Zytglogge
| Zeitglockenturm | |
|---|---|
| Namo usali Zytglogge | |
 Tampak muko sisi timur Zytglogge | |
| Letak | Kota Tuo Bern |
| Koordinat | 46°56′53″N 7°26′52″E / 46.94806°N 7.44778°EKoordinat: 46°56′53″N 7°26′52″E / 46.94806°N 7.44778°E |
| Ditagakkan | sakitar 1218–20 |
| Arsitektur | Paninggalan Abaik Patangahan. Tampak lua: Arsitektur Baroque dipaduan jo elemen arsitektur Gothic |
| Badan pangelola | Pamarintah Kota Bern |
| Bagian dari | Situs Kota Tuo Bern |
Zytglogge (bahaso Jerman dialek Bernese: [ˈtsiˌkːlɔkːə]) adolah manaro jam paninggalan Abaik Patangahan nan talatak di Bern, Switzerland. Bangunan iko marupoan tampek urang banyak lalu-lalang jo objek tanamo di Bern. Dek pamarintah Swiss, Zytglogge dimasuakan dalam daptar banda cagar budayo pantiang nasional.[1]
Zytglogge dibangun pado awal abaik ka-13. Dalam sijarahnyo, bangunan iko sempat dialiahfungsian untuak babagai kaparaluan. Samulo, Zytglogge hanyo manaro panjago, kudian sempat jadi kandang situmbin, sabulun akhianyo manjadi manaro jam. Zytglogge baumua paliang tuo di antaro sadoalah monumen di Bern, daerah nan kini tanamo sabagai Kota Tuo Bern dan dimasuakan dalam situs Warisan Budaya Dunia UNESCO.[2]
Sijarah
[suntiang | suntiang sumber]
Bangunan awal
[suntiang | suntiang sumber]Zytglogge ditagakan sakitar tahun 1218–2020.[3] Bangunan iko awalnyo marupoan salah satu manaro panjago sakaligus gerbang dari struktur benteng Bern. Tinggi Zytglogge samulo hanyo 16 meters (52 ft). Sairiang jo parluasan benteng jo parkambangan kota, tinggi Zytglogge ditingkekan manjadi 23 meters (75 ft) untuak mambuek Zytglogge dapek tacaliak dan indak talampok dek bangunan di sakitar benteng.[3]
Salamo babarapo waktu dari tahun 1344 sampai 1346, bangunan iko sempat baraliah fungsi menjadi kandang situmbin untuak padusi.[4] Pado periode iko, Zytglogge diagiah atok limas.[5] Namun, pado 1405, tajadi kabakaran gadang di benteng. Dampak kabakaran mambuek struktur manaro rusak parah. Sasudah kabakaran, kandang situmbin dibongka,[6]
Pamasangan jam jo namo
[suntiang | suntiang sumber]Pado awal abaik ka-15, jam baukuran gadang dilakekan di puncak bangunan. Jamnyo dipakiroan alah barupo jam astronomi sadarhana jo punyo bunyi-bunyian takah bandua.[7] Adonyo jam sarato lonceng di manaro itulah nan manjadi asa namo Zytglogge, nan dalam bahaso Jerman dialek Bernese bararti "bandua wakatu".[6]
Panyabutan namo Zytglogge patamo bana tacatat pado 1413.[8] Sabalunnyo, manaro jam iko hanyo disabuik kebie (aratinyo "sangka" atau kandang situmbin). Salapeh dipelokan pasca-kabakaran pado 1405, sempat pulo dinamoan nüwer turm ("manaro baru").[9]
Interior
[suntiang | suntiang sumber]Zytglogge punyo tata letak nan barubah-rubah sasuai fungsinyo. Bangunan Zytglogge mulonyo hanyo bangunan nan dindiangnyo indak langkok, malainkan tabukak di sisi timur atau sisi nan maadok ka kota.[10]
Ruangan di puncak manaro paruntuakannyo digunoan dek pamarintah kota. Hinggo pangujuang abaik ke-20, ruangan nan tun sempat dijadian ruang arsip, gudang, sampai tampek parlindungan dari serangan udaro.[11] Samanjak 1979, interior ruangan puncak manaro dikosongan dan hanyo dapek dimasuaki untuak pamaliharoan sarato kunjuangan wisata.[12]
.png)
Rujuakan
[suntiang | suntiang sumber]- ↑ Swiss inventory of cultural property of national and regional significance (1995), p. 104.
- ↑ "Bern and Vicinity". Berlitz: Switzerland Pocket Guide. Princeton, NJ: Berlitz Publishing Company. 1 April 1999. p. 58. ISBN 2-8315-7159-6.
- ↑ a b Bellwald (1983), 2.
- ↑ Clare O'Dea (8 October 2005). "Time marches on at the Zytglogge". Swissinfo. Diarsipkan dari versi asli tanggal 7 October 2008. Diakses tanggal 11 December 2019.
- ↑ Bellwald (1983), 4.
- ↑ a b Hofer, 107.
- ↑ Bellwald (1983), 5.
- ↑ Messerli, 581.
- ↑ Messerli, 581; Marti (2005), 22.
- ↑ Bellwald (1979), 3.
- ↑ Bellwald (1979), 11.
- ↑ Bellwald (1979), 21.
- ↑ Bellwald (1979), 1–11.
Daptar pustaka
[suntiang | suntiang sumber]- Bellwald, Ueli (1983) (dalam bahaso German). Der Zytglogge in Bern. Gesellschaft für Schweizerische Kunstgeschichte. ISBN 978-3-85782-341-1.
- Hofer, Paul (1952) (dalam bahaso German). Die Kunstdenkmäler des Kantons Bern, Band 1: Die Stadt Bern. Gesellschaft für Schweizerische Kunstgeschichte. ISBN 978-3-906131-13-9. http://digibiblio.unibe.ch/digibern/Chopin/Engine/Systematik/viewer.asp?KatalogID=1&ImgNum=117&ImgCount=56&RecordNr=8. Diakses pado 12 Desember 2019.
- Marti, Markus (2005) (dalam bahaso German). 600 Jahre Zytglogge Bern. Eine kleine Chronik der Zeitmessung. Bern: Stämpfli. ISBN 978-3-7272-1180-5.
- Messerli, Jakob (1999). "Der Zytgloggenturm – öffentliche Räderuhren in Bern im 15. Jahrhundert". di dalam Beer, Ellen J.; Gramaccini, Norberto; Gutscher-Schmid, Charlotte et al.. Berns grosse Zeit. Berner Zeiten (edisi ke-2nd). Bern: Schulverlag bmv and Stämpfli Verlag. pp. 579–588. ISBN 978-3-906721-28-6