Tari bujang sambilan

Penari tarian bujang sambilan

Tari Bujang Sambilan adolah tari tradisional Minangkabau nan barasal dari Tanjuang Raya, Kabupaten Agam. Tari bujang sambilan marupokan pangambangan dari tari mancak nan dikenal masyarakat Minangkabau, nan dikambangkan dari garakan silek gunuang atau silek tuo. Panari tarian bujang sambilan salalu ganok sarato dalam pangambangannyo panari tarian bujang sambilan bisa bajumlah ampek jo anam urang. Tarian bujang sambilan ko baguno untuak hiburan dek masyarakaik sarato acok ditampilkan dalam festival di Minangkabau.

Garakan Tari

Tari ko mamiliki lapan garak, yaitu :

• Garak sambah, marupokan garak nan mangarah pado hubungan silahturahmi antar manusia. Artinyo manusia harus manjago keseimbangan dalam alam semesta ko. Bahwa manusia ko diciptakan untuak bisa menghargai alam karano manusia butuah tampek untuak hiduik.
• Garak padah, marupokan garakan kaki nan direnggangkan jo kaduo tangan mambantuak garakan silek nan batahan, sahinggo musuah sulik untuak manyarang. Di ambiak dari penari bapasangan agar bisa malakuan garak jo garik.
• Garak Koyah, marupokan garakan katiko tangan suwok diateh jo tangan kida dibawah sarato posisi tu dilakuan sambia bagarak takuta ditampek surang-surang. Estetika garak mangarah pado estetika pado lingkaran dalam tradisi Minangkabau.
• Garak lapiah jarami, marupokan garakan katiko panari manhantak hantakan kaki barulang-rulang ka muko jo ka balakang sarato tangan digarakan mangikuik an garak kaki. Dalam posisi seperti kudo-kudo nan kuaik.
• Garak awak bentan ,marupokan katiko kaduo tangan barado diateh nan mangambarkan awan. makna nan disampaikan pado makno ko adolah balinduang nan dilindungi. Garakan ko bamakna baraja dari alam. Balajar malangkah bapasangan nan dimulai dari teknik garakan mambantuak lingkaran sarato gelek (marubah langkah), balabek (marubah garak tangan), jo tagak itiak.
• Garakan Adau-adau, marupokan katiko panari mamainkan tangan jo gamulai ka ateh jo ka bawah. Garakan ko pangambangan dari kaikuiksertaan padusi nan ado didunia tari. Gamulai tangan adolah gamulai padusi nan ado estetika padusi Minangkabau.
• Garakan alang tabang, marupokan garakan malangkah ka muko jo ka balakang seperti alang nan sadang tabang. Mamiliki garakan nan manggambarkan garak dari alang tabang di udaro. Sahinggo panari banyak nan marantangan tangan jo manukik maniru garakan sayap alang. Mulonyo tabang malayang tu mangaluaan garak labiah mirip jo alang.
• Garakan Langkah Tigo marupokan, dilakuan satiap garakan nan manggunoan kaki. Tarian ko acok mamakai langkah tigo satiok kali malakuan pagarakan silek. Komposisi langkah nan dibantuak dari tigo parubahan latak kakinyo. Dalam kajian Minang rahasio langkah tigo disimpan turun tamurun.

Musik Panggiriang

Musik panggiriang tarian bujang sambilan ko adolah :

• Saluang
• Rabano ketek
• Gandang nan dipakai kerincing
• Vokal nyanyian
• Lagu Singgalang dan lagu Sikambang