Tarsius bangka
| Tarsius bancanus | |
|---|---|
| |
| Seekor Tarsius bancanus | |
| Conservation status | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Mammalia |
| Order: | Primata |
| Suborder: | Haplorrhini |
| Infraorder: | Tarsiiformes Gregory, 1915 |
| Family: | Tarsiidae Gray, 1825 |
| Genus: | Tarsius Storr, 1780 |
| Tipe spesies | |
| Tarsius bancanus Horsfield, 1821 | |
| |
| Sinonim | |
|
T. b. boreanus:
| |
Tarsius bangka (Cephalopachuss bancanus) dalam bahaso Inggirih dikenal sabagai Horsfield’s Tarsier atau Western Tarsier marupoan hewan endemik nan ado di Sulawesi, Kalimantan, Bangka, sarato Belitung. Satwa primata ko alah disahkan sabagai fauna identitas provinsi Bangka Belitung badasakan kaputusan Menteri Dalam Negeri Nomor: 522.53-958/2010.[1]
Badasakan filogenetiknyo, Tarsius diklasifikasikan sabagai satwa primata nan masuak ka dalam genus Tarsius, yaitu suatu genus monotipe dari famili Tarsidae, yaitu satu-satunya famili nan batahan dari infraordo Tarsiiformes. Dahulu, ordo ko mamiliki panyebaran nan laweh. Tapi, saluruah spesies nan batahan hiduik kini banyak disobok an di Asia Tenggara se nyo tarutamo di Indonesia.
Tadapek ampek subspesies Tarsius bangka, yaitu Tarsius bancanus bancanus, Tarsius bancanus borneanus, Tarsius bancanus natunensis, sarato Tarsius bancanus saltator.[1]
Dari ampek subspesies tu, hanyo duo nan hiduik di Bangka yaitu Tarsius bancanus bancanus jo Tarsius bancanus saltatore. Di Pulau Bangka, panduduak satampek manyabuik Tarsius jo namo Mentilin (Tarsius bancanus bancanus). Samantaro, di Pulau Belitung, Tarsius disabuik jo namo Pelile'an (Tarsius bancanus saltatore) dek masyarakaik di situ.[2]
Tarsius bangka mamiliki tubuah nan indak jauah babeda jo jinih tarsius lainnyo. Panjang tubuahnyo kiro-kiro 12-15 sentimeter, dengan barek jantan sakita 128 gram. Saamantaro batinonyo sakita 117 gram.[3]
Hewan ko mamiliki ikua nan panjangnyo dapek malebihi panjang tubuahnyo, yaitu sakita 18-22 sentimeter. Baitu pulo jo kaki balakangnyo nan hampia duo kali panjang dari tubuahnyo. Di banyak ujuang jarinyo ado kuku. Tapi, pado jari kaduo jo katigo kaki balakang marupoan caka nan biaso dipakai untuak marawat tubuah. Bulunyo lembut bawarna coklat kamerahan, kadang abu-abu kacoklatan sampai hijau taruang kakuningan.[3]
Satwa ko marupoan hewan nan aktif pado malam hari atau nokturnal, tapi takadang mulai baaktivitas pado sore hari. Biasanyo, satwa ko barado pado dahan sarato rantiang-rantiang pohon dengan katinggian 5 meter. Uniknyo, inyo indak ado manggariak an matonyo untuak maliriak, tapi hanyo manggariak an kapalonyo untuak mancaliak. Kaahlian tu inyo dapek karano kapalonyo dapek baputar sampai 180 darajaik.[3]
Tarsius bangka marupoan primata karnivora, mamangso saranggo [kumbang, samuik, bilalang, jangkrik, kacoak, ngangek, jo kupu-kupu] sarato vertebrata ketek. Primata ketek ko manganduang salamo anam bulan, untuak salanjuiknyo malahia an saikua anak.[3]
Tarsius mudo lahia babulu dengan mato tabukak, sarato mampu mamanjek dalam waktu sahari satalah lahia. Hewan ko mancapai maso dewasa satalah baumua ciek tahun sarato hiduik bapasangan.[3]
Tapi, hewan ko tarancam punah. Di Provinsi Bangka Belitung, jumlahnyo mulai mangkhawatiran yaitu kurang dari 1.000 ikua.[2]
Panyebab apo lai kalau indak dek ulah tangan manusia. Hutan tampek tingga hewan ko banyak nan alah baubah manjadi tambang timah ilegal, pakabunan sawit, jo pamukiman. Salain tu, aktivitas jua bali satwa mampangaruhi pulo terhadap berkurangnyo jumlah satwa nan ado.[4]
Padohal, bagi lingkungan jo manusia, hadirnyo tarsius bangka jo satwa lainnyo saperti kukang atau binturong mamiliki peranan nan sangat pantiang sabagai indikator kasehatan ekosistem lingkungan. Tanpo hewan-hewan tu, ekosistem lingkungan di Bangka Belitung akan taganggu.[4]
Sacaro umum, Tarsius bangka dikategorian dalam status konservasi vulnerable oleh IUCN Redlist. Tapi, jiko didasakan masiang-masiang subspesies,Tarsius bancanus natunensis dikategorian Critically Endangered, Tarsius bancanus bancanus joTarsius bancanus saltator dikategorian sabagai Endangered. Sadangkan Tarsius bancanus borneanus dikategorian Vulnerable. Dek CITES, tarsius ko dimasuakkan ka dalam daftar Apendiks II. Samantaro, dek pamerintah Indonesia, Tarsius bangka jo saluruah jinih tarsius dilindungi badasakan Paraturan Pamerintah Nomor 7 Tahun 1999.[1]
Dek karano tu, paralu karajo sama sadolah pihak agar hewan ko ndak punah.
Sabagai infomasi, hewan ko parnah pulo tapiliah sabagai maskot Pemilihan Kepala Daerah Gubernur Bangka Belitung. Tujuannyo untuak malestarian sarato mampromosian satwa ko sabagai identitas fauna daerah tu.[5]
Rujuakan
[suntiang | suntiang sumber]- ↑ a b c "Tarsius bancanus". Pusat Studi Satwa Primata (dalam bahasa Inggris). Diakses tanggal 2022-05-25.
- ↑ a b Bona. "Monyet Terkecil di Dunia dari Bangka, Apakah Itu?". detikTravel (dalam bahasa Indonesia). Diakses tanggal 2022-05-26.
- ↑ a b c d e "Namanya Mentilin, Matanya Bulat dan Suka Keluar Malam Hari". Mongabay.co.id (dalam bahasa Inggris). 2021-01-28. Diakses tanggal 2022-05-25.
- ↑ a b "Mentilin, Fauna Identitas Bangka Belitung yang Terancam Punah". Mongabay.co.id (dalam bahasa Inggris). 2020-02-13. Diakses tanggal 2022-05-26.
- ↑ Triyanto, Triyanto (2018-04-02). "MENJADI ISLAM SAMA DENGAN MENJADI MISKIN (Studi Adaptasi Muallaf Tionghoa Terhadap Masyarakat Aceh)". Jurnal Community. 2 (2). doi:10.35308/jcpds.v2i2.140. ISSN 2502-0544.