Aishah Ghani

Wikipedia Minangkabau - Lubuak aka tapian ilimu
Tan Sri Datin Paduka Seri Dr.

Aishah Ghani
Lahia15 Desember 1923
Bendera Baritania Rayo Hulu Langat, Selangor, Malaya Britania
Maningga19 April 2013 (umua 89)
Bendera Malaysia Kuala Lumpur, Malaysia
KabangsaanBendera Malaysia Malaysia
Alma mater- Diniyah Putri, Padang Panjang, Indonesia
- Perguruan Tinggi Islam, Padang, Indonesia
- Politeknik Regent Street, London, Inggris
KarojoMenteri jo Ketua Pergerakan Wanita UMNO
PasanganAbdul Aziz Abu Hassan
AnakShairudin, Mariati, Datuk Astaman, dan Zarim

Tan Sri Datin Paduka Seri Dr. Aishah Ghani (lahia di Hulu Langat, Selangor, Malaysia, 15 Desember 1923 – maningga di Kuala Lumpur, Malaysia, 19 April 2013 pado umua 89 taun) adolah saurang pajuang kamardekaan jo hak-hak padusi,[1] pangusaho, wartawan, jo politisi padusi asa Malaysia.[2] Ia pernah menjabat sebagai Menteri Kebajikan Masyarakat Malaysia (1973-1984),[3] Inyo pernah manjabat sabagai Menteri Kebajikan Masyarakat Malaysia (1973-1984), sarato Ketua Pergerakan Wanita UMNO (1972-1984).[4]

Lata balakang[suntiang | suntiang sumber]

Aishah Ghani adolah padusi Minangkabau nan barasa dari Muaro Bodi, Sijunjuang, Sumatera Barat. Inyo mandapek pandidikan dasar di Sekolah Melayu Bukit Raya, Cheras, Selangor, kamudian malanjuikan sakolah manangahnyo di Diniyah Putri, Padang Panjang, Sumatera Barat. Pado taun 1940, inyo malanjuikan kuliah ka Universitas Islam di Padang, Sumatera Barat, dan mandapek ijazah kewartawanan dari Politeknik Regent Street, London, pado bulan Desember 1958.[4]

Kahidupan[suntiang | suntiang sumber]

Kariernyo dalam bidang politik bamulo pado wakatu inyo ikuik mandirian Parti Kebangsaan Melayu Malaya (PKMM) pado taun 1945.[2] Di partai tu, Aishah ditunjuak manjadi anggota komite sakaligus mangapaloi sayok padusi nan banamo Angkatan Wanita Sedar (AWAS). Pado wakatu itu, inyo juo manjabat sabagai wartawan Pelita Malaya, koran rasmi PKMM.[4]

Aishah kalua dari AWAS pado taun 1946, kamudian mambaok PKMM untuak bagabuang jo pahimpunan nan mampajuangkan kamardekaan Malaysia di Klub Sultan Sulaiman, Kuala Lumpur, pado bulan Maret taun nan samo. Inyo bagabuang jo UMNO Kampung Baru pado taun 1949, nan dilantiak sabagai sekretaris.[4]

Sakambalinyo Aishah dari London pado taun 1959, inyo baliak bakarajo sabagai wartawan. Kali ko untuak Berita Harian, sarato sabagai editor di New Straits Times.[2] Inyo maninggakan kaduo jabatannyo pado taun 1963, kamudian manjadi Anggota Dewan Tertinggi UMNO sarato Wakil Ketua Wanita UMNO. Pado tanggal 13 September 1962, inyo dilantiak sabagai senator. Aishah adolah padusi partamo di Malaysia nan manjadi senator sarato padusi partamo nan mawakili Malaysia ka Perserikatan Bangsa-Bangsa.[3] Dari taun 1967 sampai 1972, Aishah marupokan wakil Malaysia di Persidangan Komisi Perempuan PBB. Inyo juo manyandang jabatan sekretaris Pergerakan Wanita UMNO negeri Selangor antaro taun 1960 sampai 1972.[4]

Pado taun 1972, Aishah dipiliah manjadi Ketua Gerakan Wanita UMNO Malaysia. Pado tanggal 1 Maret 1973, inyo dilantiak sabagai Menteri Kebajikan Masyarakat, nan manjabek salamo 11 taun. Katiko manduduaki jabatan iko, inyo mandirian Yayasan Kebajikan Nagara, sabuah organisasi nan masih aktif sampai kini.[4]

Salain aktif dalam politik, inyo juo terlibat dalam kagiatan sosial. Aishah pernah manjadi Katua Himpunan Kemajuan Kerajinan Tangan Malaysia (1985-1997). Inyo juo mampunyoi tujuah perusahaan nan didiriannyo surang.[4]

Aishah Ghani maningga pado umua 90 tahun dek sakik lamo di Rumah Sakit Gleneagles, Kuala Lumpur, pado hari Jumat, 19 April 2013. Janazahnyo dikubuan di pakubuan muslim Bukit Kiara, Damansara, Kuala Lumpur.[5][6][7][8]

Pangharagoan[suntiang | suntiang sumber]

  • 1971: Johan Mangku Negara (J.M.N.) oleh Seri Paduka Baginda Yang di-Pertuan Agong
  • 1978: Darjah Dato' Paduka Mahkota Selangor Kelas Kedua (D.P.M.S.) yang memberikan gelar "Datin Paduka" oleh Kerajaan Selangor
  • 1985: Panglima Mangku Negara (P.M.N.) yang memberikan gelar "Tan Sri" oleh Sri Paduka Baginda Yang di-Pertuan Agong
  • 1986: Ijazah Kehormat Kedoktoran Undang-undang oleh Universiti Sains Malaysia (USM)
  • 1999: Darjah Seri Paduka Mahkota Selangor Kelas Pertama (S.P.M.S.) yang memberikan gelar "Datin Paduka Seri" oleh DYMM Sultan Selangor
  • 2002: Ijazah Kehormat Doktor Falsafah Sains Politik oleh Universiti Kebangsaan Malaysia (UKM).

Rujuakan[suntiang | suntiang sumber]

  1. ↑ "Pejuang Kemerdekaan Wanita: Wajarkah Aishah Ghani & Shamsiah Fakeh Diangkat Sebagai Srikandi Negara?" Archived 2015-11-21 di Wayback Machine. Malaysian Digest, 13 Februari 2015. Diakses 20 Januari 2024.
  2. ↑ a b c "Tan Sri Aishah Ghani" Archived 2015-01-03 di Wayback Machine. Laman Rasmi Pergerakan Wanita UMNO Malaysia, 10-05-2012. Diakses 20 Januari 2024.
  3. ↑ a b "Umno veteran Tan Sri Aishah Ghani dies, age 90" Thestar.com, 26 April 2013. Diakses 20 Januari 2024.
  4. ↑ a b c d e f g "Tan Sri Datin Paduka Seri Hajah Aishah Ghani" Archived 2015-01-03 di Wayback Machine. Arkib Negara Malaysia. Diakses 20 Januari 2024.
  5. ↑ "Najib ucap takziah keluarga Tan Sri Aishah Ghani" Archived 2015-01-03 di Wayback Machine. Sinar Harian, 19-04-2013. Diakses 20 Januari 2024.
  6. ↑ "Politik itu candu mak," kata Aishah Ghani" Archived 2015-01-03 di Wayback Machine. Berita Harian, 19-04-2013. Diakses 20 Januari 2024.
  7. ↑ "Aishah Ghani meninggal dunia" Archived 2015-01-03 di Wayback Machine. Utusan Malaysia, 19-04-2013. Diakses 20 Januari 2024.
  8. ↑ "Tan Sri Aishah Ghani meninggal dunia" Archived 2015-01-03 di Wayback Machine. Kualalumpurpost.net, 19-04-2013. Diakses 20 Januari 2024.
Diambiak dari "https://min.wikipedia.org/w/index.php?title=Aishah_Ghani&oldid=3149069"