Abdul Gaffar Ismail

Namo	Abdul Gaffar Ismail
Mati	Pekalongan, Jawa Tengah
Kebangsaan	Indonesia
Kabar nan	Guru, politisipolitikus
Istri nan	Sitti Nur Muhammad Nur
Turunannyo	Taufiq Ismail

K.H. Abdul Gaffar Ismail (lahia di Bukittinggi, Hindia Belanda, 11 Agustus 1911 – maningga di Pekalongan, Jawa Tengah, 16 Agustus 1998 pado umua 87 taun - ) adolah surang ulama, pandidik Islam, politikus jo pajuang kamardekaan Indonesia. K.H Abdul Gaffar Ismail marupokan lulusan dari Sumatera Thawalib nan mano inyo sapangajian jo Abdul Malik Karim Amrullah (Hamka). Guru dari K.H. Abdul Gaffar Ismail iko adolah Syekh Ibrahim Musa, nan mano sabalumnyo parnah baraja ka imam gadang di Masjid Al-Haram, Syekh Ahmad Khatib Al-Minangkabawi. Abdul Gaffar manikah jo Siti Nur Muhammad Nur, nan lahia di Pandai Singkek, Padang Panjang, pado taun 29 Juni 1914 nan mano inyo marupokan angkatan partamo Pasantren Diniyah Putri.

Kahidupannyo di maso pajuangan kamerdekaan

K.H. Abdul Gaffar Ismail pado maso inyo barumua 16 taun inyo alah manjadi ketua Gerakan Kepemudaan Pandu Al-Hilal Sumatera Barat. Maso itu inyo masih basakolah di Paguruan Islam Thawalib, Parabek. Tapi, dek karano pangilan jihad nan kian mangebu-gebu di dadonyo inyo mamiliah untuak bajuang malawan panjajah, kamudian basamo adiaknyo Rusmah Ismail, urang baduo ko aktif di partai politik, nan diiriangi pulo jo 3 urang seniornyo, Mochtar Lutfi, Iljas Ja'coub, jo Djalaludin Thaib nan marupokan katua di Persatuan Muslimin Indonesia (PERMI).

Dimaso inyo aktif di PERMI, pamarentah Balando wakatu itu alah manaruah curiga ka kalompok iko karano sacaro terang-terangan manyuarokan tuntutan Indonesia Merdeka. Duo taun kamudian, para pamimpin PERMI mulai ditahan. Awalnyo, duo pamuko partai ko yoitu Rasuna Said jo Rasimah Ismail ditangkok lalu di asiangkan ka Semarang pado taun 1933.

Pangasiangan

Abdul Gaffar jo bininyo indak lupuik dari sasaran kolonial Balando, dimano sasudah adiaknyo dibuang ka Semarang, Gaffar jo bininyo kamudian diusia dari Minangkabau dek lantaran manarimo hukuman Passen-Stelsel jo buliah manantukan surang tampek pambuangannyo. Abdul Gaffar pun mamiliah Pakalongan. Sajak lamo, kota iko dikenal sabagai pusat dari industri batiak di pantai utara Pulau Jawa. Kaum saudagar Muslim asal Minangkabau jo Mandailiang alah lamo manjalin hubuangan jo para toke satampek.

Sampainyo di Pakalongan, dalam pangasingan ko inyo taruih mandapek banyak tekanan dek Balando, tapi Gaffar Ismail indak ilang aka. Inyo basamo bantuan urang Minang nan ado di Pakalongan jo ulama nan ado basamo- samo manyelenggarakan pangajian umum satiok malam salasa di barendo rumahnyo. Pangajian iko pulo balangsuang salamo anam taun (1935-1941) kamudian disambuang baliak sasudah zaman revolusi yoitu salamo 44 taun lamonyo (1953-1997).

Awal taun 1940-an inyo basamo kaluarga pindah ka Semarang jo bakarajo sabagai wartawan di harian Sinar Baru. Jabatannyo sangkek itu sabagai wakia ketua redaksi. Kamudian, Abdul Gaffar Ismail juo parnah tingga di Yogyakarta jo manjadi pimpinan redaksi al-Djihad yang ditabikkan dek Masyumi. Salamo bamukin disinan, Gaffar Ismail manjalin pasahabatan jo banyak toko Nasional, antaro lain Muhammad Natsir, Kahar Muzakkar, Mohammad Roem, AR. Baswedan, AK. Gani, jo Anwar Harjono.

Sala satu jariah usaho Gaffar Ismail adolah kagigiahannyo mandorong parsatuan umaik islam. Tacapai pado taun 1947 malalui Partai Politiak Masyumi, dimano maso itu sagalo organisasi, partai islam jo pasantren manggabuangkan diri mambantuak partai Masyumi ko.

Pasca Kamerdekaan

Sasudah 17 Agustus 1945, Balando masi barambisi manguasoi Indonesia. Ruang gerak Indonesia dikikih dek militer Balando jo sekutu. Ibu kota Indonesia pun maso itu dipindahan dari Jakarta ka Yogyakarta. Samantaro itu, tantaro Indonesia paralu banyak logistik yang hanyo bisa dapek dari lua nagaro.

Pado taun 1948, K.H. Abdul Gaffar Ismail mandapek amanat dari sahabat sakaligus mantri kemakmuran RI maso itu, Sjafruddin Prawiranegara, ateh parintah dari wakia presiden Muhammad Hatta. Inyo dimintak untuak mamimpin misi rahasio, yoitu mangatua palayaran tujua unit kapa Bugis (Pinisi), masiang-masiang bareknyo 30 Ton, pai pulang dari Palabuahan Juwana di Jawa Tengah ka Singapur.

Kapa-kapa layia iko baka mangangkuik kiro-kiro 210 ton muatan, yang taridi dari Vanila, Gulo. Karet, sarato komoditi lainnyo dari Indonesia. Sampai di Singapura, barang tu baka dituka jo palengkapan militer Indonesia, utamonyo sanjato api jo ban oto. Iko sagalonyo dikarajoan kadek Indonesia dimaso itu dikapuang dek tantaro Balando, dan paralu bana kaperluan untuak parang nan bisa malakukan iko cuman KH. Abdul Gaffar Ismail yang manyamar sabagai Saudagar untuak kaparaluan badagang.

Tutuik usia

Manjalang maso tuonyo KH. Abdul Gaffar Ismail masih sajo aktif dalam pajuangan kamerdekaan samo pagolakkan politiak nan ado di Indonesia. Paristiwa nan parnah dialami dek Gaffar Ismail diantaronyo iolah maso pambarontakan nan dikarajoan dek Kahar Muzakkar pado taun 1950.

Ateh Parentah dari pardana manteri wakatu itu, Mohammad Natsir, inyo masuak ka padalaman rimbo Sulawesi Selatan untuak mambujuak Muzakkar supayo manyerah. Dimaso panduduakkan Japang, Muzakkar marupokan murid dari KH. Abdul Gaffar Ismail surang salamo 13 taun di Solo, Jawa Tengah. Sawakatu Gaffar Ismail tibo, Muzakkar takajuik katiko itu mancaliak gurunyo, Gaffar Ismail maso itu ba upayo untuak manasihati Muzakkar supayo manyarah, tapi tatap sajo upaya itu indak barasia.

Salain itu, Gaffar Ismail aktif juo dalam Kongres Umaik Islam sa-Indonesia nan dibuek di Yogyakarta pado taun 1950. Dalam kasampatan iko, inyo diamanati posisi sekretaris jenderal Badan Kongres Muslimin sa-Indonesia (BKMI).

Pado taun 1982, Tinur istrinyo wafat pado usia 68 taun, sasudah 29 taun mangajar Tafsir Quran pado pangajian Padusi. Sasudah manduda salamo limo taun, mamanuahi desakan anak-anaknyo KH. Abdul Gaffar Ismail manikah jo Istis'adah, nan mano inyo marupokan murid pangajiannyo, nan satia marawat baliau sampai baliau wafat. KH. Abdul Gaffar Ismail maningga pado 16 Agustus 1998 pado usia 87 taun 5 hari