Wikipedia:Tanyo jawek
(Dialiahkan dari Wikipedia:FAQ)
Laman iko baisi dafta patanyoan tantang Wikipedia nan acok diajuan dek pangguno baru. Co pareso apo patanyoan nan ka Sanak tanyo lah bajawek di siko atau alun, jikok alun mangko dapek Sanak maajuannyo lai di salah satu laman di bawah ko. Jan manggunoan laman iko untuak mangajuan patanyoan.
Masaalah nan acok bana ditanyoan (FAQ)
[suntiang sumber]
Manga artikel "X" indak ado?
[suntiang sumber]- Kok artikel "X" indak ado di Wikipedia, iko artinyo alun ado nan mambueknyo. Pangguno-pangguno satiok Wikipedia bebas mamiliah mano-mano artikel nan ka ditulihnyo. Jikok Sanak amuah marintihnyo, Sanak dipasilakan untuak mambuek artikelnyo. Sanak mamaraluan akun untuak mambuek laman baru di Wikipedia.
- Jan tunggu urang lain mamulai artikel nan alun ado. Saketek apopun tulisan nan Sanak agiah ka sangaik baguno untuak pangambangan artikel iko di maso datang.
Manga artikel iko indak langkok?
[suntiang sumber]- "Manga artikel iko indak langkok?"
- "Manga artikel di Wikipedia bahaso Inggirih labiah langkok?"
- "Manga xyz indak ditulihan di artikel abc?"
- "Manga panguruih indak manulihan xyz di abc?"
- Untuak mamahami patanyoan-patanyoan tu, Sanak aruih mamahami caro karajo Wikipedia. Sarupo halnyo jawaban dari patanyoan "Manga artikel 'X' indak ado?" di ateh, Wikipedia ditulih jo pangguno-panggunonyo. Panulih-panulihnyo, tamasuak panguruih, bebas manulih artikel apo sajo di Wikipedia, tapi para panulihnyo indaklah bababan aruih manulih salangkok-langkoknyo.
- Jikok Sanak mandapek suatu artikel nan indak langkok dan Sanak mau manambahan katarangannyo, Sanak dipasilakan untuak lansuang manyuntiang artikel iko.
Sia nan manulih artikel di Wikipedia?
[suntiang sumber]- Sado artikel nan ado alah ditulih jo pangguno-pangguno Wikipedia sacaro suko jo rila. Mareka bebas mamiliah jo manulih topik nan disukoi. Indak ado nan mampakarajoan pangguno atau panulih di Wikipedia sainggo indak ado pangguno atau panulih di Wikipedia nan mandapek bayaran atau balasan tatantu.
Manga artikel tulisan denai alah batiadoan?
[suntiang sumber]- Indak sadonyo katarangan patuik untuak dimasuakan ka Wikipedia. Namun iko bukanlah alasan tungga untuak diapuihnyo suatu artikel. Bisa jadi artikel nan dibuek indak patuik dari sagi panulihan, manganduang katarangan sasek atau pitanah. Bacolah pitunjuak jo bantuan panulihan supayo tulisan Sanak dapek manjadi patuik.
- Sanak dapek pulo batanyo ka Kadai Kopi untuak mandapek katarangan tantang alah diapuihnyo suatu artikel.
Ambo alun tau caro manulih nan rancak, lai buliah ambo manyumbang?
[suntiang sumber]- Jan takuik, satiok tulisan di Wikipedia baawasi dek komunitas jo para pangguno nan lah ahli dalam maatua tampilan artikel atau mampaeloki tulisan Sanak. Asa sumbangan Sanak baarati, mareka ka sanang ati manolong Sanak.
- Bagian nan tapantiang adolah katarangan jo data nan Sanak sumbangkan iko, bukan sabara rancak rupo artikelnyo.
Ambo masih bingung, sia nan dapek bahubuangi?
[suntiang sumber]- Tantu sajo nan utamo adolah maubuangi para panguruih. Namun Sanak dapek juo maubuangi pangguno lain nan aktif. Panguruih jo pangguno aktif biasonyo dangan sanang ati ka manolong Sanak.