Puti Bungsu

Puti Bungsu marupokan namo tokoh nan ditamui dalam carito rakyaik Minang Kabau Sumatra Barat. Puti bungsu manuruik carito rakyaik satampek iolah satu dari tujuah putri nan datang dari langik. Puti Bungsu marupokan tokoh wanita nan hiduik dalam carito rakyaik. Puti bungsu dalam carito rakyaik Sumatra Barat salain disabuik sabagai putri nan turun dari langik Juo disabuik sabagai salah saurang bini rajo Aniayo iyolah rajo nan zalim, licik, dan Mamarentah jo sasuko hati. Salah satu kabiasaan buruak rajo Aniayo adolah kabiasaannyo nan babini banyak dan barlaku kejam ka bininyo salah satunyo Puti Bungsu. Manuruik carito rakyaik Puti Bungsu mamiliki anam urang saudaro laki-laki. Satalah Puti Bungsu manikah, kaanam saudaro puti bungsu pai marantau untuak mancari panghidupan labiah baiak. Karano kajahatan rajo Aniayo mambuek suatu hari Puti Bungsu dibuang ka hutan padahal pado saat dibuang ka hutan puti bungsu sadang manganduang anak nan barumua anam bulan sahinggo dangan kaadaan tasabuik mambuek putri bungsu harus melaiekan anaknyo di tangah hutan. Jiko diliek dari carito rakyaik nan ado di Sumatra Barat tadapek duo presepsi carito rakyaik manganai putri bungsu iyolah partamo sabagai putri nan turun dari langik dan sabagai saurang bini rajo nan zalim.