Zakiah Daradjat

Zakiah Daradjat

Biografi
Lahia	6 Nopember 1926 Ampek Angkek
Kamatian	15 Januari 2013 (86 tahun (id) ) Daerah Kusuih Ibukota Jakarta
Kalompok etnis	Urang Minangkabau
Agamo	Islam
Almamater	Universitas Ain Shams (id)
Kagiatan
Karajo	Psikolog (id) , dosen paguruan tinggi jo akademisi
Pagawai	Kementerian Agama Republik Indonesia Universitas Islam Negeri Sunan Kalijaga Yogyakarta (id) Universitas Islam Negeri Syarif Hidayatullah Jakarta (id)
Panghargaan (1995)  Bintang Jasa (id)

Prof. Dr. Hj. Zakiah Daradjat (lahia di Jorong Koto Marapak, Nagari Lambah, Ampek Angkek, Agam, Sumatra Barat, 6 November 1929 – maningga di Jakarta, 15 Januari 2013 pado umua 83 taun) adolah pakar psikologi Islam Indonesia. Inyo berkarier di Departeman Agama Indonesia salamo 30 tahun sajak 1964. Pado maso tuonyo, inyo mangabdi sabagai pandidik jo guru besar ilmu psikologi di Universitas Islam Negeri (UIN) Syarif Hidayatullah Jakarta.

Karier

Zakiah mulai merintis karier di Departemen Agama sabagai pagawai Biro Perguruan Tinggi pado tahun 1964. Sambia karajo di sinan, inyo juo maaja sabagai dosen kaliliang untuak perguruan tinggi agama Islam negeri Indonesia. Pado 1967, Zakiah diangkek dekMenteri Agama Saifuddin Zuhri sabagai Kapalo Dinas Penelitian dan Kurikulum Perguruan Tinggi di Biro Perguruan Tinggi, Kementerian Agama. Sajak 1972, inyo manjabaik sabagai Direktur Pendidikan Agama sampai tahun 1977.

Pado tahun 1977, inyo dipromosian untuak manjabaik sabagai Direktur Pembinaan Perguruan Tinggi Agama Islam sampai Maret 1984. Sajalan jo pambenahan internal Departemen Agama dek pamarentah Orde Baru, Zakiah mamimpin pangambangan jo pambaruan dalam bidang pandidikan Islam. Salah satu gagasannyo adolah kabijakan pambaruan madrasah dalam Surat Keputusan Bersama (SKB) Tiga Menteri (Menteri Agama, Mendikbud, dan Mendagri) pado tahun 1975. SKB iko muncua sabagai salah satu solusi tarhadap kemelut nan tajadi antaro Depdikbud jo Depag bakaikan jo panyalanggoraan pandidikan satu atok. Upayo lainnyo adolah paningkatan mutu pangelolaan jo akademik madrasah-madrasah malalui madrasah model.

Zakiah baupayo manyalasaian kasus Ujian Guru Agama. Program percepatan dalam rangka pangadaan guru agamo nan dibutuahan dek madrasah-madrasah nan paliang gadang di sadoalah Indonesia. Masalah kurangnyo tanago guru di tangah upayo parbaikan mutu madrasah sahinggo pamarentah baupayo maangkek guru-guru agamo dalam jumlah gadang. Namun, dalam prosesnyo tajadi panyimpangan barupo jua bali SK pangangkatan. Mereka nan indak mamiliki kompetensi sabagai guru alah diangkek manjadi guru dek pamainan nan berbagai KKN. Kaadaan iko manyebabkan negara dirugian dalam bantuak diangkeknyo urang-urang nan indak mamiliki kaahlian sabagai guru nan barakibaik pado tajadinyo kamunduran jo jatuahnyo mutu madrasah.

Sasudah itu, inyo sacaro resmi manjadi Dekan Fakultas Pascasarjana IAIN Sunan Kalijaga, Yogyakarta. Salamo bakarier di birokrasi pamarentahan, Zakiah babarapo kali diminta sabagai panarjemah bahaso Arab sawaktu Presiden Soeharto bakunjuang ka babarapo negara Timur Tengah. Kaahlian iko mambueknyo maraih tando kahormatan "Order of Kuwait Fourth Class" dari Kerajaan Kuwait pado 1977 jo panghargaan sarupo dari Mesir, yaitu "Fourth Class Of The Order Mesir" dari Presiden Anwar Sadat.

Katiko manempati posisi sabagai Direktur di Direktorat Perguruan Tinggi Agama, sabagaimano dituturkan cendikiawan Azyumardi Azra, Zakiah Daradjat banyak malakuan sentuhan bagi pangambangan paguruan tinggi agamo Islam. Salah ciek contoh, untuak mangatasi kakurangan guru bidang studi umum di madrasah-madrasah, Zakiah Daradjat mambukak jurusan tadris pado IAIN jo manyusun rencana pangambangan Perguruan Tinggi Agama Islam nan manjadi referensi bagi IAIN sadoalah Indonesia. Malalui rencana pangambangan iko, Kementerian Agama dapek mayakinan Badan Perencanaan Pembangunan Nasional (Bappenas) sahinggo IAIN mandapek "anggaran nan labiah masuak aka".

Di lua aktivitasnyo sabagai pagawai kementerian, Zakiah maabdian ilmunyo jo maaja sabagai dosen kaliliang pado IAIN Syarif Hidayatullah Jakarta (kini UIN) jo babarapo IAIN lainnyo. Mato kuliah nan diasuahnyo adolah ilimu jiwa agamo. Sasudah maninggaan jabatan sabagai direktur, inyo manduduki jabatan Dekan Fakultas Pascasarjana jo Pendidikan Doktoral IAIN Yogyakarta. Pado 1 Oktober 1982, Zakiah dikukuahan dek IAIN Jakarta sabagai guru besar di bidang ilimu jiwa agamo. Sabagai pandidiak jo guru besar, inyo setia di jalur profesinyo hinggo akhia hayatnyo. Hinggo usia sanjo, meski alah pensiun dari tugas kedinasan, Zakiah masih aktif maaja di UIN Syarif Hidayatullah jo perguruan tinggi lain nan mambutuahan ilimunyo. Salain itu, inyo acok mangisi ceramah agamo untuak stasiun pusek RRI sajak tahun 1965 sampai dekade 2000-an. Inyo karap pulo diminta maisi siaran Mimbar Agama Islam di stasiun pusek TVRI. Pado 19 Agustus 1999, Zakiah Daradjat mandapek Bintang Jasa Mahaputra Utama dari Pemerintah Rapublik Indonesia, sasudah sabalunnyo mandapek Bintang Jasa Utama pado 1995.

Sabagai realisasi ide-idenya dalam bidang pandidikan jo nan bakaitan dengan kasehatan mental, Zakiah mandagakan Yayasan Pendidikan Islam Ruhama di Jakarta, sakaligus batindak sabagai pimpinannyo. Lembaga iko malingkupi taman kanak-kanak, sakolah dasar, sakolah menengah atas, dan sakolah menengah kejuruan.

Maningga

Zakiah Daradjat maningga di Jakarta dalam usia 83 tahun pado 15 Januari 2013 sakitar pukul 09.00 WIB. Sasudah disalatkan, janazahnyo dikubuan di Kompleks UIN Ciputat pado hari nan samo. Manjalang akhia hayaiknyo, inyo masiah aktif maaja, maagih caramah, jo mambuka konsultasi psikologi. Sabalun maningga, inyo sempat manjalani parawatan di Rumah Sakit Hermina, Jakarta Selatan pado partangahan Desember 2012.

Abuddin Nata manyabuik Zakiah sabagai saurang pambaru pandidikan Islam pado zamannyo. Inyo bajaso dalam malahiaan SKB Tiga Menteri nan maningkekan mutu pendidikan Islam sarato manjadi panaruko jalan intergrasi pendidikan Islam ka dalam sistem pendidikan nasional; lahirnyo Madrasah Tsnawiyah Model nan punyo paran dalam maningkekan mutu madrasah; katarlibatannyo dalam manyelesaian kasus Ujian Guru Agama nan mangarah pado paningkekan kapasitas guru agamo; sarato panyusunan Rencana Induk Pengembangan IAIN untuak jangko wakatu 25 tahun.

Samaso hiduik, Zakiah Daradjat dikenal sabagai psikolog jo dosen, muballig, sarato tokoh masyarakat. Rektor UIN Syarif Hidayatullah Jakarta Komaruddin Hidayat manyabuik Zakiah sabagai pelopor psikologi Islam di Indonesia. Samantaro itu, Wakil Menteri Agama Nasaruddin Umar mancataik, Zakiah Daradjat adolah sosok nan dapek ditarimo dengan baik dek semua kalangan. Umar manambahan, sosok Zakiah Daradjat saroman jo Hamka dalam versi Muslimah.

Karya

• Ilmu Jiwa Agama
• Kesehatan Mental dalam Al-Qur'an
• Ketenangan dan Kebahagiaan dalam Keluarga
• Membina Nilai-nilai Moral di Indonesia
• Menghadapi Masa Menopause
• Pendidikan Agama dalam Pembinaan Mental
• Pendidikan Akhlak dalam Al-Qur'an
• Perawatan Jiwa untuk Anak-anak
• Problema Remaja di Indonesia

Rujuakan

Katerangan

Catatan kaki

Daftar pustaka

• Nata, Abuddin (2005). Tokoh-tokoh Pembaruan Pendidikan Islam di Indonesia. Raja Grafindo Persada. ISBN 979-3654-58-9. 
• Aljunied, Khairudin (2021). "Islam as therapy: Zakiah Daradjat and the uses of religious-oriented psychology". Indonesia and the Malay World. 49: 106 – 125. ISSN 1469-8382. 
• Jajat Burhanuddin, ed (2002). Ulama Perempuan Indonesia. Gramedia Pustaka Utama. ISBN 979-686-644-7. http://books.google.co.id/books/about/Ulama_Perempuan_Indonesia.html?id=KL8MEwzjSBoC&redir_esc=y. 
• Chaniago, Hasril (2010). 101 Orang Minang di Pentas Sejarah. Yayasan Citra Budaya Indonesia. ISBN 979-3478-19-5. 
• Badan Koordinasi Kemasyarakatan Kebudayaan Alam Minangkabau (1995). Siapa Mengapa Sejumlah Orang Minang. Jakarta. ISBN 979-8790-00-6. http://books.google.co.id/books/about/Siapa_mengapa_sejumlah_orang_Minang.html?id=-aRxAAAAMAAJ&redir_esc=y. 
• Ajisman (2011). Biografi Beberapa Tokoh Sumatra Barat. Padang: BPSNT Padang Press. ISBN 978-602-8742-27-6. 
• Iman Mahditama (17 Januari 2013). "In Memoriam: Zakiah Daradjat: A caring mother for all Indonesians". The Jakarta Post (dalam bahasa Inggris). Diakses tanggal 2 Februari 2013. 
• Fuad Nasar (28 Januari 2013). "Mengenang Prof. Dr. Zakiah Daradjat Tokoh Kementerian Agama dan Pelopor Psikologi Islam di Indonesia". Kementerian Agama. Diarsipkan dari versi asli tanggal 2013-02-07. Diakses tanggal 2 Februari 2013. 
• "Mengenang Zakiah Daradjat: Ulama Wanita Pertama yang Menjadi Ketua MUI". Republika. 15 Januari 2013. Diakses tanggal 23 Januari 2013. 
• "Innalillahi, Prof Zakiah Daradjat Wafat". Republika. 15 Januari 2013. Diakses tanggal 23 Januari 2013. 
• Alai Nadjib. "Zakiah Daradjat: Perempuan Suci Berilmu Tinggi" Archived 2014-07-14 di Wayback Machine.. Swara Rahima. 1 Agustus 2013.

Pautan lua

• Fuad Nasar (28 Januari 2013). "Mengenang Prof. Dr. Zakiah Daradjat Tokoh Kementerian Agama dan Pelopor Psikologi Islam di Indonesia". Kementerian Agama. Diarsipkan dari versi asli tanggal 2013-02-07.