Takcin

Takcin Takcin marupoan pamainan anak ketek di Ranah Minang, tarutamo untuak anak padusi nan dimainan tigo sampai ampek urang. Fungsi dari pamainan iko untuak maningke'an katarampilan, kaliah'an sarato maningke'an kasaimbangan badan, emosi sampai kapandaian. Pamainan iko acok bana dimainan di halaman Umah nan data samo tanah e kareh. Untuak barang nan digunoan biasonyo bola karet. Indak ado syaraik pakaian dipamainan iko.

Caro pamainannyo dimulai jo satiok pamain malempaan bola ka lantai samo tangan suok, katiko bola malambuang nan diikuikan jo garakan kaki jo badan sasuai ju urutan samo kasapakatan basamo. Pagantian garakan dilakuan satalah malalui ituangan nan alah ditantuan. Bilo ado pamain malakuan kasalahan dalam malempa bola, mako pamain digantian samo pamain salanjuiknyo. Pamain nan alah malalui sadoe nomor uruik samo mandapek'an angko paling tinggi nan jadi pamanang pamainan iko.