Wikipedia:Mamulai laman baru

Wikipedia Minangkabau - Lubuak aka tapian ilimu
WP:MLB

Laman iko manjalehan babarapo hal tantang baa mamulai laman baru, suatu hal nan sangaik diarokan dari sanak, panyumbang Wikipedia bahaso Minang!

Prinsip umum[suntiang sumber]

  • Disaranan untuak masuak log sabalum sanak mulai manyuntiang.
  • Sangaik disaranan untuak mamulai laman dari pautan (link) nan lah ado. Ado nan banamo "pautan sirah" (red links), iolah pautan nan lah dibuek teksnyo, tapi kok ditalusuri alun ado artikel nan manjalehannyo. Caliak katarangan labiah lanjuik di bawah.
  • Ingeklah di satiok awal artikel untuak manulihan konteks pambuko, iyolah pandauluan singkek di awa artikel. Jan manulih "Iko adolah novel katigo dari..." -- barangkali sanak lah tibo ka siko maikuik pautan tantang novelis X nan tanamo ko, tapi pambaco lain mungkin tibo di laman tu dari laman lain.
  • Palajari kaedah panamoan artikel Wikipedia sabalun manamoi suatu laman baru. Panamoan nan bana manjamin laman sanak ka bakaik jo laman nan bahubuangan, dan manolong maindari baubahnyo namo artikel di maso datang.
  • Mulailah jo kalimaik nan samparono (langkok), dan bukan bak definisi di kamus. Tulih taba kalimaik atau kato nan manjadi judua di awa artikel (umumnyo pado kalimaik patamo).

PARINGATAN: Jan mamasuakan artikel nan talampau singkek (anyo 1-2 barih sajo), atau isi nan indak ado kaitannyo jo judua, atau kato-kato mancaruik/cacian, atau katarangan nan indak cukuik baarati. Sia nan malangga ka diblokir aksesnyo.

Caro-caro untuak mamulai laman baru[suntiang sumber]

Mamulai laman baru dari pautan (link) nan lah ado[suntiang sumber]

Pautan (link) bawarno sirah manandoan artikel iko alun dibuek, sadang nan biru manunjuakan artikel ko lah ado.

Untuak mamulai laman baru, sanak dapek manggunoan pautan sirah (red link) nan alah ado di suatu laman. Pautan-pautan internal nan manuju ka laman-laman nan alun ado biasonyo dibuek dalam proses maadoan sabauh laman, dan/atau untuak mamanciang urang lain untuak mamulainyo. Pautan-pautan iko biasonyo bawarno sirah. Manuruiki (mang-klik) pautan sarupo ko ka mambao sanak kapado panyuntiangan laman baru. Sabalun mulai manyuntiang, putuihan daulu apokoh sanak nio maagiah laman baru iko jo judua sarupo ko. Jikok indak, dapek sanak suntiang daulu pautan nan ado di laman asanyo.

Sanak surang tantu sajo dapek juo mamabuek atau manambahan pautan sarupo iko, iyolah di laman nan bakaik atau di laman indeks. Sungguahpun baitu, sanak rancaknyo mambuek pautan sasudah salasai manulih laman baru, kusuihnyo jikok sanak ingin pautan iko manuju ka laman nan alah ado. Dalam situasi sarupo iko, sanak dapek mambuek pautan nangko tapi jan takan 'Simpan laman', malainkan takan 'Caliak pratonton' daulu (supayo dapek mamastian bahaso pautan ko tahubuang).

Paralu diparatian juo bahaso pautan-pautan pado laman nan kaik-bakaik iko sabananyo mambuek papindahan antaro laman jadi labiah mudah, jo mambuek urang mangataui adonyo laman baru iko.

Mamulai laman baru malalui URL[suntiang sumber]

Jikok sanak manulihan URL (alamaik internet) Wikipedia nan alun ado isi/katarangannyo, sanak ka manampak ciek laman nan manampilan pasan sarupo iko. Sanak dapek manyuntiang laman ko jo caro manakan tomboi 'Buek' di bagian ateh laman.

Caro lain nan mudah untuak mambuek URL baru iolah manyuntiang bagian taakia suatu URL sarato mubahnyo jadi judua nan sanak nak buek ko (tapi masiah dalam proyek nan samo). Misalnyo:

  1. Sanak caliak URL laman Rajo, nan tadapek di: http://min.wikipedia.org/wiki/Rajo
  2. Kudian, jikok sanak ingin mamulai laman baru nan bajudua 'Mangkuto', ganti bagian balakang URL ko manjadi: http://min.wikipedia.org/wiki/Mangkuto

Mambuek pautan ka laman lain[suntiang sumber]

Kutiko sanak manyuntiang suatu artikel, kok ado suatu kato atau frasa nan mambari ide bahaso paralu ado artikel tatantu untuak manjalehannyo labiah lanjuik, agiah sajo duo kuruang siku di sampiang-sampiangnyo, [[sarupo ko]]. Kito sabuik pabuatan ko sabagai pa-"wiki"-an teks. Sasudah sanak simpan artikel tadi to, mangko kato tadi sacaro otomatis ka bakaitan jo artikel lain nan lah ado, atau ka manjadi ciek pautan bawarno sirah (sarupo nan lah dijalehan di ateh) nan mambuliahan dibueknyo suatu artikel baru. Baitulah caro mamanciang untuak manulih artikel baru.

Mamulai laman nan sabana baru[suntiang sumber]

Kok sanak nak mambuek ciek laman nan sabana baru, ado baiaknyo malakuan pancarian (search) labiah daulu manggunoan kotak "Cari" (caliak bagian kiri ateh laman iko); sarato pareso apokoh alun ado samo sakali urang lain nan lah mambuek laman jo judua/topik ko, ataupun nan ampia sarupo jo iko.

Carilah laman nan sajinih, sainggo sanak indak paralu mambuek nan baru, atau dapek pulo sanak mambuek anyo pangaliahan (redirection) ka entri nan lah ado ko. Contohnyo kok sanak ingin manulih entri Sukarno, tanyato lah tasadio entri Soekarno nan ampia sarupo jo apo nan sanak mukasuik, mangko sanak indak paralu mambuek nan baru, cukuik mamasang laman pangaliah (redirection page).

Kironyo alun ado surang pun nan mambuek laman jo subyek tatantu nan sanak mukasuik, andaknyo cari topik-topik nan sasuai (acok bana pado kategori umum, samacam Pandidikan atau Ulahrago), suntiang laman umum tu, kudian (di tampek nan sasuai) agiahlah judua artikel nan sanak ka buek jo caro malatakan duo pasang kuruang siku, [[sarupo ko]]. Sudah tu takan tomboi "Simpan laman" di bagian bawah laman. Di laman nan baru sanak suntiang ko ka tampak pautan bawarno sirah nan dapek di-klik (atau dapek pulo kalua tando tanyo, tagantuang dari preferensi nan sanak pasang); klik di tampek tu dan mulailah mangarajoan laman ko! Kabiasoan nan elok iko ka manjago ensiklopedia tatap tastruktur rancak jo rapi.

Manggunoan bak kasiak[suntiang sumber]

Caro lain mamulai laman baru adolah jo manggunoan bak kasiak!

  • Suntiang bak kasiak (sandbox, tampek uji cubo/bamain), kudian buek ciek pautan.
  • Kudian mulai/suntiang laman baru jo caro mang-klik pautan, sarato tulih teksnyo.

Catatan 1: Isi bak kasiak (sandbox) sacaro taratua dihapuih, jadi jan lupo manandoi laman-laman nan lah sanak buek, untuak dapek manyuntiangnyo lai di lain kasampatan. Kok sanan surang pangguno tadafta, ka tampak juo di bawah "Jariah denai" pado Quickbar di sabalah suok ateh laman.

Ado baiaknyo juo laman nan baru batulisan diuji ijoannyo (spell checker) sabalun disimpan. Salain tu sanak dapek pulo mambuek salinan dari laman ko, manyuntiangnyo, kudian malatakannyo baliak (paste) di laman tu.

Mamulai topik nan sabana baru sangaiklah baguno untuak pangambangan Wikipedia sacaro labiah laweh (jo labih mandalam) lai.

Catatan 2: Ingek bahaso Wikipedia adolah ensiklopedia nan baisi tabukak. Sanak bakontribusi pado basis data informasi umum nan bebas. Tulisan sanak sacaro otomatis mandapek lisensi GFDL. Lisensi GFDL sanak tarimo anyo jikok sanak punyo hak cipta untuak suatu material tatantu (sanak karang surang material nan ditulih ko), atau jikok material tu miliak umum. Silakan baco salangkapnyo di Wikipedia:Hak Cipta. Jan mamuek bahan nan dilinduangi hak cipta kok indak saisin pamiliaknyo.

Mambuek laman baru[suntiang sumber]

Satiok pangguno nan lah tadafta dapek mamulai laman baru di Wikipedia! Tulihlah judua artikel nan ingin sanak buek di kotak di bawah iko, takan "Buek artikel", dan mulailah manulih.

Tomboi tu ka mambao sanak ka laman panyuntiangan untuak mamasukan tulisan. Jikok judua masuakan alun tasadio, mangko sanak ka manyuntiang suatu laman baru. Sabaliaknyo, kok lah tasadio artikel jo judua tu, isi artikel ka batampilan, dan sanak dapek maubah isi laman tu salanjuiknyo.

Ado baiaknyo untuak mambaco prinsip-prinsip umum nan balaku di Wikipedia sabalun sanak mulai manulih. Baco pulo pitunjuak manyuntiang suatu laman untuak mampalajari markah (markup) wiki nan dapek sanak pagunoan dalam kotak suntiangan.

Caliak pulo[suntiang sumber]