Taman Nasional Zion

Wikipedia Minangkabau - Lubuak aka tapian ilimu
Taman Nasional Zion
Taman Nasional Zion di poto dari ateh tabiang
Dakek dariSpringdale (south), Orderville (east) dan Cedar City dakek pintu masuak kaKolob Canyons
Wilayah146,597 ekars (229.058 sq mi; 59,326 ha; 593.26 km2)[1]
Ditetapkan padoNovember 19, 1919[2]
Pangunjuang4,320,033 (in 2018)
Pangalola kawasanNational Park Service

Taman Nasional Zion adolah salah ciek taman nasional nan barado di negara Amerika Serikat. Taman nasional ko tapeknyo talatak di subalah baraik daya dari negara Amerka Serikat.[3] Taman Nasional Zion marupoan bagian dari dataran tinggi Colorado nan barado di antaro barisan pagunuangan Pine Valley di subalah baraik jo pagunuangan Kolob di subalah timua lauik sarato jo barisan pagunuangan Terrace nan talatak di bagian salatan. Taman nasional zion iko kiro-kiro lataknyo mamanjang dari subalah utara ka subalah salatan nan panjangnyo kiro-kiro sakitar 25 mil mulai dan juo mampunyoi leba kiro-kiro sakitar 25 mil dari timua ka baraik.[3][4] Taman Nasional Zion ko marupoan taman nasional nan tatuo di Utah.[5]

Sijarah[suntiang | suntiang sumber]

Manusia nan mandiami kawasan taman nasional ko alah ado samanjak delapan ribu taun nan lalu. Sakalompok urang tingga di sinan tu untuak baburu makanan. babarapo ribu taun sasudahnyo, kalompok tasabuik bakambang sahinggo dimulailah nyo budaya mananam atau bacocok tanam. kalompok-kalompok tasabuik alah bisa mambangun rumah jo mambangun sabuah kampuang disinan. Iko ditandoi dek panamuan barang-barang sarupo karanjang, jariang-jaraiang, pisau, jo anak panah nan ditamuan dek para ahli sijarah nan maniliti daerah tasabuik.[6] Pado maso-maso salanjuiknyo, tapeknyo pado abiak ka 11 jo abaik 12, kalompok-kalompok nan tingga disinan tadi manghilang dikaranoan adonyo musim kemarau nan panjang jo banjir nan mangakibaikan indak ado lai makanan sarato jo tanaman nan ditanam tadi mati. Kamudian datanglah kalompok nan baru nan mandiami kawasan tasabuik. Kalompok ko bakagiatan samo jo kalompok nan sabalumnyo yaitunyo baburu jo bacocok tanam.[7]

Pado abaik ka 18 ado panjalajah nagari nan banamo Padres Silvestre Velez de Escalante jo Francisco Atanasio Dominguez nan mamulai manjalajah dari salatan utah manuju ka arah baraik.[6] Padres katiko itu bajalan malewati sabuah tampek nan kiniko manjadi salah satu tampek tujuan pangunjuang yaitunyo ngarai kolob tapek nyo pado tanggal 13 Oktober 1776. Inyo pun manjadi urang partamo atau urang Eropa partamo nan dikatahui sampai di daerah tasabuik. Pada tahun 1825, panjua dan padagang nan banamo Jedediah Smith manjalajahi babarapo daerah bagian hilia, pajalanan iko barado bakarajo samo jo salah ciek parusahaan di sinan nan banamo American Fur Company.[7][6] Pado taun 1847, para petani Mormon nan marupoan urang katurunan bangso eropa mambuek rumah di sakitar sungai virgin nan marupon sungai nan mangalia di taman nasional ko. Pado taun 1851, urang Mormon ko manjadian sakitaran ngarai Kolob manjadi tampek untuak mancari kayu jo makan rumpuik untuak jawi jo kudonyo. Karano tampek ko banyak maagia mafaaik mako urang mormon ko manyabuik ngarai Kolob ko sabagai sarugo.[8]

Kawasan taman nasional ko sabanonyo dahulunyo banamo Mukuntuweap. Karano namo iko kurang tanamo atau populer, pajabaik-pajabiak Amerika katiko itu mausahoan panggantian namo, sahinggo pado taun 1919 diputuihan bahwasannyo taman nasional ko banamo Taman Nasional Zion. Akibaik alah ditatapkannyo tampek ko sabagai taman nasional babarapo pambangunan jalan jo fasilitas panunjang lainnyo sarupo jalan kandaraan, rel kereta api, terowongan, jambatan dan jambatan gantuang nan mulai di bangun samanjak itu.[9]

Tampeknyo[suntiang | suntiang sumber]

Taman nasional zion ko barado diantaro babarapo jo negara bagian kota yaitunyo Washington, kane, Iron, jo Utah. Kawasan taman nasional ko barado labiah tapek nyo 40 mil dari kota Saint George di Utah atau bajarak 80 mil dari kota Mesqiute di Nevada. Tadapek babarapo kota nan tadakek untuak manjadi jalan masuak ka kawasan taman nasional ko, diantaronyo kota Springdate di subalah selatan, Orderville di subalah timur jo kota Cedar nan dakek dari ngarai Kolob. Luwenyo sakitar 146.597 hektar. Sajak diresmian taun 1919, alah banyak pangunjuang nan datang untuak bawista di taman nasional ko. Di taun 2018, ado sabanyak ampek juta urang labih nan bakunjuang.[3][4]

Tumbuahan jo Binatang[suntiang | suntiang sumber]

Kaadaan alam taman nasional ko nan baragam sarupo adonyo ngarai, lambah, gurun, sungai mambuek ado nyo kahidupan tumbuah-tumbuahan jo binatang nan baragam pulo. Tadapek 298 jinih buruang, 79 jinih mamalia, 28 jinih binatang malata, 7 jinih ikan, jo 6 jinih spesies amfibi. Untuak binatang nan dapek di tamui pado siangg ari diantaronyo ado ruso, kalinci, tupai ,kadal, alang ameh, alang ikua merah, kambiang. Untuak nan di malam hari dapek ditamui mancik, rubah, kuciang utan, barang-barang, jo kalelawa. Untuak jinih-jinih tumbuahan, dapek juo di tamui diantaronyo hutan pinus, kaktus baduri, rumpuik manzanita.[6] [10]

Kagiatannyo[suntiang | suntiang sumber]

Taman Nasional Zion marupoan salah ciek taman nasional nan ado di Amerika Serikat nan paliang acok di kunjuangi dek urang wisatawan. Sasuai jo namonyo Zion nan bararti sarugo, taman alam ko cocok untuak dikunjangi dek urang wisatawan untuak manjalajahinyo. Diantaronyo pangunjuang bisa manunggang kudo, bapatualang, basapeda gununang jo panjek tabiang sarato jo bakemah.[11][12][13]

Bakudo[suntiang | suntiang sumber]

kagiatan manunggang kudo marupoan salah ciek kagiatan nan dapek dilakuan di taman nasional ko. Kagiatan ko di pandu dek urang nan ahlinyo nan maajak pangunjuang untuak bajalan-jalan mancaliak pamandangan sakitar taman nasinal zion ko. Kagiatan ko biasonyo ado pado bulan Maret hinggo bulan November.[11]

Bapatualang[suntiang | suntiang sumber]

Untuak bapatualang di taman nasional ko alah disadioanno jalua atau jalan ka tampek-tampek nan rancak. Tampek nan rami didatangi dek pangunjuang iolah ngarai zion jo Ngarai kolob. Babarapo jalua punyo jarak nan babeda masiang-masiangnyo, ado nan ampek jam pulang baliak dan ado juo delapan jam pajalanan pulang baliak. Salanjuiknyo ado pulo kagiatan bapatualang nan manantang yaitunyo kagiatan panjek tabiang di lambah sion, dindiang tabiang nyo nan indak talampau tinggi mambuek pangunjuang baminat untuak mancubonyo.[12]

Bakemah[suntiang | suntiang sumber]

Pangunjuang dapek juo bakemah di taman nasional ko. Lokasi tampek bakemah ko barado di tangah-tangah ngarai zion, namonyo iolah Zion Lodge. Mandirian kemah disiko mambutuahkan ijin dari pihak pangalola taman nasional ko.[13]

Poto Taman Nasional Zion[suntiang | suntiang sumber]

Rujuakan[suntiang | suntiang sumber]

  1. "Listing of acreage as of December 31, 2012". Land Resource Division, National Park Service. 
  2. "Zion-Mt. Carmel Highway and Tunnel". National Park Service. 
  3. a b c www.nps.gov. "Directions - Zion National Park (U.S. National Park Service)". www.nps.gov (dalam bahasa Inggris). Diakses tanggal 2019-12-10. 
  4. a b "Zion National Park: Climate, Geography, Map - DesertUSA". www.desertusa.com. Diakses tanggal 2019-12-10. 
  5. phone, please email us at zion_park_information@nps gov Contact Us. "History & Culture - Zion National Park (U.S. National Park Service)". www.nps.gov (dalam bahasa Inggris). Diakses tanggal 2019-12-13. 
  6. a b c d phone, please email us at zion_park_information@nps gov Contact Us. "Zion National Park (U.S. National Park Service)". www.nps.gov (dalam bahasa Inggris). Diakses tanggal 2019-12-12. 
  7. a b "Search results for Zion National Park, Available Online, Legislation". Library of Congress, Washington, D.C. 20540 USA. Diakses tanggal 2019-12-12. 
  8. "Notes On The History Of The Kolob Canyons". wchsutah.org. Diakses tanggal 2019-12-13. 
  9. "8 Things You Didn't Know about Zion National Park". www.doi.gov (dalam bahasa Inggris). 2015-11-05. Diarsipkan dari versi asli tanggal 2021-01-05. Diakses tanggal 2019-12-13. 
  10. "Plants / Animals". ZionNationalPark.com (dalam bahasa Inggris). Diarsipkan dari versi asli tanggal 2019-12-13. Diakses tanggal 2019-12-13. 
  11. a b "Activities & Things to Do | Zion National Park & Lodges" (dalam bahasa Inggris). 2013-05-03. Diakses tanggal 2019-12-13. 
  12. a b "Things To Do - Zion National Park (U.S. National Park Service)". www.nps.gov (dalam bahasa Inggris). Diakses tanggal 2019-12-13. 
  13. a b "Campgrounds in Zion - Zion National Park (U.S. National Park Service)". www.nps.gov (dalam bahasa Inggris). Diakses tanggal 2019-12-13.