Tarantulo

Wikipedia Minangkabau - Lubuak aka tapian ilimu
(Dialiahkan dari Tarantula)
Tarantulo
Tarantulo Meksiko
Klasifikasi ilmiah
Kingdom: Animalia
Phylum: Arthropoda
Class: Arachnida
Order: Araneae
Superfamily: Theraphosoidea
Family: Theraphosidae
Pasebaran tarantulo di berbagai nagara

Tarantulo adolah sajinih laba-laba nan tamasuak ka dalam kelas Arachnida. Laba-laba ko mamiliki badan nan bawarna itam jo warna kuniang, sarato ado rambuik rambuik aluih nan tadapek di kaki-kakinyo. Tarantula mamiliki 8 kaki. Tarantula ko biasonyo dijadian sabagai hewan paliharaan maskipun rambuik aluih pado ruas kakinyo bisa mambuek iritasi pado kulik sarato infeksi pado mato hinggo bisa mambuek mato manajdi buto. Tarantulo ko tasebar di babarapo nagara saparti, Sadoalah di nagara di Banua Amerika, Spanyol, Portugis, Italia bagian selatan, sarato di Cyprus, di Banua Afrika hewan ko ado di saluruah nagara, di Banua Asia tarantulo ko tadapek di Japang, Asia tenggara, sarato di Banua Australia.[1]

Karakteristik[suntiang | suntiang sumber]

Tarantulo ko tamasuak kalompok hewan invertebrata, laba-laba ko tamasuak hewan nan badannyo tadiri dari duo bagian (Arthopoda).[2] Hewan ko hanyo tadiri dari bagian kapalo jo bagian paruik. Tarantula mamiliki ukuran panjang rato-rato sakitar 5 sampai 110 mm jo panjang kaki nyo mancapai 8 sampai 30 cm. Tarantulo marupoan salah satu dari jinih laba-laba nan gadang jo barek rato rato 85 gram, samantaro itu laba laba nan paliang barek nan pernah disobokan adolah laba-laba Goliath birdiater nan barek nyo mancapai 170 gram jo panjang kaki mancapai 30 cm.[3][4]

Tarantulo ko mamiiki warna nan babeda beda, tagantuang dari dearah tampek tingga nyo. DI Amerika bagian utara taranntulo ko bawarna coklat. Pado daerah lain ado nan bawarna hitam jo rueh kaki bawarna putiah, Rueh kaki bawarna oranye hinggo pado bagian paruik ado nan bawarna oranye. Di alam lia tarantulo ko tingga di gunuang, hutan tropis, gurun, jo di hutan hujan.[5]

Anatomi[suntiang | suntiang sumber]

Tarantulo ko mamiliki 8 kaki, tadapek cakar ketek di satiko kaki nyo. Hewan ko juo mamiliki 4 mato sarato di dakek mato nyo tadapek pedipalpus saparti kaki ketek nan bafungsi sabagai alat bantu perkawinan. Pado bagian lakang tubuhnyo tadapek opisthosoma nan marupoan bagian paruik, di bagian paruik tadapek babarapo organ diantaronyo paru paru buku, jantuang, sarato pemintal eksternal. Bagian paruik ko bisa baubah gadang nyo untuak mananmpuang makanan atau talua. Di bagian muko tadapek prosoma, nan disinan tadapek babarapo organ lainnyo saparti Kaki, tariang, jo pedipalpus. Diantaro bagian paruik jo bagian muko tadapek organ nan disabuik pedicel. Organ ko bafungsi sabagai pamisah antaro bagian lakang jo bagian muko. Tarantula mamiliki muluik ketek, nan talatak di bawah tariang nyo, muluik ko masih masih manyatu jo bagian prosma. Muluik pado tarantula hanyo bisa maisok makanan nan bararati tarantula makan nutrisi nan alah barupo cairan.[6][7]

Sistem Saraf[suntiang | suntiang sumber]

Saraf pusek pado tarantulo ko talatak di bawah prosma. Tarantulo maandalan indra paraba nyo dalam malakukan aktifitas. Katiko baburu hewan ko maandalan indra paraba nyo sarato garakan dari mangsonyo.Saraf tarantulo ko juo bisa marasoan bahan kimia, vibrasi, arah angin, sarato suaro nan ka datang. Tarantulo mamiliki 4 mato nan talatak di prosoma, mato nyo ko indak bisa mancaliak cahayo nan tarang, mancaliak dalam galok, sarato indak bisa mancaliak pergerakan.[5]

Lingkuangan[suntiang | suntiang sumber]

Makanan[suntiang | suntiang sumber]

Tarantulo marupoan hewan karnivora, biasonyo hewan ko mamakan saranggo-saranggo ketek, maskipun tarantulo ko bisa mamakan buruang tapi makanan nan biaso nyo makan adolah saranggo-saranggo kete seperti kadal, kodok, tikus, hinggo ular.[7][8]

Pamangso[suntiang | suntiang sumber]

Tarantulo ko mamiliki musuah alami, biasoyo saranggo nan ukurannyo labiah gadang dari tarantulo itu surang. Salah satu nyo adolah sajinih tawon Hemipepsis ustulata. Caro tawon ko mamangso tarantulo adolah jo caro manyangek tarantulo di bagian bawah muko badannyo (prosma) satalah itu malumpuhkan nyo abis tu tawon ko mambaok ka sarangnyo. Tawon malatakaan talua talua nyo ko di paruik tarantulo, satalah itu tawon manutuik mangunci sarangny sarato tabang baliak untuak mancari mangso nan baru. Katiko talua tawon ko manateh jo manjadi larva, larva ko mamakan tarantulo sacaro parlahan.[9] Katiko tarantulo dalam kaadaan nio disarang jo pamangaso inyo malakukan pertahanan diri jo caro manutuikan rambuik pado kaki-kakinyo.[10][11]

Gigitan tarantulo[suntiang | suntiang sumber]

Tarantulo afrika Pelinobius muticus marupoan jinih tarantulo nan bisa manyababkan efek halusinaso jiko kanai gigitannyo. Maskipun baiitu rato-rato gigitan jinih tarantulo indak manyababkan panyakik nan serius, karano bulu rambuik pado kaki-kakinyo labiah babahayo dibandiangan gigitan tu surang. Sabalun manggigik, tarantulo ko mamasang kudo-kudo talabiah dahulu jo caro maangkek bagian muko badannyo, maangkek kakinyo ka ateh, sarato maleberan tariang nyo jo mangaluaan suaro saroman badesis. Kalau pamangso nyo tetap manggaduah barulah tarantulo ko manggigik nyo. Katiko tarantulo tadasak, inyo mampatahankan dirinyo jo caro marontokan rambuik aluih pado kaki-kaki nyo. Rambuik-rambuik aluih iko lah nan bisa mambuek iritasi kulik hinggo mambuek mato buto jiko takanai.[12]

Siklus iduik jo parilaku[suntiang | suntiang sumber]

Tarantulo marupoan saranggo nan mamiliki kabiasaan mangganti kulik lua nyo, nan istimewanyo katiko baganti kulik organ dalam nyo pun baganti pulo diantaro organ-organ dalam nan baganti adolah lapisan paruik jo organ kalamin pado batino. Tarantulo ko juo mamiliki kamampuan manumbuahkan kaki nan ilang, sarato organ pedipalpus nan tadapek di bagian muko badan nyo. Hewan ko marupoan hewan nan rapuah, karano jiko inyo tajatuah dari tampek nan tinggi paruik nyo pacah. Sabab itu, urang nan mamaliharo tarantulo musti hati hati katiko sadang mamacik nyo, jiko tajatuah tarantulo bisa mati. Tarantulo mamiiki maso iduik nan babeda antaro jantan jo batino, rato-rato maso iduik batino sakitar 30 tahun sarato paliang lamo 40 tahun, sadangkan nan jantan hanyo mamiliki maso iduik sakitar 7 tahun sajo. Tarantulo ko mambuek jariang di tanah sarato inyo mambuek lubang di tanah sabagai tampek manyuruak untuak manunggu mangsonyo tibo.[7][13]

Rujuakan[suntiang | suntiang sumber]

  1. "Eye disease associated with handling pet tarantulas : three case reports" (PDF). Diakses tanggal 26-12-2020. 
  2. "Spiders, and Their Amazing Hydraulic Legs and Genitalia | RealClearScience". www.realclearscience.com. Diakses tanggal 2020-12-26. 
  3. "Farewell to the World's Smallest Tarantula?". National Wildlife Federation (dalam bahasa Inggris). Diakses tanggal 2020-12-26. 
  4. "Theraphosa blondi". Theraphosidae (dalam bahasa Inggris). 2015-10-14. Diarsipkan dari versi asli tanggal 2021-05-18. Diakses tanggal 2020-12-26. 
  5. a b "Tarantulas | National Geographic". Animals (dalam bahasa Inggris). 2011-05-10. Diakses tanggal 2020-12-26. 
  6. "Diagram anatomi: Pelajari Bagian dari Tarantula sebuah · www.greelane.com - Sumber Daya Pendidikan Terbesar di Dunia". www.greelane.com - Sumber Daya Pendidikan Terbesar di Dunia (dalam bahasa Indonesia). 2018-10-29. Diakses tanggal 2020-12-26. 
  7. a b c Times, I. D. N.; Eduard, Peter. "7 Fakta Tarantula, Laba-Laba Terbesar yang Ternyata Rapuh". IDN Times (dalam bahasa Indonesia). Diakses tanggal 2020-12-26. 
  8. "Tarantula". Kids (dalam bahasa Inggris). 2014-03-01. Diakses tanggal 2020-12-26. 
  9. Piper, R (2007) Extraordinary Animals: An Encyclopedia of Curious and Unusual Animals, Greenwood Press, ISBN 0313339228.
  10. Cooke, J.A.L.; Roth, V.D.; Miller, F.H. (1972). "The urticating hairs of theraphosid spiders". American Museum Novitates: 2498. hdl:2246/2705. 
  11. "Wild or Giant Centipedes versus Other Predators". howtogetridofhousecentipedes. Diarsipkan dari versi asli tanggal 4 March 2016. Diakses tanggal 29 August 2015. 
  12. Klátil, Lubomír (1998). Sklípkani: krasavci s chlupatýma nohama. Nakl. Kabourek Zlín. p. 40. ISBN 978-80-901466-5-5. https://books.google.com/books?id=LJPIAAAACAAJ. 
  13. Animal-World. "Rose-haired Tarantula". Animal World (dalam bahasa Inggris). Diarsipkan dari versi asli tanggal 11 January 2017. Diakses tanggal 2020-12-26.