam mudo bawarna abu-abu cerah. Di Amerika Salatan, Angso Balihia Hitam mamiliki lihia bawarna hitam sasuai namonyo. Kaki angso umumnyo bawarna abu-abu kalam, kacuali duo spesies nan barasa dari Amerika Salatan nan memiliki kaki bawarna merah mudo. Warna paruh bavariasi; spesies subartik mamiliki paruh bawarna hitam jo campuran warna kuniang. Nan lainnyo bawarna merah jo hitam.

Angso umumnyo tadapek di daerah baiklim sadang, jarang tadapek di daerah tropis. Limo spesies tadapek di balahan bumi utaro, satu spesies disobokan di Australia jo Salandia Baru, sisonyo tagadang di Amerika Salatan. Angso indak tadapek di Asia tropis, Amerika Tangah, bagian utaro Amerika Salatan, jo saluruah Afrika.

Angso makan di daratan jo di aia. Inyo hampia salalu mnjadi herbivora, walau sasakali binatang akuatik ketek lain disembanyo. Di parairan, makanan mereka dapekan jo manyariang aia, jo makanan mereka tadiri dari aka-akaan, batang, jo daun tanaman akuatik jo tanaman dalam aia.

Angso mambantuak ikatan monogami nan dapek balangsuang salamo bataun-taun. Dalam babarapo kasus, ikatan iko dapek balangsuang saumua hiduik. Sarang mereka barado di daratan dakek parairan, jo jaraknyo sakitar satu meter. Indak seperti bebek jo angso balihia pendek, angso jantan mambantu pambangunan sarang. Ukuran ratk-rato talua angso adolah (tinggi x diameter) 113 x 74 mm jo berat 340 g. Inkubasi balangsuang salamo 34—45 hari.

Spesies[suntiang | suntiang sumber]

Genera Coscoroba

Genera Cygnus

Referensi[suntiang | suntiang sumber]

  • Kear, Janet, ed (2005). Ducks, Geese and Swans. Bird Families of the World. Oxford: Oxford University Press.