Front Pambebasan Nasional Moro

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Front Pambebasan Nasional Moro (bahaso Inggirih: Moro National Liberation Front (MNLF); Arab: الجبهة الوطنية لتحرير مورو‎) adolah ciek organisasi politik di Filipina nan didirian pado taun 1972.[1][2] Organisasi iko awanyo marupoan pacahan dari kalompok Garakan Kamardekaan Muslim.[1] MNLF dianggap sabagai organisasi nan paliang tapandang di antaro garakan-garakan separatis Moro salamo labiah kurang duo dekade, sajak taun 1970-an.[1]

Pado taun 1996, MNLF manandotangani pajanjian padamaian pantiang jo pamarentah Filipina nan manyabaukan tabantuaknyo Daerah Otonomi Muslim Mindanao (ARMM), sabuah wilayah nan tadiri dari duo provinsi daratan jo tigo provinsi pulau di mano panduduaknyo nan mayoritas Muslim manikmaiki otonomi tatantu.[3] Nur Misuari ditunjuak sabagai gubernur wilayah itu, tatapi pamarentahannyo baakia dalam kakarehan kutiko inyo mamimpin pambarontakan nan gaga taradok pamarentah Filipina pado November 2001;[3] inyo talakik malarian diri ka Sabah sabalun kudian dideportasi baliak ka Filipina dek pamarentah Malaysia.[1][4][5]

MNLF sacaro internasional diakui dek Organisasi Karajosamo Islam (OKI) jo Parlemen-parlemen Nagara-nagara Anggota OKI (PUIC).[6] Sajak 1977, MNLF alah manjadi anggota pangamaik OKI.[7] Pado 30 Januari 2012, MNLF manjadi anggota pangamaik PUIC, sabagaimano nan disatujui dalam sesi rapek umum PUIC ka-7 nan diadoan di Palembang, Indonesia.[8]

Situasi takini[suntiang | suntiang sumber]

Presiden Rodrigo Duterte jo Nur Misuari dalam patamuan di Davao City

Kini ko, Front Pambebasan Nasional Moro faksi Nur Misuari masih malakuan pambicaroan jo Presiden Rodrigo Duterte. Misuari alah batamu jo Duterte sajak ditandotanganinyo Undang-Undang Organik Bangsamoro (BOL) di Kota Davao. Duterte mampatimbangan pulo untuak maagiah otonomi kapado Misuari.[9] Misuari disabuik juo alah mambahas tantang federalisme jo Duterte;[10] manuruik katarangan juru bicaro Presiden, Harry Roque.[11]

Di bawah faksi Yusoph Jikiri jo Kalompok Muslimin Sema, MNLF adolah bagian dari Komisi Transisi Bangsamoro, basamo-samo jo Front Pambebasan Islam Moro (MILF). Jikiri jo Sema, basarato bininyo Anggota Kongres Bai Sandra Sema, mandukuang UU Organik Bangsamoro.[12][13]

Bandera[suntiang | suntiang sumber]

Bandera MNLF nan indak pakai tulisan

Front Pambebasan Nasional Moro manggunoan bandera balambang bintang kuniang ameh jo bulan sabik sarato karih di ateh bidang sirah. Bintang malambangan Kabanaran, Kaadialan, Pasamoan, jo Toleransi, samintaro bulan sabik malambangan Kabijaksanoan. Karih malambangan Kakuatan. Bidang sirah malambangan Aktivisme, Kaputuihan, Katakunan, Kasadaranoan, jo Pangorbanan Bangsamoro dalam mandorong maju pajuangan revolusioner untuak batahan iduik, manantuan nasik surang, sarato kabarasilan. Desain bandera dapek dianggap sekuler walaupun mamakai bintang jo bulan sabik, simbol nan acok bakaik jo Islam. Bandera iko alun ado standarnyo, jo ado banyak variasi ukuaran (skala) lambang-lambang dalam bandera. Lai ado juo varasi nan batulih sahadaik pado bintang jo bulan sabiknyo. Bandera iko dipakai juo dek Republik Bangsamoro, nagara nan diproklamasian dek kalompok itu tapi indak diakui sacaro laweh di dunia internasional.[14]

Rujuakan[suntiang | suntiang sumber]

  1. a b c d Daniel Cassman (August 14, 2015). "Moro National Liberation Front". Mapping Militant Organizations - Stanford university. 
  2. "Focus on the Philippines". Diakses tanggal January 26, 2015. 
  3. a b "The Philippines and Terrorism". Anti-Defamation League. April 2004. Diarsipkan dari versi asli tanggal May 5, 2015. Diakses tanggal May 5, 2015. 
  4. Barbara Mae Dacanay (December 20, 2001). "Nur Misuari seeks asylum in Malaysia". Gulf News. Diarsipkan dari versi asli tanggal July 5, 2014. Diakses tanggal July 5, 2014. 
  5. "Nur Misuari to be repatriated to stand trial". Australian Broadcasting Corporation. December 20, 2001. Diarsipkan dari versi asli tanggal July 5, 2014. Diakses tanggal July 5, 2014. 
  6. "PUIC". Diakses tanggal January 26, 2015. 
  7. List of Observer Members of Organization of Islamic Conference{{Fix | subst = {{subst:substcheck}} | special = [pranala mati]
  8. "PUIC Approved MNLF as Observer in Palembang Meet". 
  9. News, Dharel Placido, ABS-CBN. "Duterte, Misuari in first meeting since Bangsamoro Law signing". ABS-CBN News (dalam bahasa Inggris). Diakses tanggal 2018-10-06. 
  10. "Duterte, Misuari hold talks on federalism". Manila Bulletin News (dalam bahasa Inggris). Diakses tanggal 2018-10-07. 
  11. "Duterte meets with MNLF leader Misuari in Davao City". GMA News Online (dalam bahasa Inggris). Diakses tanggal 2018-10-06. 
  12. Arguillas, Carolyn O. "New Bangsamoro political entity: from ARMM to BARMM; from BBL to OLBARMM". MindaNews (dalam bahasa Inggris). Diakses tanggal 2018-10-07. 
  13. Viña, Antonio G. M. La. "RIVERMAN'S VISTA: Hopes raised with the Bangsamoro Organic Law". MindaNews (dalam bahasa Inggris). Diakses tanggal 2018-10-07. 
  14. Petalcorin, John Remollo. "FAQ About MNLF". Voice from the Resistance. Diakses tanggal 26 December 2013.  Templat:Unreliable source?

Bacoan lanjutan[suntiang | suntiang sumber]

Pautan lua[suntiang | suntiang sumber]