Aboean Goeroe-Goeroe

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Aboean Goeroe-Goeroe (AGG) adolah pakumpulan guru-guru nan batugas di Sumatra Barat, khususnyo di Fort de Kock (sekarang Bukittinggi). Pakumpulan iko didirikan di Fort de Kock pado taun 1921.[1]

Aboean Goeroe-Goeroe punyo majalah bulanan jo namo nan samo nan tabik dari 1927 hinggo 1931. Majalah iko digunoan sabagai sarana komunikasi jo batuka informasi di antaro anggota-anggota pakumpulan khususnyo jo masyarakat pado umumnyo.[1]

Kapangurusan[suntiang | suntiang sumber]

Kapengurusan AGG dipimpin dek M. Thaib St. Pamoentja jo Dt. Bagindo sabagai wakia katua, Kasip sabagai sekretaris, sarato St. Saripado sabagai bendahara. M. Thaib adolah hoofdschoolpoziener atau nan punyo sakola sarato kapalo sakola. Anggota AGG tadiri dari guru nan punyo sakola (schoolopziener), kapalo sakola, jo guru nan ditugasan di Sumatra Barat, terutamo Fort de Kock. Adapun di tataran anggota, ado nama Manan, Dt. Radja Ibadat, St. Pamenan, H. St. Ibrahim, Dj. St. Machoedoem, B. Soetan Maroehoen, dan Z. St. Sinaro.[1]

Anggota Aboean Goeroe-Goeroe dimintak pitih tiok bulan nan diparuntukan untuak "mentjahari keonetoengann jang halal". Iuran nan punyo sakola jo guru adolah 2,5 gulden, sadangkan nan bastatus sabagai guru bantu adolah 1 gulden.[1]

Pado taun patamo didirikan, AGG punyo 167 anggota jo jumlah pitih simpanan 3.728,50 gulden. Pado taun 1928, anggotanyo batambah banyak sampai ka Jambi, Palembang, jo Borneo (Kalimantan) nan banyaknyo sampai 422 urang, jo jumlah pitih simpanan 25.112 gulden.[1]

Pakambangan[suntiang | suntiang sumber]

Selamo tujuah taun patamo, AGG indak punyoa kantua. Pado taun 1928, AGG bisa manyewa sabuah rumah di Fort de Kock untuak kantuanyo.[1]

Majalah[suntiang | suntiang sumber]

Majalah Aboean Goeroe-Goeroe tabik patamo kali 1927 dek penerbitan "Agam" di Fort de Kock. Majalah iko marupoan "orgaan oentoek pemadjoekan onderwijs, bahaso, jo bangsa". Penerbitannyo sampai pado taun 1931.[2]

Kini ko, sabagian eksemplar Aboean Goeroe-Goeroe asli tasimpan di Universitas Leiden, Belanda.[1]

Rujuakan[suntiang | suntiang sumber]