Sultan Arifin Muningsyah

Wikipedia Minangkabau - Lubuak aka tapian ilimu
Arifin Muningsyah
Rajo Alam Minangkabau
Bakuaso17801821
Panaruih-
Lahia1745
Bendera Karajaan Pagaruyuang Pagaruyuang
ManinggaAgustus 1825 (umua 80)
Bendera Balando Pagaruyuang
WangsaMauli
Namo langkok
Sultan Arifin Muningsyah

Yang Dipatuan Pagaruyuang Rajo Alam Muningsyah disabuk juo jo Sultan Arifin Muningsyah (lahiah di Pagaruyung pado 1745, maningga di Pagaruyung pado Agustus 1825) adolah Rajo Alam Pagaruyuang sabalun digantian dek Sultan Alam Bagagarsyah, Rajo Pagaruyuang nan paliang akia.[1]

Biografi[suntiang | suntiang sumber]

Sajak taun 1803 alah ado bagajolak sangketo antaro Kaum Pidari jo Kaum Adaik di sajumlah nagari nan dalam kawasan Karajaan Pagaruyuang.[2] Puncaknyo pado taun 1815, Kaum Pidari di bawah pimpinan Tuanku Pasaman manyarang ibu kota Karajaan Pagaruyung,[3] inggo mambuek Sultan Arifin Muningsyah tapaso mailak sarato malarian diri ka Lubuk Jambi.[4]

Sultan Arifin Muningsyah jo cucunyo salamaik dari sarangan Kaum Pidari, walaupun duo urang putranyo tabunuah.[1] Katiko Thomas Stamford Raffles sukses mancapai Pagaruyuang pado taun 1818, baliau anyo manyaksian puing-puing istano nan alah tabaka dek paparangan nan tajadi.[5]

Sasudah Balando maambiak aliah Pagaruyuang dari Kaum Pidari, pado taun 1824 Letnan Kolonel Raaff alah tau kabaradoan Sultan Arifin Muningsyah nan kudian mamintaknyo untuak pulang baliak ka Pagaruyuang. Sangkek Rajo Minangkabau tu tibo di Pagaruyuang, baliau manyaksian jo marestui salah surang kamanakannyo, Sultan Tangkal Alam Bagagar, alah diangkek Balando manjadi Regent Tanah Data.[4] Salain itu, kabijakan pamarintah Hindia Balando ateh daulaik Karajaan Pagaruyuang nan alah barubah samanjak taun 1821.[6] Yang Dipatuan Pagaruyuang Rajo Alam Muningsyah wafaik pado bulan Agustus 1825 di umua 80 taun sarato digantian jo kamanakannyo, Sultan Alam Bagagarsyah, bakubua di Pagaruyuang.[1]

Rujuakan[suntiang | suntiang sumber]

  1. a b c Dobbin, C.E. (1983). Islamic revivalism in a changing peasant economy: central Sumatra, 1784-1847. Curzon Press. ISBN 0-7007-0155-9. 
  2. Nain, Sjafnir Aboe, (2004), Memorie Tuanku Imam Bonjol (MTIB), transl., Padang: PPIM.
  3. Stuers, Hubert Joseph Jean Lambert; Veth, Pieter Johannes (1850). De vestiging en uitbreiding der Nederlanders ter westkust van Sumatra. 2. P.N. van Kampen. 
  4. a b Amran, Rusli (1981). Sumatra Barat hingga Plakat Panjang. Penerbit Sinar Harapan. 
  5. Raffles, Sophia (1835). "Chapter XII". Memoir of the life and public services of Sir Thomas Stamford Raffles. Volume I. J. Duncan. 
  6. Graves, E.E. (2007). Asal usul elite Minangkabau modern: respons terhadap kolonial Belanda abad XIX/XX. Yayasan Obor Indonesia. ISBN 979-461-661-3. 

Caliak pulo[suntiang | suntiang sumber]

  • Daftar rajo Pagaruyuang
Didaului jo:
alun dikataui
Yang Dipatuan Pagaruyuang
1780 - 1821
Digantian dek:
-