Ubi jala

Wikipedia Minangkabau - Lubuak aka tapian ilimu
Untuk tidak dipertukarkan dengan uwi (yam)
Ubi jala
Umbi nan siap diolah
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Solanales
Family: Convolvulaceae
Genus: Ipomoea
Species: I. batatas
Namo binomial
Ipomoea batatas
L.

Ubi jala (Ipomoea batatas L.) atau dalam bahaso Inggrih sweet potato adaloh sajinih tanaman budidaya. Bagian nan dimanfaatan adolah ureknyo nan mambantuak umbi nan kadar gizinyo (karbohidrat) tinggi. Di Afrika, umbi ubi jala manjadi salah satu sumber makanan pokok nan pantiang. Di Asia, salain dimanfaatan umbinyo, daun mudo ubi jala dapek pulo dibuek manjadi sayua. Ado pulo ubi jala nan dijadian tanaman hias karano kaindahan daunnyo.

Bunga ubi jalar.

Ubi jala barasa dari Amerika Selatan tropis, jo nan masih dipadebatan dari Papua. Kalangan nan indak manyatujui asa mulo ubi jala dari Papua bapandapek baso urang Indian alah balayia ka barat liwaik Samudra Pasifik jo manolong manyebaran ubi jala ka Asia. Teori ko banyak ditantang karano batantangan jo fakta-fakta klimatologi jo antropologi.

Deskripsi[suntiang | suntiang sumber]

Disabuik pulo jo namo ketela rambat, huwi boled (Sunda), tela rambat (Jawa), sweetpotato (Inggris), jo shoyo (Japang) marupoan sumber karbohidrat nan cukuik pantiang dalam sistem katahanan pangan wak. Salain karbohidrat sabagai kandungan utamonyo, ubi jala manganduang vitamin, mineral, fitokimia (antioksidan) jo serat (pektin, selulosa, hemiselulosa).

Ado sajumlah varietas ubi jala nan ado di Indonesia yaitu Daya, Borobudur, Prambanan, Mendut, Kalasan, Muara Takus, Cangkuang, Sewu. Sadangkan varietas-varietas nan baru dilapeh tahun 2001 antaro lain: Cilembu nan barasa dari Sumedang. Tiok-tiok varietas punyo raso khas nan babeda-beda.

Ubi Cilembu marupoan salah satu produk patanian unggulan dek Pamarintah Kabupaten Sumedang. Daerah panghasil ubi cilembu adolah Cilembu, Cadas, Pangeran, Sumedang. Ubi cilembu bakulik gadiang, baurek, sarato panjang, sadangkan gatahnyo maleleh sarupo madu katiko dipanggang. Ubi ko manih bana sarato pulen, babeda jo ubi kabanyakan. Raso manih dari ubi Cilembu akan labiah taraso kok ubi dibaka dalam open, tarutamo kok ubi mantah alah disimpan labiah dari saminggu.

Budidaya[suntiang | suntiang sumber]

Ubi jala dapek dibudidayoan malalui stolon/batang rambatnyo. Cara mananamnyo cukuik mudah, yaitu mancangkua lahan nan ka ditanami sahinggo stolon/batang rambat ubi jala mudah dimasuakan ka dalam tanah. Pamaliharoannyo cukuik mudah. Ubi jala akan tumbuh elok kok lahan kanai matohari langsuang, pamaliharoan dari gulma untuak manghindari pasaingan unsua haro disakitar tanaman, panggunoan pupuak UREA atau Organik akan manambah hasil panen nan labiah rancak. Panen ubi jala dilakuan jo mancangkua sakitar tanaman, hal itu dilakuan untuak mampamudah ubi rusak karanao kanai cangkua atau alat patanian.

Sijarah[suntiang | suntiang sumber]

Ubi jala atau ketela rambat atau “sweet potato” diduga barasa dari Benua Amerika. Para ahli botani jo patanian mampakiroan daerah asa tanaman ubi jala adolah Selandia Baru, Polinesia, jo Amerika bagian tangah. Nikolai Ivanovich Vavilov, saurang ahli botani Soviet, mamastian daerah sentrum primer asa tanaman ubi jala adolah Amerika Tengah. Ubi jala mulai manyebar ka saluruah dunia, tarutamo negara-negara baiklim tropika pado abaik ka-16. Urang-urang Spanyol manyebaran ubi jala ka kawasan Asia, tarutamo Filipina, Jepang, jo Indonesia.

Ubi jala sirah[suntiang | suntiang sumber]

Manuruik riset nan dilakuan Institut Pertanian Bogor, ubi jala sirah nan berasa dari Papua manganduang senyawa beta karotena nan mampu menurunkan infeksi HIV/AIDS. Sahinggo diusulan manjadi diet utamo panderita HIV/AIDS basamo bahan lain.[1] Dibandingan jo bahan makanan pokok lain, ubi jala biaso punyo kandungan senyawa pambantuak vitamin A paliang tinggi, yaitu mancapai 14187 IU per 100 gram porsi, atau mancapai 89% kabutuhan harian.[2] Beta karotena tamasuak salah satu senyawa pambantuak vitamin A.

Bahan Bacaan[suntiang | suntiang sumber]

  • (Indonesia) Genom Ubi Jalar Hipotesis Eksplorasi Tripartit Archived 2013-01-26 di Wayback Machine. Jurnal KeSimpulan Archived 2011-09-01 di Wayback Machine.
  • Abidin, P.E. 2004. Sweetpotato breeding for northeastern Uganda: Farmer varieties, farmer-participatory selection, and stability of performance. PhD Thesis, Wageningen University, The Netherlands, 152 pp. ISBN 90-8504-033-7.
  • Ahn, P.M., 1993, "Tropical soils and fertilizer use", Intermediate Trop. Agric. Series. Longman Sci. and Tech. Ltd. UK.
  • Austin, D.F. 1988. The taxonomy, evolution and genetic diversity of sweetpotatoes and related wild species. In: P. Gregory (ed.). Exploration, maintenance, and utilization of sweetpotato genetic resources, pp. 27–60. CIP, Lima, Peru.
  • Edmond, J. B., Ammerman, G. R. 1971. Sweet Potatoes: Production, Processing, Marketing. [Major Feed and Food Crops in Agriculture and Food Series.] Westport, Connecticut: The Avi Publishing Company.
  • Hartemink, A.E., S. Poloma, M. Maino, K.S. Powell, J. Egenae & J. N. Sullivan, (2000). Yield decline of sweet potato in the humid lowlands of Papua New Guinea. Agriculture, Ecosystems and Environment 79 (2-3), 259-269.
  • Purseglove, J.W. 1991. Tropical crops. Dicotyledons. Longman Scientific and Technical. John Wiley and Sons, Inc. NY. USA.
  • Verrill, A.H., Foods America Gave the World, 1937, Boston: L.C. Page & Co.
  • Woolfe, J.A., 1992, "Sweetpotato: an untapped food resource", Cambridge Univ. Press and the International Potato Center (CIP). Cambridge, UK.
  • Zhang, D.P., M. Ghislain, Z. Huamán, J.C. Cervantes and E.E. Carey 1998. AFLP assessment of sweetpotato genetic diversity in four tropical American regions. CIP Program Report 1997-1998, pp. 303–310.
  • Edmond, Joseph Bailey; Ammerman, Gale Richard (1 November 1971). Sweet potatoes: production, processing, marketing. Major Feed and Food Crops in Agriculture and Food Series. Westport, Connecticut: The Avi Publishing Company. 
  • Hartemink, Alfred E; Poloma, S; Maino, M; Powell, K.S; Egenae, J; O'Sullivan, J.N (2000). "Yield decline of sweet potato in the humid lowlands of Papua New Guinea". Agriculture, Ecosystems & Environment. 79 (2–3): 259. doi:10.1016/S0167-8809(00)00139-0. 
  • FAO Leaflet No. 13 - 1990 - Sweet Potato Archived 2014-12-17 di Wayback Machine.

Rujuakan[suntiang | suntiang sumber]

  1. Ubi Jalar Merah Bisa Turunkan Infeksi HIV/AIDS. KOMPAS. Rabu, 24 Juli 2013. Hal 13.
  2. Nutrient Data Laboratory Archived 2013-03-02 di Wayback Machine.. United States Department of Agriculture.