Urang Sekubang

Suku Dayak Sekubang
Jumlah populasi
2020: kurang labiah 52.900 Jiwa.
Kawasan bapopulasi cukuik banyak
Indonesia: Kalimantan Barat: Kecamatan Sepauk 52.900 Jiwa
Bahaso
bahaso Sekubang
Agamo
Kristen dan Islam
Kalompok etnik takaik
Suku Dayak, tamasuak ka dalam rumpun Suku Iban

SUKU DAYAK SEKUBANG adolah salah satu sub-suku Dayak yang mandiami daerah kecamatan Sepauk yang mampunyoi lueh 1.825,70 km2 , Kalimantan Barat. Manuruik Badan patanahan kabupaten Sintang latak geografis kecamatan Sepauk ado di 00 141 LU – 00 311 LS dan 1100 521 BT – 1110 221 BT. Suku Dayak Sekubang tasebar di babarapo kampuang yang ado di kecamatan Sepauk, antaro lain adolah kampuang Bernayau, Sinar Pekayau, Landau panjang, Limau Bakti, Kemantan, Nanga Pari, Bangun, Tanjung Mawang, Bungkong Baru Landau Panjang, kampuang Sekubang jo babarapo kampuang lain disakitarnyo. Kamudian manuruik data kapanduduakkan kacamatan sapauk suku iko bajumlah sabanyak 52.900 Jiwa.

Pado awalnyo ado duo suku asli yang mandiami Wilayah kecamatan Sepauk, yaitu Suku Dayak Sekubang dan Suku Dayak Sekujam, namun dalam pakambangannyo wilayah kecamatan Sepauk juo didatangi suku-suku pandatang yang mandiami babarapo wilayah di kecamatan Sepauk yaitu suku Dayak Seberuang, suku Dayak Desa, suku Dayak Mualang, suku Melayu jo tamasuak juo etnis dari katurunan Tiong hoa, slain itu tadapek juo suku-suku lainnyo yang hidup badampiangan dengan damai di wilayah itu.

Manurui Badan Pusat Statistik kabupaten Sintang, sacaro administratif wilayah kecamatan Sepauk sabalah utara babatasan kabupaten Sekadau jo kecamatan Ketungau Hilir, sabalah selatan babatasan jo kabupaten Melawi jo kabupaten Ketapang, sabelah timur babatasan jo kecamatan Tempunak kamudia kabupaten Melawi, lalu kamudian di sabalah barat babatasan dengan kabupaten Sekadau, samantaro jumlah kampuang di kecamatan Sepauk sabanyak 33 kampuang, yang tasebar disaluruah wilayah kecamatan Sepauk. Kato Sekubang sandiri mamiliki arati Sekerat, seperti potongan-potongan ketek, sabagai contoh pangartian dari Sekerat adolah, misalkan ado dagiang yang dipotong-potong manjadi babrapo bagian yang ketek, dan bagian-bagian potongan ketek iko kamudian dinamokan sekerat yang dapek juo dikatokan saketek.

Asal-usua

Dalam carito atau legenda masyarakaik satampek Suku Dayak Sekubang barasa dari Hulu batang aia Sekubang/kaki Bukit Paku, dikisahkan kalau urang tu adolah suku yang indak bisa mati karano kakuatan dari batu Ayo Melaban yang mambuek urang ko sasudah tuo baliak manjadi mudo dan baitu sataruihnyo. Suatu hari suku Dayak Sekubang malakukan pajalanan kasabuah daerah nan banamo Jopo, disitu urang ko batamu jo urang-urang yang sadang malaksanakan Gawe atau gawai, atau pesta, Tapi pesta yang di karajoan di tampek itu adolah sabuah pesta dimano ado urang nan maningga, dan pesta atau Gawai dilaksanakan tujuah hari tujuah malam. Suku Dayak Sekubang sangaik tatarik dengan hal tasabuik karano urang iko suku yang indak biso mati karano mayat biso mati, mako urang tu mambali mayat tasabuik untuak malakukan pesta sarupo, hal tasabuik manimbuakan malapetaka dan pado akhirnyo suku sekubang satu-parsatu urang sukunyo mulai mangalami kamatian, mako dari siso yang ado lalu malarikan diri.

Dalam buku diktat wilayah adat kampuang Sinar Pekayau Kecamatan Sepauk Kabupaten Sintang dikisahkan kalau Sajak pristiwa itu, tapacahlah urang-urang suku Sekubang, ado yang ka pai ka Pinoh, Belimbing, jo sungai Sepauk. Hanyo babarapo urang yang tingga namo dan tampeknyo masiah dikenang sampai sarupo:

1. Nampang Garong di Nanga sungai Sekubang Rapik. Tampek iko kini didiami oleh kaluargo gadang bapak Compel katurunan suku Sekubang.
2. Temiang Mancong di Landau Kubur dakek sungai Sabung Lilin. Kubur tuo juo masih ado, yang mandiami tampek itu adolah kaluargo gadang Melik suku Sekubang.
3. Temenggung Payung barado di sungai Segurak kaki bukik Pakuk, kini ko didiami kaluargo gadang Pak Lengki.
4. Kutuk Sari barado di sungai Katap, kuburan tuo dari niniak moyang iko ado di Nanga Katap jo Mangkap.
5. Gura Temawang barado di sungai Sinar, kuburan tuo dari niniak moyang iko juo masih ado. Katurunan-Keturunan urang iko juo mulai manyebar ka babagai tampek yang dimano bisa kito jumpai banyak Suku-suku Sekubang badiam saat ini, salah satunyo kampuang Bernayau.

Musik Dayak Sekubang

Musik Tobah Dayak Sekubang adolah kasenian yang manggunokan tigo sampai ampek alat musik Gong yang dimainkan sacaro basamoan, untuak itu musik Tobah dapek dikategorikan sabagai ansambel gong. Pangertian ansambel surang adolah apobilo duo atau labiah pamain mamainkan karya musik, medium damikian dikenal jo Ansambel, dan musiknyo disabuik musik ansambel. Sabagaimano yang disabuik oleh Haryanto salah satu panaliti kalau ansambel gong marupokan salah satu jenis musik yang sangat familiar di kalangan suku Dayak, baik di Kalimantan Timur maupun di Kalimantan Barat. Istilah Gong dalam masyarakat Sekubang sandiri adolah Ketawak, lalu kamudian sacaro khusus pangertian Kato Tobah dalam masyarakaik Dayak Sekubang adolah pukulan atau tabuhan. Kato Tobah juo banyak dijumpai di babarapo daerah lain di Kalimantan Barat misal Tobah Mongko jo Tobah Pesaguan.

Musik Tobah Dayak Sekubang yang ado di kampuang Bernayau ado ampek Jenis yaitu Tobah Ngorak, Tobah Bejalan, Tobah Ayah jo Tobah Gondang Perang. Istilah-istilah untuak ketawak dalam musik Tobah Dayak Sekubang ado 5 yaitu:

1. Penginuk, Ketawak barukuran paliang gadang dengan ukuran lingkaran kurang labiah 116-118 cm samantaro tingginyo 15-16 cm, dan dalam pamainan biasonyo instrumen iko yang partamo dibunyikan, takacuali untuak Tobah Ngorak.
2. Pengaul, adolah Ketawak yang panjang lingkaran barukuran sadang ukuran kiro-kiro 105 cm dan tinggi sekitar 14-15 cm, dan dibunyikan biasanya urutan ke dua pada permainan Tobah Ayah dan Tobah Bejalan.
3. Pemapar, adolah Ketawak yang samo dengan ketawak yang digunokan pemapar, dan dibunyikan urutan ka duo dalam Tobah Ngorak.
4. Klotok, adolah Ketawak barukuran paliang ketek, panjang lingkaran kiro-kiro 90-100 cm, marupokan ketawak yang partamo dibunyikan dalam Tobah Ngorak.
5. Peneranyak, adolah Ketawak yang paliang akhir dimainkan dalam pamainan Tobah Bejalan jo Tobah Ayah.

Salain bantuak jo kagunoan, macam-macam Tobah iko juo mampunyo babagai macam fungsi, iolah:

1. Tobah Ngorok, iolah bafungsi untuak kagiatan panen nan dilakukan sacaro gotong royong oleh urang suku iko, kamudian salain ado musik iko ado juo iriang-iriangan benderanyo.
2. Tobah Bejalan, adolah sasuai jo namonyo Tobah iko memang di mainkan sadang bajalan atau untuak mairiangi urang nan sadang manari katiko pai ka suatu tampek sarupo tampek upacara atau ritual.
3. Tobah Ayah, adolah salah satu Tobah nan bafungsi untuak kagiatan ritual, nan biasonyo bunyi Tobah iko iolah banuasa magis dan cuma digunokan dalam hari-hari tatantu.
4. Tobah Gondang Perang, adolah Tobah nan dipakai katiko mangiriagi paparangan suku pado maso dulu, tapi di maso kini sairiang zaman nan alah jarang baparang mako tobah iko digunokan sabagai pangiriang tari jo acara pencak silek adat.