Talang Babungo, Hiliran Gumanti, Solok
| Talang Babungo | |
|---|---|
| Nagara |  Indonesia |
| Provinsi | Sumatera Barat |
| Kabupaten | Solok |
| Kecamatan | Hiliran Gumanti |
| Kodepos | 27372 |
| Laweh | 85 Km² |
| Panduduak | 8.563 jiwa |
Talang Babungo adolah sabuah nagari di Kecamatan Hiliran Gumanti, Kabupaten Solok, Sumatra Barat.[1] Nagari Talang Babungo mampunyoi lueh 85 Km², atau 32,32 parsen dari lueh wilayah Kecamatan Hiliran Gumanti. Jarak dari Kantua Wali Nagari ka Ibukota Kecamatan adolah 1 kilometer, ka Ibukota Kabupaten adolah 56 kilometer, ka Ibukota Provinsi adolah 72 kilometer.[1] Nagari Talang Babungo mampunyoi jumlah panduduak sabanyak 8.563 jiwa (2018) terdiri dari 4.310 laki-laki jo 4.253 padusi. Nagari Talang Babungo tadiri dari 7 jorong yoitu: Talang Timur, Talang Barat, Bulakan, Silanjai, Tabek, Taratak Dama, Taratak Jarang.[1] Nagari nan sajuak ko sampai kini masih manjago kaasrian daerahnyo. Masyarakaik di Nagari Babungo tak hanyo manjago kultur yang ado di nagari tu, tapi juo maubah kampuang nan dulunyo kumuah manjadi labiah indah. Kampuang nan dulunyo samak kini lah disulap manjadi kampuang nan dipanuahi oleh taman bungo, di satiok rumah warga sanak akan manamui bungo yang macam-macam rupo tapi jenis bungo yang paliang banyak ditanam warga adolah bungo piladang merah. Nagari yang dikaliliangi dek bukik ko sangaiklah indah dan dipanuahi dek parak-parak warga yang mayoritas batanam tabu dan aren karano sabagaian gadang warga bakarajo sabagai patani.[2]
Topografi[suntiang | suntiang sumber]
Topografi nagari Talang Babungo bagalombang, ado jalan manurun dan ado jalan nan mandaki. Nagari Talang Babungo ko talatak di kawasan Bukik Barisan nan manyuguahan panorama bukik-bukik nan asri, kampuang ko barado di katinggian 1.141 mdpl.[3]
Pendidikan[suntiang | suntiang sumber]
Kini ko tadapek babarapo sakolah diantaronyo Sekolah Dasar sabanyak 9 Unit, Sekolah Menengah Pertama sabanyak 1 Unit, Sekolah Menengah Atas sabanyak 1 Unit dan Sekolah Menengah Kejuaruan sabanyak 1 Unit.[1]
Pariwisata[suntiang | suntiang sumber]
Talang Babungo alah mulai mangembangkan pariwisata nan ado didaerah tu . Nagari Talang Babungo manjadi kampuang nan indan dan nyaman sasudah adonyo kabakaran nan manimpo kampuang tu. Kajadian tu berhasil mambuek CST PT Astra Internasional Tbk mancaliak ka kampuang tu dan manolong kampuang Talang Babungo untuak manciptakan Kampung Berseri Astra (KBA). Malalui program tu warga jo perusahaan bakarajo samo untuak mambangun kampuang nan labiah indah, nyaman dan labiah produktif sahinggo dapek maningkekan kualitas hiduik masyarakaik nan tingga di Talang Babungo. Nagari Talang Babungo diharokan bisa manjadi salah ciek ikon wisata yang ado di Solok, dan dapek mamajukan perekonomian masyarakaiknyo.[2][4] Di jorong nan banamo Tabek, dibantuak pambagian zona-zona untuak mampamudah program kampuang asri. Di satiok zona tadapek gapura sabagai panando dan halte nan bafungsi sabagai tampek pasinggahan.[5]
Rujuakan[suntiang | suntiang sumber]
- ↑ a b c d "Nagari Talang Babungo, Hiliran Gumanti, Kabupaten Solok". Langgam.id (dalam bahasa Indonesia). 2020-03-24. Diakses tanggal 2021-06-20.
- ↑ a b A, Putut (2018-09-24). "Meniru Jorong Tabek Nagari Talang Babungo, Tidak Dilarang". batampos.co.id (dalam bahasa Indonesia). Diakses tanggal 2021-06-20.
- ↑ "Mengenal Daerah Tabek, Kampung Terpencil Nan Kini Populer". Cendana News (dalam bahasa Indonesia). 2018-12-26. Diarsipkan dari versi asli tanggal 2019-12-08. Diakses tanggal 2021-06-20.
- ↑ Agency, ANTARA News. "Nagari Talang Babungo jadi Kampung Berseri Astra di Solok". Antara News Sumbar. Diakses tanggal 2021-06-20.
- ↑ "archive copy". Diarsipkan dari versi asli tanggal 2021-06-24. Diakses tanggal 2021-06-20.