Taman Nasional Glacier

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Taman Nasional Glacier
Mountain Goat at Hidden Lake.jpg
Pamandangan Taman Nasional glacier jo kambiang gunuang nan marupoan salah ciek binantang nan iduik disinan
Dakek dari Columbia Falls, Montana
Wilayah 1013322 acres[convert: $2]$3[1]
Ditetapkan pado May 11, 1910
Pangunjuang 2,965,309 (in 2018)[2]
Pangalola kawasan Badan Pangalola Taman Nasional Glacier
'''
'Situs Warisan Dunia UNESCO
Bagian dari Waterton-Glacier International Peace Park
Kriteria Natural: vii, ix
Referensi 354
Pangukuahan 1995 (Sesi 19th)

Taman Nasional Glacier adolah salah ciek kawasan taman nasional nan barado di negara Amerika Serikat.[3] Taman nasional ko tapeknyo barado di negara bagian Montana di subalah baraik laut Amerika Serikat. Taman nasional iko babatehan jo propinsi Alberta nan barado di negara Kanada. Kawasan taman nasional ko dilalui dek dereran pagunuangan Rocky. Luweh taman nasional ko kiro-kiro sakitar 1.000.000 hektar atau 4.000 kilometer persegi.[3]

Sijarah[suntiang | suntiang sumber]

Kawasan taman nasional glacier ko paratamo kali nyo di huni dek panduduak asli Amerika. Panduduak tasabuik tadiri dari babbarapo kalompok suku nan banamo Flathead, Shoshone jo Cheyenne. Pado abiak ka 18, datanglah pandatang dari para panjalajah eropa nan manguasai lahan-lahan di kawasan taman nasional ko. Pado taun 1895, kalompok panjalajah eropa tadi nan banamo kalompok blackfeet manyarahan tanah nan tadiri dari babarapo wilayah pagunuangan ka pado pamarintah nan bakuaso katiko itu. Akhianyo pado tanggal 11 Mei 1910, pamarintah satampek manatapkan kawasan iko manjadi taman nasional. Sasudah di tatapkan jadi taman nasional pamarintah mulai mambangun tampek-tampek panginapan sarato jo akses atau jalan nan rancak manuju kasinan tamsuak jalua kereta api. Pado taun 1932 pangarajoan tasabuik alah salasai sahinggo urang dapek bakunjuang ka pusek taman nasional tasabuik.[4]

Bantangan alam[suntiang | suntiang sumber]

Taman nasional glacier ko babateh juo jo taman nasional nan barado di negara Kanada yaitunyo taman nasional danau waterton, salain itu babateh pulo jo hutan flathed. Di dalam kawasa taman nasional ko salain tadapek deretan-deretan pagunuangan, tadapek pulo babarapo danau jo batang aia nyo sarato jo hutan-hutanyo. Di kawasan ko tadapek puluahan danau gadang dan ado sakitar 300 danau-danau ketek. Danau-danau ketek ko kabanyakan tabantuak dari aia es pagunuangan nan mancayia. Danau nan paliang gadang di kawasan taman nasional ko iolah danau McDonald.[5] Danau ko punyo panjang sakitar 15 km. Danau-danau nan barado di kawasan taman nasional ko rato-rato ba suhu dingin, suhu-suhu ai danau tasabuik jarang nan diateh 10 derajat celcius sapanjang taun.[6] Taman nasional glacier ko mampunyoi banyak aia tajun, ado sakitar 200 aia tajun di saluruah kawasan taman nasional ko. Ado dua buah aia tajun nan gadang di kawasan ko. Aia tajun tasabuik banamo aia tajun McDonald nan barado di daerah Two Medicine jo aia tajun Swiftcurrent nan barado di daerah Many glacier. Aia tajun Swiftcurrent iko marupoan aia tajun nan murah untuak manuju ka sinan jo di tambah lai adonyo panginapan disakitaran aia tajun untuak pangunjuang nan datang. Salain aia tajun nan gadang, ado pulo aia tajun nan tinggi di taman nasional ko. Aia tajun tasabuik banamo aia tajun bird woman. Aia tajun ko tinggi nyo sakitar 150 meter nan aia nyo barasa dari gunuang oberlin.[7]

Tumbuahan jo binatang[suntiang | suntiang sumber]

Taman nasional glacier ko disabuik juo namo lainyo jo mahkota ekosistem dunia. Hampia rato-rato kawasan taman nasional ko masih babantuak hutan rimbo gadang. Salain itu, tumbuahan jo binatang nan ado di sinan alah ado samanjak kawasan taman nasional ko di jalajahi dek panjalajah dari eropa.[8]

Tumbuahan[suntiang | suntiang sumber]

Taman nasional ko punyo saribu labiah jinih tumbuah-tumbuahan. Tadapek banyak jinih batang kayu-kayu nan tumbuah. Sarupo batang kayu cemara, batang pinus nan masiang-masiang punyo banyak jinih nyo. babarapo tumbuahan sarupo batang cottonwood jo batang kayu aspen adolah jinih batnag kayu nan paliang acok baganti daun. Batang kayu ko banyak tumbuah di sakitaran sungai-sungai jo danau-danau. Di lambah-lambah atau lereng gunuang tadapek pulo padang rumpuik. Padang rumpuik ko hanyo dapek tumbuah salamo tigo bulan, karano daerah tasabuik acok di tutuik dek salju.[9] Tumbuahan nan banamo Beargrass nan tumbuah di taman nasional ko marupon jinih dari tumbuahan bungo nan punyo batang nan tinggi. Tumbuahan bungo ko tumbuah di sakitaran tanah nan lambok, biasonyo bungo nyo ko tumbuah pado bulan Juli jo Agustus. Salain tu bungo-bungo nan lain nan tumbuah disiko antaro lain adolah bungo monyet, lily gletser, fireweed, balsamroot, jo bungo kuas Indian.[9] Disapanjang lambah danau McDonal banyak tadapek batang cemara, pinus sarato jo padang rumpuik.[10]

Binatang[suntiang | suntiang sumber]

Taman nasional ko manjadi banyak tampek iduk dek binatang sarupo baruang, kabau gadang, srigala, kambiang gunuang, domba bighorn, ruso, ruso gadang, rusa baikua putiah, jo kuciang hutan. Salain itu tadapek pulo barang-barang sungai, landak, babarapo spesies marmut, jo spesies kalelawa. Untuak jinih baruang, tadapek banyak jinih buruang nan manjadian taman nasional ko tampek tingganyo. Diantaronyo adolah alang, alang ameh, bangau, bangau biru gadang, angso kanada, buruang hantu, buruang pelatuk, buruang pipik kamerahan. Buruang pelatuk banyak di tamui di hutan-hutan labek nan barado di lereng-lereng gunuang, sadangkan untuak buruang pipik merah adolah buruang pipik nan paliang banyak di tamuan di kawasan taman nasional ko.[11] Binatang reptil nan iduik di kawasan taman nasional ko diantaro nyo adolah jinih ula, salah ciek nyo jinih ula garter dan juo tadapek banyak jinih kura-kura. Untuak spesies binatang nan iduik di aia, tadapek babagai pulo diantaronyo nan tanamo adolah ikan salmon. Salain tu tadapek juo ikan asli daerah sinan sarupo ikan rout cutsroat westslope, ikan pike utara, ikan whitefish, ikan salmon kokanee, jo ikan artik.[12]

Poto-poto taman nasional glacier[suntiang | suntiang sumber]

Rujuakan[suntiang | suntiang sumber]

  1. "Listing of acreage as of December 31, 2011". Land Resource Division, National Park Service. Diakses tanggal januari 10, 2020. 
  2. "NPS Annual Recreation Visits Report". National Park Service. Diakses tanggal Januari 10, 2020. 
  3. a b Glacier, Mailing Address: PO Box 128 West; Us, MT 59936 Phone:888-7800 Contact. "Nature - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-10. 
  4. Glacier, Mailing Address: PO Box 128 West; Us, MT 59936 Phone:888-7800 Contact. "History & Culture - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-10. 
  5. Glacier, Mailing Address: PO Box 128 West; Us, MT 59936 Phone:888-7800 Contact. "Lakes and Ponds - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-10. 
  6. Glacier, Mailing Address: PO Box 128 West; Us, MT 59936 Phone:888-7800 Contact. "Aquatic Resources - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-10. 
  7. "Bird Woman Falls | World Waterfall Database: World's Tallest Waterfalls". web.archive.org. 2010-01-05. Diakses tanggal 2020-01-10. 
  8. "National Park Service". Diakses tanggal 11 Januari 2020. 
  9. a b Glacier, Mailing Address: PO Box 128 West; Us, MT 59936 Phone:888-7800 Contact. "Wildflowers - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-11. 
  10. Glacier, Mailing Address: PO Box 128 West; Us, MT 59936 Phone:888-7800 Contact. "Forests - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-11. 
  11. "Birds of Glacier National Park" (PDF). National Park Service. Diakses tanggal 11 Januari 2020. 
  12. Glacier, Mailing Address: PO Box 128 West; Us, MT 59936 Phone:888-7800 Contact. "Fish - Glacier National Park (U.S. National Park Service)". www.nps.gov (dalam bahasa Inggris). Diakses tanggal 2020-01-11.