Tantara Rakyaik Baru

Dari Wikipedia baso Minang, ensiklopedia bebas
Loncat ke navigasi Loncat ke pencarian
Tentara Rakyat Baru
Tangga operasi 29 Maret 1969 (1969-03-29)
Pamimpin Jose Maria Manlapaz Sison
Motif Revolusi proletar, Revolusi Demokratis Baru
Wilayah Pilipina
Ideologi Marxisme–Leninisme–Maoisme
Sarangan tanamo Pambunuahan Kolonel Angkatan Darek AS James N. Rowe
Status Dimasuakan sabagai Organisasi Teroris Asiang dek Departemen Lua Nagari Amerika Sarikat[1]
Dimasuakan sabagai kalompok teroris dek Kabijakan Lua Nagari jo Kaamanan Basamo Uni Eropa[2]
Ukuaran 5.000 anggota[3]
Bendera lamo Tantara Rakyaik Baru

Tantara Rakyaik Baru (Filipino: Bagong Hukbong Bayan, bahaso Inggirih: New People's Army) adolah sayok basinjato Partai Kuminih Pilipina (Communist Party of the Philippines). Organisasi ko dibantuak jo didirian dek Bernabe Buscayno, nan bajulukan "Komandan Dante"; basamo jo Lucio Manlapaz pado tangga 29 Maret 1969. Organisasi baaliaran Maois iko malakuan palawanan garilia basinjato badasa garih strategi "parang rakyaik nan balaruik-laruik". Angkatan Darek Pilipina mampakiroan kakuatan Tantara Rakyaik Baru mancapai 3.200 milisi pado akia taun 2015.[4]

Tantara Rakyaik Baru mangumpuaan "pajak revolusioner", tarutamo dari parusaoan-parusaoan, di wilayah di ma mareka baoperasi.[5] Partai Kumunih Pilipina manyabuik organisasi ko sabagai "agen panagakan pajak dari pamarentahan revolusioner rakyaik".[6] Pado taun 2014, Letnan Kolonel Ramon Zagala, nan babicaro ateh namo Angkatan Basinjato Pilipina mangato baso "[pambarontak kumunih] alah kailangan landasan ideologis mareka jo kini ko talibaik dalam [kagiatan] mamakuak."

Organisasi ko lah dimasuakan dalam daftar Organisasi Teroris Asiang dek Departemen Lua Nagari Amerika Sarikat sarato sabagai kalompok teroris dek lembaga Kabijakan Lua Nageri jo Kaamanan Basamo Uni Eropa.[2] Meskipun baitu, Pamarentah Pilipina alah mancabuik status teroris organisasi ko pado taun 2011[7] jo alah malanjuikan pambicaroan awa parundiangan padamaian sambia manunggu parundiangan formal jo organisasi politik induaknyo, yaitu Partai Kuminih Pilipina.[8] Tadapek laporan manganai pangiriman sinjato dari Partai Kuminih Cino kapado organisasi ko.[9] Dek karanonyo, Tantara Rakyaik Baru dikataui punyo senapang serbu Tipe 56, tapi dalam jumalah nan indak dikataui. Salain tu, mareka mandapek dukuangan juo dari Korea Utara sarato dari mantan anggota Partai Kuminih Malaya nan lah bubar.[10]

Parundiangan damai samintaro ko lah manamui jalan buntu. Pamarentah Pilipina sacaro kusuih mambuek draf "karangko karajo baru" nan bausao maakiari kabuntuan parundiangan nan salamo 27 taun, baarok mambangun kasamoan pandapek jo kalompok kiri tu nan labiah komprehensif daripado hak asasi manusia, satu-satunyo isu di ma kadua pihak nan barundiang samo-samo satuju.[11]

Pakiroan Mantari Patahanan Pilipina pado awa 2017, Tantara Rakyaik Baru punyo labiah-kurang 5.000 anggota. Namun manuruik Angkatan Darek Pilipina, pakiroan jumalah anggota Tantara Rakyaik Baru anyo tingga 3.700 anggota.[3]

Caliak pulo[suntiang | suntiang sumber]

Rujuakan[suntiang | suntiang sumber]

  1. "Foreign Terrorist Organizations". www.state.gov. https://www.state.gov/j/ct/rls/other/des/123085.htm#. Diakses pado 19 September 2012. 
  2. a b "Council Implementing Regulation (EU) No 1285/2009". EUR-Lex. 22 Desember 2009. http://eur-lex.europa.eu/LexUriServ/LexUriServ.do?uri=CELEX:32009R1285:EN:NOT. Diakses pado 18 Maret 2010. 
  3. a b Romero, Alexis. "DND admits recent surge in NPA numbers". PhilStar.com. http://www.philstar.com/headlines/2017/02/07/1670024/dnd-admits-recent-surge-npa-numbers. Diakses pado 29 Maret 2017. 
  4. Romero, Alexi, "AFP to NPA: No choice but to talk peace ", 30 Maret 2015. Diakses pado 30 Maret 2015.
  5. FERNANDEZ, AMANDA, "NPA guerrillas mainly concentrated in north-eastern, southern Mindanao — AFP ", 29 Maret 2014. Diakses pado 30 Maret 2014.
  6. "About the New People's Army and THPAL-Sumitomo ", (JoseMariasison.org), 23 Desember 2011.
  7. "NDFP opening statement on resumption of formal peace talks Archived December 29, 2011, di Wayback Machine.", www.ndfp.net, retrieved 19 September 2012
  8. "GPH and NDFP agree to continue meaningful discussions prior to formal talks Archived August 31, 2012, di Wayback Machine.", www.ndfp.net, retrieved 19 September 2012
  9. SIPRI Yearbook 2002–2005, World Military Expenditures and Arms Transfers, 1999–2002, The Military Balance 2000–2001 to 2004–2005
  10. Ciment, James. World Terrorism: An Encyclopedia of Political Violence from Ancient Times to the Post-9/11 Era. Routledge. p. 720. https://books.google.com/books?id=dv8TBwAAQBAJ&pg=PA720&lpg=. 
  11. "Gov't drafts new framework to guide peace talks with leftist rebels". PhilStar.com. http://www.philstar.com/headlines/2013/05/06/939112/govt-drafts-new-framework-guide-peace-talks-leftist-rebels. Diakses pado 29 Maret 2017.