Indah Nevertari
Indah Nevertari | |
|---|---|
 | |
| Lahia | Indah Nevertari 11 Mai 1992 Medan, Sumatera Utara, Indonesia |
| Karojo | Penyanyi |
| Dikana dek | Rising Star Indonesia (musim pertama) (2014) |
| Musical career | |
| Asa | Medan |
| Genre musik | |
| Instrumen | Vokal |
| Taun aktif | 2014–sekarang |
| Label rekaman | |
Indah Nevertari (lahia di Medan, 11 Mei 1992; umua 31 taun) adolah surang panyanyi dari Kota Medan, Sumatera Utara, Indonesia. Inyo dikenal sabagai juara partamo Rising Star Indonesia (musim partamo) pado taun 2014 nan ditayangkan stasiun televisi RCTI.[1]
Kahidpuan jo karir[suntiang | suntiang sumber]
1992-2013: Masa ketek jo awal karir[suntiang | suntiang sumber]
Indah Nevertari lahia di Medan pado tanggal 11 Mei 1992. Inyo adolah anak bungsu dari pasangan guru Mukmil Dumairi nan berdarah Minang, jo Huriyah Lubis nan berdarah Mandailing. Inyo punyo ciek adiak jo ampek kakak. Uniknyo sadonyo kakaknyo punyo namo samulo Emil jo hanyo Indah nan indak manggunokan namo Emil.[2] Bahkan pado mulonyo namo lengkap Indah bukan Indah Nevertari tapi Indah Hazizul Aini.[3] Sasudah itu baru digantikan jo Indah Nevertari pado kelas 1 Sekolah Dasar dek kainginan mandehnyo. Emillia Syafrina adolah kakaknyo nan partamo. Adiak nan kaduwo adolah Emilza Mardiyah. Emilla Zola jo Emil Idham adolah dunsanak katigo jo kaampeknyo. Adiaknyo nan kalima adolah Emilda Khairunisa nan kini bakarajo sabagai pegawai negeri sipil di salah satu lembaga pamarintahan di Aceh. Sajak ketek, Indah suko jo pandai manyanyi lagu-lagu India dek karano acok diundang untuak mancaliak film India dek kakaknyo. Salah satu lagu favoritnyo adolah "Kuch Kuch Hota Hai" nan dikenal dek film nan inyo liyek. Inyo alah maikuti babagai les vokal jo kompetisi-kompetisi sajak kelas 6 Sekolah Dasar. Indah mancapai pandidikan dasar di Sekolah Dasar Taman Siswa Medan, kamudian inyo malanjuin pandidikannyo di pandidikan tinggi di Universitas Muhammadiyah Sumatera Utara maambiak jurusan Akuntansi jo gelar Sarjana Ekonomi.[4] Pado awal kuliah iko inyo mamutuihan untuak mamakai hijab.
Pado taun 2013 Indah pernah ikuik di ajang Idol Indonesia musim kaampek audisi Kota Medan jo manganyanyi lagu Man Down nan punyo Rihanna.[5] Inyo dapek tiket mas jo lolos ka tahap eliminasi di Jakarta. Tapi inyo kala pado Babak Eliminasi Episode I jo indak punyo kasampatan untuak tampil pado babak spektakuler.[6] Dek karano kajadian ikolah, urang banyak bi tawu jo inyo. Bahkan, nan rancak nan disabuik "ineversal" alah barado sajak itu. Indah maresmikan namo "ineversal" pado tanggal 1 Februari 2014 sainggo tanggal tu marupokan hari ulang tahun untuak kasadonyo penggemar Indah. Video saat audisi Indonesian Idol alah ditonton labiah dari 3 juta kali.[7] Inyo juo sempat maikuti LA Meet Labels Kota Medan pado taun 2012 nan diselenggarakan dek L.A. Lights jo macuang lagu "Baguskah Bagi Saya"[8] nan marupokan singlenyo jo lagu "Something's Got A Hold on Me" dek Christina Aguilera. Salain itu, dalam acara Hitam putiah Trans7 nan di panduak dek Deddy Corbuzier pado tanggal 13 Januari 2015, Indah mangatokan baso inyo pernah bajalan di ajang pencarian bakat lain salain Rising Star Indonesia jo Indonesian Idol yaitu Indonesia Mancari bakat, Indonesia's Got Talent, dan X Factor Indonesia. Tapi pado wakatu itu inyo indak lolos. Di saat audisi X Factor di Medan, Indah mambantuak grup vokal jo tigo kawan-kawannyo nan banamo "Four Stars". Pado wakatu itu grupnyo lolos untuak mengikuti audisi di Jakarta jo juri utamo, Ahmad Dhani, Bebi Romeo, Rossa, jo Anggun. Tapi sabalun inyo payi untuak ma-audisi di Jakarta, Indah manunduah diri dari grup untuak suatu alasan. Jadi, grupnyo inyo baundi di Jakarta tanpa Indah, dan akhirnya inyo indak lolos. Sadangkan sabalun maikuti ajang pencarian bakat di televisi jo karier solo, Indah pernah basamo jo sabuah band indie dari Medan "Bionic Band" sabagai vokalis dan sempat mangaluarikan single nan banamo "Semua Ini Untukmu" jo band tu.[9]
Rising Star Indonesia 2014[suntiang | suntiang sumber]
Sasudah gagal Indah di Indonesian Idol musim ke-8, pado taun 2014 Indah maikuti kompetisi Rising Star Indonesia musim partamo nan juo ditayangkan di stasiun televisi RCTI. Pado babak audisi langsung episode kaampek, inyo mambaok lagu "Gangsta" dek panyanyi rap asal Amerika Serikat Kat Dahlia. Di babak itu, Indah mandapek suara 93%. Nan menarik, sasudah penampilan Indah itu Kat Dahlia langsung mambari apresiasi inyo malalui Twitter. Malalui acara Rising Star Indonesia juo, inyo mampunyoi kasampatan untuak mangecek langsung jo duet jo panyanyi rap tasabuik.[10] Jumaah, 19 Desember 2014 babak grand final juo dianakkan. Dek mananyanyi lagu "Animals" dari Maroon 5, "Man Down" dari Rihanna jo lagu kamenangannyo "Come N Love Me", Indah berhasil manjadi juara Rising Star Indonesia musim partamo.
Rujuakan[suntiang | suntiang sumber]
- ↑ Suherni, Nani (2023-12-02). "Profil dan Biodata Indah Nevertari, Penyanyi Berbakat dari Sumut Jebolan Rising Star Indonesia". iNews.ID (dalam bahasa Indonesia). Diakses tanggal 2024-01-03.
- ↑ Sudrajad, Penulis: Risang. "Unik, Nama Indah Nevertari Ternyata Terinspirasi Dari..." KapanLagi.com (dalam bahasa Indonesia). Diakses tanggal 2024-01-06.
- ↑ Sepaya, Penulis: Natanael. "Sempat Diganti, Inilah Nama Pertama Indah Nevertari". KapanLagi.com (dalam bahasa Indonesia). Diakses tanggal 2024-01-06.
- ↑ Delta138. "Delta138 - Sensasi Gacor yang Real". delta138.com (dalam bahasa Indonesia). Diakses tanggal 2024-01-06.
- ↑ "Kapanlagi.com: Musik - Bawakan Lagu Rihanna, Indah Nevertari Bikin Juri Takjub!". KapanLagi.com (dalam bahasa Indonesia). Diakses tanggal 2024-01-06.
- ↑ "Kapanlagi.com: Musik - Gagal Tembus Idol, Indah Nevertari Bersinar di Rising Star". KapanLagi.com (dalam bahasa Indonesia). Diakses tanggal 2024-01-06.
- ↑ "- YouTube". www.youtube.com. Diakses tanggal 2024-01-06.
- ↑ "- YouTube". www.youtube.com. Diakses tanggal 2024-01-06.
- ↑ "- YouTube". www.youtube.com. Diakses tanggal 2024-01-06.
- ↑ "Jukebox - Indah Nevertari | Wow, Kerennya Indah Nevertari Duet Bareng Penyanyi Internasional". KapanLagi.com (dalam bahasa Indonesia). Diakses tanggal 2024-01-06.