Arthropoda

Wikipedia Minangkabau - Lubuak aka tapian ilimu
Artropoda
Temporal range: 530–0 Ma
Cambrian – kini
Artropoda nan alah punah jo nan masih ado
Klasifikasi ilmiah
Domain: Eukaryota
Kingdom: Animalia
Subkingdom: Eumetazoa
Superphylum: Ecdysozoa
Phylum: Arthropoda
von Siebold, 1848[1]
Upafilum dan Kelas

Artropoda adolah filum nan paliang gadang dalam dunia binatang dan mencakup serangga, laba-laba, udang, lipan, jo binatang sajinih lainnyo. Artropoda biaso ditamui di lauik, aia tawa, darek, jo lingkuang udaro, tamasuak babagai bantuak simbiosis jo parasit. Kato artropoda barasa dari bahaso Yunani ἄρθρον árthron, "rueh, buku, atau segmen", jo πούς pous (podos), "kaki", nan kok disatuan baarati "kaki barueh-rueh"[2]. Artropoda dikana juo jo namo binatang barueh atau binatang babuku-buku.

Karakteristik nan khas sainggo artropoda babeda jo filum nan lain yaitu: tubuah basegmen, segmen biasonyo basatu manjadi duo atau tigo daerah nan jaleh, anggota tubuah basegmen bapasangan (asa panamoan Artropoda), simetribu bilateral, eksoskeleton (rangka lua) bakitin. Sacaro bakalo mangalia jo dipabaharui sabagai patumbuahan binatang, kanal alimentari sarupo pipa antaro muluik jo anus, sistem sirkulasi tabukak, hanyo pambuluah darah nan biasonyo babantuak sabuah struktur dorsal (balakang) co pipa manuju kanal alimentar jo bukaan lateral (sampiang) di daerah abdomen (paruik), rongga tubuh; sabuah rongga darah atau hemosol jo selom tareduksi.

Garih evolusi artropoda dapek ditalusuri dari periode Kambrium. Kalompok ko umumnyo dianggap sabagai monofiletik dan banyak analisis nan mandukung panampekan artropoda basamo jo cycloneuralia dalam superfilum Ecdysozoa. Tapi, hubuangan dasa Metazoa alun dikatahui sacaro pasti. Baitu pulo hubuangan di antaro sasamo kalompok artropoda masih acok dipadebatkan.

Artropoda mamiliki kontribusi pado suplai makanan manusia, baiak langsuang (sabagai makanan) maupun indak langsuang, sarupo mambantu panyerbukan. Sabagian spesies tatantu dikatahui marupokan vektor panyakik babahayo bagi manusia, binatang, jo tumbuahan.

Rujuakan[suntiang | suntiang sumber]

  1. Hegna, Thomas A.; Legg, David A.; Møller, Ole Sten; Van Roy, Peter & Lerosey-Aubril, Rudy (2013), "The correct authorship of the taxon name 'Arthropoda'" (PDF), Arthropod Systematics & Phylogeny, 71 (2): 71–74 
  2. "Arthropoda". Online Etymology Dictionary.