Tari Adok
Tari Adok marupakan tari dari daerah Saniang Baka, Sumatera Barat.[1][2] Urang Minang manyabuiknyo tari Cindua Mato, karano inti utamo dari tari adok iyolah carito Cindua Mato. Dek apo disabuik Tari Adok, iyolah karano alaik utamonyo adok. Adok marupokan gandang gadang nan babuek dari kulik harimau nan umuanyo alah 300 taun.[1]
Tari Adok masuak dalam golongan sendratari. Tokoh dalam carito Cindua mato di antaronyo, Dang Tuanku, Bundo Kanduang, Rajo Mudo, Puti Bungsu, Imbang Jaya, Tiang Bungkuak, Bini Rajo Mudo, dan ado tokoh lainnyo.
Babak
[suntiang | suntiang sumber]Carito Cindua Mato tabagi dalam babarapo babak, yaitu:
- babak partamo : Imbang Jaya manari basamo Cindua Mato.
- babak kaduo : Cindua Mato mamanciang berang Imbang jaya.
- babak ka tigo : Imbang Jaya barang gadang ka Cindua Mato dan Cindua mato baitu pulo,akhianyo inyo baduo bacakak dan nampak dek Putri Bungsu lalu inyo malarainyo.
- babak ka ampek : Patikaian antaro Cindua Mato dan Imbang jaya semakin maningkek,Putri Bungsu batindak saolah olah manjadi wasit tapi iyo bapihak ka Cindua Mato.
- babak ka limo : Dalam patikaian itu Imbang Jaya maraso binguang karano tibo - tibo ado aia bah. Dek karano itu Cindua Mato dapek mambaok Putri Bungsu ka Pagaruyuang.
Hiasan jo pakaian
[suntiang | suntiang sumber]Hiasan nan diparaluan dalam Tari Adok di antaronyo iyolah latar balakang alam Minangkabau jo rumah gadang. Pakaian panari panarinyo iyolah pakaian adaik Minangkabau nan banyak warnanyo ditambah jo karih dan pisau.
Rujuakan
[suntiang | suntiang sumber]- ↑ a b Bahar, Mahdi (2017). TARI ADOK MASYARAKAT PANINGGAHAN KABUPATEN SOLOK SEBAGAI SENI EKSPRESIF BUDAYA MINANGKABAU DALAM KONTEKS INDUSTRI KREATIF. Institut Seni Indonesia (ISI) Padangpanjang. https://journal.isi-padangpanjang.ac.id/index.php/Batoboh/article/view/271/244. Diakses pado 1 Desember 2018.
- ↑ Eby, Intanni (2016). Dendang Yang Digunakan Dalam Tari Adok: Kajian Bentuk, Makna, Fungsi, dan Nilai Budaya. Universitas Andalas.