Praz Teguh
Praz Teguh | |
|---|---|
| Lahia | Teguh Prasetyo 10 Juni 1991 Padang, Sumatera Barat, Indonesia |
| Karojo | |
| Taun aktif | 2012—sekarang |
| Pasangan | Qorry Rizky Ananda Majid (m. 2015–kini) |
| Anak | 2 |
Praz Teguh (lahia di Padang, Sumatera Barat, Indonesia, 10 Juni 1991; umua 32 taun) adolah saurang palawak tunggal jo aktor Indonesia. Pras mulai dikenal dek manjadi salah surang kontestan Stand Up Comedy Indonesia Kompas TV musim ka-4 (SUCI4)[1] pado taun 2014, jo manjadi pelawak tunggal dari Sumatera Barat nan partamo pado kompetisi tasabuik.[2][3]
Kahidupan awal[suntiang | suntiang sumber]
Praz adolah anak partamo dari tigo dunsanak pasangan Hendri Nofrianto (ayah) jo Syalfia Ankuniarti (ibu). Kaluargo Praz punyo latar balakang pandidikan tinggi. Ayahnyo adolah Rektor Institut Teknologi Padang di Padang.[4] Inyo parnah basikolah di SMA Negeri 3 Padang, Praz mancapai SMAnyo di SMA Negeri 7 Bekasi, kudian inyo mancapai kuliah di Sekolah Tinggi Bahasa Asing (STBA) Prayoga Padang, tapi indak salasai.[5]
Kaputusan inyo untuak malakukan karir di dunia Stand Up Comedy pado mulonyo sempat ditantang dek kaluarganyo.[6] Namun, inyo masih mamiliah untuak malakukan Stand Up Comedy karano untuak inyo marupokan hobi jo karajo nan inyo sukoi.[3]
Karir[suntiang | suntiang sumber]
Mampalajari Stand Up Comedy pado akhir taun 2011, Praz Teguh barasil mamulai karirnyo sabagai opener stand up tour Merdeka Dalam Bercanda nan di produksi dek Pandji Pragiwaksono pado taun 2012.[7] Pado taun 2012 inyo mandapek juara 2 di ajang Street Comedy II.[8] Acok manjadi bintang tamu acara stand up nite di babagai kota jo juo diundang untuak mangisi babarapo acara Stand Up Comedy Show maupun Battle of Comics di stasiun TV nasional sarupo Metro TV. Praz mulai dikenal dek karano inyo maikuti ajang Stand Up Comedy Indonesia 4 (SUCI4) di Kompas TV pado taun 2014.[5] Praz dikenal dek kamampuan act outnyo nan ekspresif, berani, jo total dalam manampaian bahan komediannyo katiko di ateh pangguang. Praz juo mancataik sajarah jo prestasi surang di ajang SUCI 4, iyolah harus duo kali mangalami close mic. Close mic partamo adolah pado kali tampil pado babak 9 besar, maka Praz baliak ka kompetisi SUCI 4 malalui babak call back di 5 gadang jo bisa manyasiahkan 3 paserta call back lainnya, Liant, Coki, jo Yudha Keling nan mambueknyo manjadi paserta 6 besar SUCI 4 nan murni. Barasil mangungguli Dodit Mulyanto jo Hifdz Khoir, Praz akhianyo close mic (bahaso untuak peserta nan diilangkan/tarliminasikan) untuak kaduo kalinyo di babak 4 besar. Praz adolah kontestan SUCI partamo nan mandapek pajuangan call back sahinggo inyo dijuluki kontestan lain jo julukan Anak Callback.[9] Pado taun nan samo, Praz jo komik Tretan Muslim jo Arif Alfiansyah mambantuak sabuah grup trio komik nan banamo Overacting, nan dikana dek kamampuan act outnyo dalam bamain stand up comedy. Namo Overacting pado mulonyo marupoan judul Tour stand up comedy nan dilakukan dek Praz jo Muslim jo Arif ka babarapo kota gadang di Indonesia nan dimulai dari Kota Padang, kota asal Praz.
Salain sabagai saurang komik, Praz kini mulai marambah dunia hiburan sabagai panulis kreatif untuak babarapo program acara komedi. Sarupo acara Sebelas Dua belas nan ditayangkan di Kompas TV, jo sabagai tim kreatif untuak Stand Up Comedy Indonesia sajak 2016. Kini, Praz juo mulai karirnyo sabagai YouTuber[10] jo dikenal dek programnyo nan banamo "Paccah Paruik". Pacah Paruik surang adolah Bahaso Minangkabau nan aratinyo "Pecah Perut", nan aratinyo mahibur sampai mangocok paruik nan dihiburannyo adolah panonton acaranyo. Malalui YouTube Praz sabagai urang Minangkabau, khususnyo Padang nyo mangumandangkan budaya Minangkabau surang ka sagalo nusantara malalui media komedi, jo slogan "Minangkan Indonesia". Dalam proses kreatifnyo iko Praz juo didukuang dek babarapo komik Indonesia dan tentu saja bakat lokal.[5]
Pautan lua[suntiang | suntiang sumber]
- Praz Teguh di Twitter
- (Indonesia) Pras Teguh di YouTube
Rujuakan[suntiang | suntiang sumber]
- ↑ "Pras Teguh: Sebelum Stand Up, Dulu Saya Ngeband Aliranya Underground". KOMPAS.tv (dalam bahasa Indonesia). Diakses tanggal 2024-01-15.
- ↑ Eka Ryanti, Dian (31 Mei 2022). "Tak Pernah Direncanakan, Praz Teguh Sebut Special Show 'Ibu' Terjadi Karena Hal Ini". KapanLagi.com (dalam bahasa Indonesia). Diakses tanggal 2024-01-15.
- ↑ a b Noviandi, Ferry (05 November 2023). "Praz Teguh, Musisi yang Malah Sukses Jadi Komika dengan Job Sangat Padat". suara.com (dalam bahasa Indonesia). Diakses tanggal 2024-01-15.
- ↑ Rafika Sari, Diana (23 Juli 2023). "Profil Biodata Praz Teguh, Komika Asal Padang yang Penuh Talenta". SINDOnews Lifestyle (dalam bahasa Indonesia). Diakses tanggal 2024-01-15.
- ↑ a b c Oky, Andriana (9 Januari 2023). "Biodata Artis Praz Teguh, Komika Asal Padang yang Awal Kariernya Ditentang Keluarga Terjun ke Stand Up Comedy - Semua Halaman - Grid Pop". pop.grid.id (dalam bahasa Indonesia). Diakses tanggal 2024-01-15.
- ↑ Afrilia, Nika (31 Desember 2022). "Praz Teguh, Komika Kondang Asal Padang yang Sempat Ditentang Stand Up Comedy Keluarganya". Tribun Video (dalam bahasa Indonesia). Diakses tanggal 2024-01-15.
- ↑ "Credit Title INDONESIA: – Pandji Pragiwaksono" (dalam bahasa Inggris). 2012-12-27. Diarsipkan dari versi asli tanggal 2024-01-15. Diakses tanggal 2024-01-15.
- ↑ Unknown (Senin, 28 Mei 2012). "Street Comedy 2: Grand Final Street Comedy 2 at Bekasi Square". Street Comedy 2. Diakses tanggal 2024-01-15.
- ↑ Winda, Angela (4 Oktober 2021). "Transformasi Pras Teguh selama di Panggung SUCI 4, Anak Callback". KOMPAS.tv (dalam bahasa Indonesia). Diakses tanggal 2024-01-15.
- ↑ Halima (7 Agustus 2023). "7 Fakta Menarik Praz Teguh, Komika Pertama Asal Sumatra Barat". PARBOABOA (dalam bahasa Indonesia). Diakses tanggal 2024-01-15.