Syekh Abdurrahman

Syekh Abdurrahman adolah saurang ulama di Sumatera Barat. Baliau lahia di tahun 1192H/1777M di Batu Hampar, kiro-kiro 9 km dari Kota Payakumbuh, Sumatera Barat. Di usianyo nan ka 15 tahun, Abdurrahman baraja agamo kapado Galogandang di Batusangkar. Sudah itu, baliau lanjuik ka Aceh baraja di sinan salamo delapan tahun, di Tapaktuan, Aceh. Baliau mambangun Surau Gadang tampek untuak santri baraja dan sekalian tampek tingga.

Baliau baliak kakampuang halaman pado umua 63 tahun. Baliau maajaan islam disitu jo caro bacaramah, karano urang di sinan alah tau pulo jo agamo. Baliau samaso hiduik mampunyoi anam urang bini. Mandapek delapan anak laki-laki dan baduo anak padusi. Tamasuak bapak Proklamator awak yaitu Bung Hatta marupokan Cucu baliau,yaitu anak dari M. Jamil dan Saleha. Baliau maningga pado tanggal 23 Oktober 1899 pado umua 122 tahun.

Surau Gadang

Pado mulonyo Syekh Abdrurrahman mambangun sabuah surau untuak mangajaan ilmu agamo yaitu tentang Tllawah al-Qur'an. Syekh Abdurrahman mambuek sabuah kompleks nan khusus dihuni dek urang-urang siak, kompleks ko dikenal "Kampung dagang". Mampunyoi bangunan induak jo bapuluah-puluah surau di bangun mangalilinginyo. Bangunan induak nan tapantiang yaitu musajik tampek maaja al-Qur'an jo palaro-pakaro agamo nan dikenal jo namo " Masjid Gadang". Disabalah timua ado bangunan parmanen jo sabuah menara yang digunoan untuak mangumandangkan azan.

Untuak administrasi sarato kabutuhan urang-urang siak nan banyak, mako Syekh Abdurrahan manunjuak patugas-patugas khusus untuak mambidangi sagalo urusan tasabuik. Sadangkan untuak kaparaluan aia, Syekh Abdurahman mangaliaan aia dari sabuah mato aia nan indak jauah dari kompleks surau. Kadisiplinan sangaik ditutuik bagi panghuni surau, bagi nan malangga akan dikanaian sangsi barupo hukum randam nan disaksian oleh urang-urang siak nan lainnyo. Caro pangajaan nan dikenalan sausia dengan caro surau yaitu berhalaqah. murik-murik hadir mangalilingi guru.

Kashalehan jo Keilmuan

Sabagai ulama gadang nan shaleh, baliau takamuko pulo dalam Tasawwuf, sabagai pangamal skaligus Syekh Tarikat Naqsyabandiyah. Layaknyo ulama-ulama nan ahli sufi, Syekh Abdurrahman juga tabilang keramatnyo, sabagai anugrah Allah akan wali-wali sarato urang-urang shaleh pilihan.

Syekh Abdurrahman mampunyoi 5 istri, dari istri-istri baliau ko alah dikaruniai 8 urang anak laki-laki jo 2 urang anak padusi.

Diantaro murik-murik baliau nan takamuko nan masih disoboakn catatannyo ialah : Syekh Alim Batu Bara, Syekh Abdul Shamad, Syekh Ibrahim Kubang Suliki, Syekh Muhammad Arsyad, Maulana Syekh Abdurrahman al-Khalidi, Syekh Sulaiman ar-Rasuli, Syekh Mudo Abdul Qadim Belubus Payakumbuh, sarato banyak nan lainnyo.

Satalah Tuan Syekh wafaik, mako kepemimpinan suaru Batu Hampar dipimpin oleh anak-anak baliau nan tak pulo kurang alim-nyo. Pariode-pariode satelah Syekh Abdurrahman yaitu : Syekh Muhammad Arsyad (1899-1924), Syekh Muhammad Arifin Arsyadi (1924-1938), Syekh Ahmad (1938-1949), Syekh Darwisy Arsyadi (1952-1964), Syekh Dhamrah Arsyadi (1964-1992), Buya H. Sya'rani Khalil Dt. Majo Reno (1992-sekarang).