Wikipedia:Artikel nan Tapiliah/Nopember 2014
Kota Padang marupokan kota nan paliang gadang di pasisia barat pulau Sumatera, sakaligus ibukota provinsi Sumatera Barat, Indonesia.
Namo kota iko, kini dirujuak juo sabagai sabutan lain untuak etnis Minangkabau. Salain itu digunokan pulo untuak manyabuik namo masakan khas suku iko nan biasonyo dikenal jo namo Masakan Padang.
Kato Padang dalam baso Minang dapek bamukasuik samacam padang nan panjang atau pun dapek juo untuak manunjuakan samacam lapangan tampek kota iko barado.
Manuruik Tambo, saedaran kota iko dulunyo marupoan bagian dari wilayah rantau nan didirian dek para parantau suku Minangkabau dari dataran tinggi atau darek. Tampek bamukim patamonyo adolah di pakampuangan nan ado di tapi selatan Batang Arau (di tampek nan kiniko banamo Subarang Padang).
Padang mulai bakambang samanjak tibonyo Vereenigde Oost Indische Compagnie (VOC) pado taun 1663 nan diiriangi jo migrasi panduduak Minangkabau dari kawasan luhak.
Padang mandapek piala Adipura untuak partamo kalinyo pado taun 1986 dari Presiden Soeharto dek prestasinyo manjadi salah satu kota nan barasiah di Indonesia. Salanjuiknyo di taun 1991 koto iko juo nan mandapekan piala Adipura Kencana.