Cangkeh

Wikipedia Minangkabau - Lubuak aka tapian ilimu
Cangkeh
Syzygium aromaticum Edit nilai pada Wikidata

Edit nilai pada Wikidata
Data
Sumber dari clove (en) Terjemahkan, Minyak cengkeh (id) Terjemahkan jo Syzygium aromaticum fruit (en) Terjemahkan Edit nilai pada Wikidata
Taksonomi
DivisiTracheophyta
SubdivisiSpermatophytes
KladAngiospermae
Kladmesangiosperms
Kladeudicots
Kladcore eudicots
KladSuperrosidae
Kladrosids
Kladmalvids
OrdoMyrtales
FamiliMyrtaceae
GenusSyzygium
SpesiesSyzygium aromaticum Edit nilai pada Wikidata
Merr. jo L.M.Perry, 1929
Tata namo
Basionim Caryophyllus aromaticus (en) Terjemahkan Edit nilai pada Wikidata
Ubah di Wikidata

Cangkeh (Syzygium aromaticum), adolah tanaman asali Indonesia, nan bungonyo banyak digunoan untuak rampah masakan padeh di babagai nagara. Tumbuahan ko marupoan salah satu bahan pado rokok karetek nan khas Indonesia. Di Indonesia cangkeh ditanam tarutamo di Kapulauan Banda, sadangkan di lua nagari banyak dibudidayoan di Madagaskar, Zanzibar, India, jo Sarilangka.

Batang cangkeh marupoan tanaman taunan nan dapek tumbuah satinggi 10–20 m, mampunyoi daun babantuak lonjong, sarato babungo pado pucuak-pucuaknyo. Tangkai buahnyo mulonyo bawarno ijau, kudian ka bawarno sirah kok bungonyo lah bakambang. Cangkeh ka dipanen bilo lah mancapai panjang 1,5–2 cm.

Cangkeh ko adolah flora identitas Provinsi Maluku Utara.[1]

Sijarah[suntiang | suntiang sumber]

Mulonyo, cangkeh anyo tumbuah di limo pulau ketek di Kapulauan Maluku, yaitu Bacan, Makian, Moti, Ternate, jo Tidore. Kudian tanaman iko manyeba ka wilayah lain di Indonesia. Pohon cangkeh iduik nan tasabuik paliang tuo di Indonesia ado di Kelurahan Tongole, Ternate Tengah, Kota Ternate. Pohon iko dinamokan Cengkih Afo nan barumua 416 taun (pado 2009). Tinggi pohon iko mancapai 36,60 m, diameter 1,98 m, kaliliang batang 4,26 m. Satiok taun, inyo dapek maasiakan 400 kg bungo cangkeh.[2]

Cangkeh alah samanjak lamo tanamo sabagai tumbuhan yang banyak gunonyo. Pado abaik ka-4, Dinasti Han di Cino mamarintahkan rakyaiknyo untuak musti mangunyah cangkeh sabalun manamui rajo supayo arun angoknyo. Kudian pado abaik patangahan, urang Arab manjadikan cangke sabagai bahan tuka manuka. Pado akia abaik ka-15, banso Portugih maambiak aliah padagangan lauik India sampai ka Ternate dek Pajanjian Tordesilas jo Spanyol. Portugih dapek maambiak aliah monopoli dagang cangkeh sainggo aragonyo manjadi maha. Pado maso itu, sakilo cangkeh saroman jo 7 gram ameh.[2]

Salapeh Ulando masuak ka Nusantara, padagangan cangkeh dimonopoli dek Ulando sampai abaik ka-17. Pado abaik ka-17, Parancih barupayo juo mambudidayokan cangkeh di Mauritius, Guyana, Brazil, jo Zanzibar. Manjalang abaik ka-18, Inggirih turuik sato dalam padagangan cangkeh. Arago cangkeh pado maso itu dapek mancapai saarago sabatang ameh.[2]

Rujuakan[suntiang | suntiang sumber]

  1. Siregar 2021, hlm. 8.
  2. a b c Siregar 2021, hlm. 8--9.

Daftar pustaka[suntiang | suntiang sumber]

  • Siregar, Ameilia Zuliyanti (2021). Rempah, Bumbu, dan Sayuran Kering Indonesia. Malang: Intimedia. pp. 77. ISBN 9786236813041. 

Pautan lua[suntiang | suntiang sumber]