Z. Mawardi Effendi

Wikipedia Minangkabau - Lubuak aka tapian ilimu
Infobox orangZ. Mawardi Effendi
Biografi
Lahia4 Nopember 1950 Edit nilai pada Wikidata (73 tahun (id) terjemahkan)
Sungai Tarab, Tanah Datar Edit nilai pada Wikidata
  Rektor Universitas Negeri Padang (id) Terjemahkan 

2003 – 2012
← Abdul Muri Yusuf – Yanuar Kiram (id) Terjemahkan → Edit nilai pada Wikidata
Data pribadi
Kalompok etnisUrang Minangkabau Edit nilai pada Wikidata
AlmamaterUniversitas Negeri Padang . ekonomi (id) Terjemahkan (–1973)
Universitas Negeri Jakarta . Teknologi pendidikan (id) Terjemahkan (–1982)
Universitas Negeri Padang . ekonomi (id) Terjemahkan (–1978)
Universitas Negeri Jakarta . Teknologi pendidikan (id) Terjemahkan (–1990) Edit nilai pada Wikidata
Kagiatan
KarajoAkademisi, pendidik (id) Terjemahkan jo dosen paguruan tinggi Edit nilai pada Wikidata

Prof. Dr. H. Z. Mawardi Effendi, M.Pd (lahia di Koto Panjang, Tanah Datar, Sumatera Barat, 4 November 1950; umua 73 taun) adolah saurang dosen jo akademisi Indonesia. Inyo manjabat Ketua Majelis Wali Amanat Universitas Negeri Padang pariode 2021-2025.[1] Inyo pearnah manjabat sabagai rektor Universitas Negeri Padang (UNP) duo pariode yaitu 2003-2007 jo 2008-2012. Inyo marupoan Rektor UNP ka-10 sasudah manggantian rektor sabalunnyo, Prof. A. Muri Yusuf. Pado maso sabalunnyo, inyo manjabat sabagai Pambantu Rektor I UNP.[2] Prof. Mawardi digantian dek Rektor Prof. Dr. Phil. Yanuar Kiram pado 14 Juli 2012.[3] Inyo pensiun dari jabatan guru besar pado 29 Desember 2020.[4]

Kehidupan awal jo pandidikan[suntiang | suntiang sumber]

Mawardi Effendi lahia di Koto Panjang, Sungai Tarab, Kabupaten Tanah Datar, Sumatera Barat pado November 1950. Inyo adolah anak suluang dari tujuah badunsanak anak pasangan Muchtar Isa, saurang guru agamo pegawai negeri dan Daslan Rasyid, saurang guru agama bukan pegawai negeri di madrasah tsanawiyah. Mawardi biaso dipanggia jo namo Didi. Salah saurang dunsanaknyo banamo Ismet Fanany.[5]

Mawardi luluih dari Sekolah Rakyat (SR) Tanjung Gadang pado taun 1963. Inyo luluih dari Sekolah Menengah Ekonomi Pertama (SMEP) Batusangkar pado taun 1966 jo Jurusan Tata Buku SMEA Batusangkar taun 1969.[6]

Mawardi marantau ka Padang jo mandapekan gela sarjana muda (D3) Ekonomi Institut Keguruan jo Ilmu Pendidikan (IKIP) Padang (kini Universitas Negeri Padang) pado taun 1973. Inyo manyalasaian pandidikanyo tu jo mandapekan gela sarjana (S1) Ekonomi IKIP Padang pado taun 1978. Satalah tu, Mawardi mandapekan gala Magister (taun 1982) jo Doktor (taun 1990) di Program Studi Teknologi Pendidikan dari IKIP Jakarta.[6]

Karir awal[suntiang | suntiang sumber]

Sasudah luluih sarjana muda, Mawardi ditawaran untuak mangaja sabagai asisten dosen mudo di kampuangnyo. Inyo diangkek sabagai dosen calon pegawai negeri sipil pado 1 Maret 1975.[7] Sipa dilantik inyo malanjuikan pandidikan sarjananyo sajak program studi tu dibuka di fakultasnyo. Katiko luluih dari Doktor IKIP Jakarta, inyo tacatat sabagai doktor kaampek di Jurusan Ekonomi IKIP Padang.[5]

Pado 1991, Mawardi ditunjuk sabagai Kapalo Pusat Sumber Studi IKIP Padang. Inyo adolah kapalo dalam mankoordinasi palaksanaan pambalajaran mikro. Duo taun lapeh, inyo dipiliah sabagai Asisten Dekan I Fakultas Pendidikan Ilmu Sosial (FPIPS) IKIP Padang. Pado Maret 1997, inyo manjabat sabagai Dekan FPIPS IKIP Padang manganti Prof. Imran Manan sampai 1999. Sataun kamudian, inyo dipiliah sabagai Rektor I Bantuak disampek Rektor Prof. A. Muri Yusuf.[5] Pado maso iko, IKIP Padang barubah manjadi UNP.

Karir rektor[suntiang | suntiang sumber]

Di pamilihan rektor UNP 2003, Prof. Mawardi tapiliah manjadi Rektor UNP malawan Prof. Mukhaiyar dari Fakultas Pendidikan Bahasa jo Seni. Dalam mangarajokan tugas sabagai rektor, Mawardi mampatahankan jo mampalueh parekrutan mahasiswa malalui jalur prestasi, tamasuak prestasi Al-Qur'an; manjalankan pambukaan program studi non-pedagogik untuak mambantuang satiok program studi pendidikannyo nan alah ado; mambuek sistem administrasi online untuak akademis jo finansial; manyalasaian Gaduang Fakultas Bahasa jo Seni; manyalasaian pamindahan kampus eks-Universitas Andalan; mambangun gaduang baru sacaro batahap; mampalueh kasampatan dosen untuak malanjuikan pandidikan, jo lain sabagainyo.[5]

Mawardi baliak maju untuak pemilihan rektor UNP periode kaduo pado 8 Oktober 2007. Inyo baliak bahadapan jo Mukhaiyar untuak kaduokalinyo sabagai lawan tandiang. Mawardi sukses mamanangkan pamilihan rektor jo manjabat sabagai rektor periode 2008-2011.[5]

Pado maso manjabat sabagai rektor, kapamimpinan Mawardi bafokus pado pembangunan fisik sarana jo prasarana UNP. Inyo baperan untuak manyalasaikan pambangunan kolam ranang UNP nan alah dibuwang salamo hampia 10 taun. Salain itu, ado juo pambangunan duo gaduang mato kuliah umum, pamindahan Masajik Al Azhar UNP ka tampek baru, jo pembebasan tanah jo rumah di sabalah Masjid Al azhar nan lamo. Sadonyo berjalan sacaro lancar, tamasuak rehabilitasi mess jo kampus di Belakang Balok, Bukittinggi.[5]

Gampo bumi di Sumatera Barat 2009 manyababkan sado gaduang UNP rusak barek. Rumah dinas Rektor UNP nan ditempati Mawardi dialihfungsian untuak samantaro manjadi Rektorat UNP. Pakuliahan dapek dimulai baliak duo minggu satalah gampo jo pabaikan ringan jo kelas-kelas darurat.[5] Wisuda partamo satalah gampo diadokan di lapangan Fakultas Ilmu Keolahragaan UNP pado 10 Oktober 2019 supayo mahasiswa nan lah luluih bisa mandaftar manjadi pegawai negeri sipil.[8]

Karir satalah rektor[suntiang | suntiang sumber]

Satalah maso jabatan sabagai rektor pado taun 2011, Prof. Mawardi baliak manjadi dosen biaso di Fakultas Ekonomi UNP. Namun, duo taun barikuiknyo inyo dimintak dek Rektor Prof. Yanuar Kiram untuak manjabat Ketua Program Doktor Ilmu Pendidikan UNP. Inyo baperan maningkekan produktivitas program doktoral UNP. Inyo manjabaik sabagai ketua program doktor ilmu pandidikan sampai 2016.[5]

Pado taun 2017, Prof. Mawardi dimintak dek Rektor Prof. Ganefri untuak manjadi Ketua Senat Universitas Negeri Padang untuak periode 2017-2021.[5]

Rujuakan[suntiang | suntiang sumber]

  1. ↑ "Prof. Dr. Z. Mawardi Effendi, M.Pd. Terpilih sebagai Ketua Majelis Wali Amanat UNP". Berita Minang (dalam bahasa Indonesia). 2018-02-20. Diakses tanggal 2024-01-04. 
  2. ↑ "Prof Mawardi Effendi Pimpin UNP" Archived 2014-03-08 di Wayback Machine. Harian PELITA. Diakses 9 Maret 2014.
  3. ↑ "Keputusan Menteri Pendidikan dan Kebudayaan Republik Indonesia" Kepegawaian.unp.ac.id. Diakses 9 Maret 2014.
  4. ↑ Agency, ANTARA News (2020-12-29). "UNP lepas 8 purnabakti guru besar". Antara News Sumbar. Diakses tanggal 2024-01-04. 
  5. ↑ a b c d e f g h i Yuliana, Vera; Hardi, Etmi (2021-08-26). "Z Mawardi Effendi: Perjalanan Karir Seorang Akademisi dan Mantan Rektor Universitas Negeri Padang Dua Periode (1975-2020)". Jurnal Kronologi (dalam bahasa Inggris). 3 (3): 272–285. doi:10.24036/jk.v3i3.195. ISSN 2722-3515. 
  6. ↑ a b "Data Pegawai Prof. Dr. Z. Mawardi Efendi, M.Pd: History Pendidikan". sipeg.unp.ac.id. Diakses tanggal 2024-01-04. 
  7. ↑ "Data Pegawai: Prof. Dr. Z. Mawardi Efendi, M.Pd: History Pangkat/Golongan". sipeg.unp.ac.id. Diakses tanggal 2024-01-04. 
  8. ↑ Ardi, Havid (2009-10-14). "Wisuda di Tengah Duka di Kampus Tercinta". UKKPK UNP (dalam bahasa Indonesia). Diakses tanggal 2024-01-04. 
Diambiak dari "https://min.wikipedia.org/w/index.php?title=Z._Mawardi_Effendi&oldid=3148184"