Syeikh Sa'ad Mungka

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Syeikh Muhammad Sa'ad bin Tinta' (lebih dikenal jo Syeikh Sa'ad Mungka, 1857-1923) adolah saurang ulamo Minangkabau. Baliau marupoan surang tokoh nan mangamalan tarikaik Naqsyabandiyah-Khalidiyah di Sumatera Barat. Baliau lahia taun 1857 di Mungka, Koto Tuo, Kecamatan Guguk Dangung-Dangung, Kabupaten 50 Kota. Sabalum barangkek ka Makah untuk pertamo kali taun 1874, liau baraja agama ka surang guru di Tabing Pulai, Mungka, Koto Baru, banamo Haji Abu Bakar. Syeikh Sa'ad Mungka partamo kali barangkek ka Makah taun 1874 tu bamukim disinan salamo 26 taun. Pulang ka Mungka taun 1900 sasudah baraja ilimu-ilimu agama, tamasuak ajaran tarikaik Naqsyabandiyah kapado babarapo urang guru dari Makkah, Madinah, Yaman, jo Mesir.

Tahun 1921, liau mulai maaja di Mangka. Tapi, taun 1921 tu pulo baliau pai ka Makkah baliak jo anaknyo yang partamo, Muhammad Djamil, bamukim disinan salamo 3 taun. Sapulangnyo ka tanah aia taun 1925, liau manaruihan maaja di Surau Baru, surau batingkek duo, dibangun masyarakat untuak Syeikh Mungka sasudah liau pulang dari Makkah untuak ka duo kalinyo. Lantai ateh digunoan untuak Shalat Jum'aik, sadangkan lantai bawah untuak tampek pangajian.[1]

Berbeda Pendapat dengan Syeikh Ahmad Khatib[suntiang | suntiang sumber]

Di kalangan Kaum Tuo di Minangkabau, pado maso dekade partamo jo kaduo abaik ka 20, Syeikh Mungka adolah ulama Minangkabau nan takamungko. liau adolah panantang "Syeikh Ahmad Khatib", satu-satunyo tokoh ulama Minangkabau nan parnah mancapai kadudukan tinggi di Makkah. Liau manjadi imam, khatib, jo mufti (nan maagiah fatwa) dalam madzhab Syafi'i di Musajik Al-Haram.

Tahun 1906, Syeikh Ahmad Khatib parnah manulis buku bajudul Izhar Zaghl al-Khadsibin bi Tasyab-Buhihim bil-Shadiqin ("Memperlihatkan Kelancangan Orang-Orang Pembohong yang Berpura-pura Sebagai Orang-Orang yang Benar"). Buku tu marupokan samacam panflet manyarang jo mambatakan tarikaik Naqsyabandiyah jo amalan-amalan yang dikarajoan samo panganuik-panganuiknyo di Minangkabau, bantuak suluk, rabithah ato tawajjuh, maninggaan makan dagiang salamo suluk, jo sisilah dari pamuko-pamuko tarikaik Naqsyabandiyah. Dalam buku, taruih tarang dinyatokan, sadonyo ajaran samacam itu indak ado ashal dalam Syariat. Sadonyo tu bid'ah-dhalalah, nan manyababkan palakunyo masuak narako.

Siap buku tu sampai di Minangkabar, guru-guru tarikaik Naqsyabandiyah di Minangkabau jo pangikuik nyo berang. Pado saaik itu, diarokan datangnyo pahlawan, urang yang bisa mangarajoan itu tantulah ulama yang tagok dalam ilimu tarikaik ataupun ilimu fikih jo Ushulul-Fikih. Kironyo Syeikh Mungka nan tampil partamo kali. Baliau mambela tarikaik Naqsyabandiyah dari sarangan Syeikh Ahmad Khatib,

Rujuakan[suntiang | suntiang sumber]

  • Raya, Angkasa (2001). Riwayat Hidup Ulama Sumatera Barat dan Perjuangan. Padang: Islamic Centre Sumatera Barat. pp. 55-62.