Inyiak Upiak Palatiang
Inyiak Upiak Palatiang | |
|---|---|
| Lahia | Awal abaik 20 |
| Maningga | 9 Mei 2010 (umua ± 110) Kacamatan Batipuah, Tanah Datar, Sumatra Barat |
| Kabangsaan | Indonesia |
| Karojo | Seniman tradisi, petani |
| Dikana dek | Pandeka padusi Silek Minangkabau - Pancipta dan palantun syair dendang saluang |
| Anak | Mawardi Upiak Lamsinar Zulfachri |
| Urang tuo | Upiak Aji |
Inyiak Upiak Palatiang (lahia di Dusun Kubu Gadang, Nagari IV Koto, Kacamatan Batipuah, Tanah Datar, Hindia Belanda, pado awal abaik 20
– maningga di Tanah Datar, Sumatra Barat, 9 Mei 2010 pado umua ± 110 tahun) adolah maestro seni tradisi Minang. Inyo tanamo dek banyak manguasai tradisi lamo Minang, seperti silek, randai, dan dendang saluang.[1][2][3]
Sabagai pandeka padusi, Upiak Palatiang manguasai aliran silek gunuang yang marupoan salah satu aliran silek dengan tigo jurus dasar, yaitu tangkok piuah, dan gelek. Silek gunuang manjadi hulu dari babagai aliran silek lainnyo yang bakambang di Minangkabau.[2]
Salain mambuek pantun-pantun untuak panampilan randai, Upiak Palatiang pandai pulo mambuek syair dendang, baiak yang dilantunkannyo surang maupun oleh padendang tradisi lainnyo yang diiringi tiupan saluang mandayu-dayu. Alah ratuihan syair yang dibueknyo, seperti Singgalang Kubu di Ateh, Singgalang Gunuang Gabalo Itiak, Singgalang Ratok Sabu, Singgalang Layah, Singgalang Kariang, Singgalang Alai, Indang Batipuah, Parambahan Batusangka, dan sabagainyo.[2]
Dalam umua yang labiah dari saratuih tahun, kondisi fisik Upiak Palatiang masih tahituang prima. Inyo masih kuek mampatunjuakan gerakan-gerakan silek dengan gesit dan lincah.[2]
Upiak Palatiang mampunyai babarapo urang murid, di antaronyo Musra Dahrizal Katik Rajo Mangkuto nan tanamo sabagai budayawan jo seniman Minangkabau.[1]
Salamo hiduiknyo, Upiak Palatiang dikaruniai babarapo urang anak, yaitu Mawardi, Upiak Lamsinar, dan Zulfachri. Salain tu, Upaik Palatiang mamiliki babarapo urang cucu yaitu Fardizal jo Fahmizal.
Rujuakan[suntiang | suntiang sumber]
- ↑ a b "Inyiak Upiak Palatiang, Semangat Tradisi Minang" Yurnaldi, Kompas.com/Silat Indonesia, 09 Januari 2004. Diakses 18 Oktober 2015.
- ↑ a b c d "Roh Minang Itu Bernama Inyiak Upiak Palatiang" Liputan6.com, 01 Februari 2004. Diakses 18 Oktober 2015.
- ↑ "Inyiak Upiak Palatiang Mengkhawatirkan Silat Tradisi" Khairul Jasmi, Silatindonesia.com, 24 Januari 2004. Diakses 18 Oktober 2015.
Pranala luar[suntiang | suntiang sumber]
- "Pencak Silat" Archived 2015-08-16 di Wayback Machine. Internationalsilatfederation.com.
- "Inyiak Palatiang (110 tahun) dikabarkan meninggal" RantauNet.
- "Maestro kesenian tradisional Sumatra Barat; Islamidar, Inyiak Upiak Palatiang, Manti Menuik" Dewan Kesenian Sumatra Barat, WorldCat.