Pinto Anugrah

Pinto Anugrah
Lahia	9 Maret 1985 Sungai Tarab, Indonesia
Kabangsaan	Indonesia
Karojo	Novelis, Sastrawan, Teaterawan
Dikana dek	Novelis

Pinto Anugrah (lahia 09 Maret 1985 di Sungai Tarab; umua 37 tahun) iolah sastrawan Indonesia. Pinto Anugrah manyandang gala datuak tatinggi di persukuan Bendang-Minangkabau iyolah Datuak Rajo Panghulu, Datuak Salapan Sungai Tarab Salapan Batua . Pinto Anugrah manyalasaian S1 di Sastra Indonesia, Unand dan S2 di Ilmu Sastra UGM.

Latar Belakang

Sajak ketek Pinto Anugrah alah suko mambaco buku samo alah mulai manulih sajak SMP. Namun karir kepenulisannyo baru dimulai pado taun 2005 jo maraih pemanang patamo di Lomba Penulisan Cerpen Balai Bahaso Sumatera Barat samo 10 gadang Lomba Penulisan Cerpen Pusek Bahaso Jakarta. Setalah tu banyak penghargaan nan didapek nyo dalam kepenulisan, sacaro bauruikan hampia satiok tahun, contoh nyo kayak Cerpen Pemuda Kemenpora RI 2010, samo nan tarakhia Lakon Teater Terbaik Kemendikbud RI 2017. Pado taun 2018, novel patamonyo ditabikan nan judulnyo Jemput Terbawa, penerbit Mojok.

Sajak taun 2005 hinggo kini, karya-karyanyo alah di muek di media massa, di antaronyo Kompas, Koran Tempo, Media Indonesia, Koran Sindo, Jurnal Nasional, Padang Ekspres, samo babagai media cetak maupun online lainnya. Pinto Anugrah pernah diundang di festival Sastra Internasional saroman Ubud Writer and Reader Festival 2011. Salain itu inyo pernah lo managakan festival sastra samo kawan komunitas Kandangpadati, misalnyo Padang Literary Biennal 2012 dan 2014.

Kini ko inyo tingga di Padang dan manggarakan komunitas Kandangpadati samo Ranah Performing Arts Company. Dan kini ko inyo tangah mambangun sabauh penerbitan jo namo Buku Kalaka.

Karya-karya

• Kumis penyaring kopi (buku cerpen, 2012
• Jemput Terbawa (buku novel, 2018)
• Hikayat Sidi Mara: bajak laut dari Pantai Barat Sumatra (buku novel, 2018)
• Segala yang Diisap Langit (Buku Novel, 2021)